متى يتم تغيير زيت القير للكامري ؟؟

كل 60 الف تغيره مع الفلتر 
نصيحه لاتغير إلا فالوكاله 
موفق بإذن الله 

نصيحه لا توديها عند بترومين

مايفكوا كرتير الزيت

يشفطوا الزيت شفط 

ولما تقولهم فلتر يقولون لك مو مهم 

وديها أي ورشة 

انا مغير لسوناتا بجده عن ميكانيكي ب 130 بعد المكاسره

وغير الزيت والفلتر والوجه وجبت له غرا مرسيدس الأصلي 

بس خلك واقف على رأسه 

تحياتي لك

زيت القير يتغير كل 80 الف في الكامري ونوع الزيت في الشركة خاص للثيور الجديده الجالون الفضي 

سعر الجالون 100 ريال 4 لتر باقي لك وجه كرتير وفلتر 

انا مغير لكامري 13 ب 600 ريال بعد الخصم 

زيت برومين قديم من الجيل الثالث ماينفع للسيارات الجديده 

وتراه بيكلف من غير فلتر ب 300 ريال 

الافضل زيت الوكاله افضل واضمن 

والاختيار لك 

اهم شي الزيت والفلتر من الوكاله
واقرب ورشة وغيره
يعني الوكاله بيعطونك ضمان مايعطونك ابد
وباالتوفيق

الوكالة مسببين لي عقدة ماقعدت اروح لهم بسبب عيب مصنعي بالكامري وعيب ثاني مااعلنوه ومشاكل مع المهندسين 
بس انا اقصد بترومين ك شغل يد و القطع علي كلها من طلبات ذكرتها وذكرها الاخوان

بترومين ما يقبل تجيب القطع من عندك كل شي من عندهم 

 عليكم السلام 
يا مرحبا فيك بيننا و ان شاء الله نفيد و نستفيد من بعض و الله يجيرنا من شر الدسلايكات هههههه

زيوت بترومين للقير فاشلة انتبه منها . هذا اولا 
ثانيا افتح الكتالوج في صفحة السعات و الزيوت و بتشوف نوع الزيت و الكمية و اسال الوكالة عن الكمية و اشتر الزيت و الفلتر من الوكيل لا تاخذ من موزع ولا محل . 

الشي الثالث شريت الزيت و الفلتر و الوجه او معجون الكرتير رح لورشه و التغيير يكلف من 100-150 ريال و بالكثير 200 ريال شغل يد .

اذا كان الكرتير له معجون فا خذه من ساكو مخصص للقير و سعره ب 20 الی 30 ريال منتج امريكي برمتيكس .

اذا الكتالج يقول 6 لتر للقير هذا الكامل يعني مع الفلتر و التعببة تقريبا النص او اكثر شوي و هذي في اغلب السيارات بس لا تعتمد كلامي اسال الوكيل و ابحث بالنت و اسال اكثر من فرع للوكيل للصيانة مو قطع غيار 

و تاكد من انه الزيت الصحيح لان الزيوت انواع للقير و كل نوع لقير معين فا انتبه تاكد قبل من الكتالوج 

و بالتوفيق ..

الكاتلوج يقول ٤٠ و ٨٠ الف وحتى النوع ماذكر
و زيت المحرك كذلك ماذكره وحتى نوع اللزوجة مايذكر اي تفاصيل
وكانهم يقولون خمّن لتربح

اول تغير للزيت على 60 الف  
التغيرات الباقية على 40 الف 
واحرص على الزيت الموصى به في الكتلوج 
تحياتي 

اولن بترومين فاشلين ثانين مايحطون لك زيت مطابق لموصفات قير السياره ولا يفكون كرتير ولا يغيرون الفلتر بس مجرد يسحب الزيت  القديم بجهاز السحب ويعبي من زيتهم الخايس 

 زيت الكامري لاصلي هو العلبه الفضيه تويوتا رقم 1 والفلتر  القير مع التغيره والوجه اصلي وغيره من ورشه ويكون بعلمك زيت تويوتا العلبه الفضيه خاص بكامري من 2007 وفوق 

اي ميكانيكي او حتى محل ميزان كبير يغيروه لك ارخص 
انت الاي عليك جيب الزيت الاصلي والفلتر والوجه
واحيانا يقولك الوجه تبدله بغراء اصلي قيمته اغلى من الوجه
ارخص وافضل لانك بتقعد على راسه حتى يصير كل شي تمام 
المراكز الكبيرة بترومين وغيرها تراها كلها دعايات والمجربين كثير
عندهم 
موفق

القطع اشترها من الوكاله وغيره برا انا غيرته في تويوتا الضحيان ب180 ريال شغل يد والقطع شريتها من الوكاله في كل الحالتين محد يضمن القير لا الوكيل ولا اللي بتغير عنده وفر على نفسك وغيره برا.

السلام عليكم ياجمعه انا موتري ماشي فوق ١٩٠ طق ٢٠٠ وموتري كامري ١٤ والموتر من الوكاله معي له ٤ سنوات هل اغيره ويضبط معي ولا اخليه وتر فيه رجه ٤٠ و٧٠ مدري من القير ولا شي ثاني 

الرجه ممكن تكون من ترصيص

الرجه اذا داعس بنزين واذا شلتها تروح هذي يبيلك إصلاح عكس يا يمين او يسار

برمجه قير بخصوص الرجه ٤٠ الي ٨٠ اهتزاز في القير والسبب الطنجره عيب مصني من مديل ٢٠١٢ الي ٢٠١٥

٪100 مشكلتك فضاوه بالعكس

افيدوني جزاكم الله خير معي كامري 2018 ومشيت عليها 115 الف هل استطيع اغير فلتر القير وهي بهذا الممشى خوفوني بعض الناس قالوا ممكن تغييرك بعد هذا المشي يضر القير