بترومين وزيت القير

نصيحه لا تغير عندهم مايحطوا الزيت المناسب للسياره 

و300 غالي بدون فلتر 

اي لازم تغير الفلتر 

لأنه يمسك الرايش والاوساخ

روح أي محل وكيل لتيوتا 

واعطيه نوع سيارتك وموديلها 

وبيعطيك الزيت المخصص لزيارتك والفلتر

ورح لأي ميكانيكي عطه 150 ويغيره لك

تحياتي 

لزيارتك * ### لسيارتك.###  


اكتب من الجوال ****

زيت القير أفضل مكان لتغييرة الوكالة فقط لاغير

يا m-baz

انا رحت الوكاله وقالو نغيره لك ب900 وبدون ضمان

قلت غالي وحاله حال الورش 

مر اوتو ستار شف الوضع و الأسعار

نصيحه غيره بالوكاله اضمن **  والسعر ذا تامد منه 
لاني قبل فتره مغير زيت القير ب ٦٠٠ بعد الخصم 
يعني اذا مرا مرا وصل السعر ٦٥٠ 

اسمع العلم روح الوكاله وأشتر جالون الزيت يجي لونه رصاصي وخذ الفلتر وتوجه الى الصناعيه فيه مراكز وورش كبار مختصين بتويوتا واذا بالرياض انصحك تروح الصناعيه القديمه وشغل اليد حدود 100 الى 120 اكثر من كذا لا تعطيهم 

وبخصوص ضمان القير انت ماشي ع السياره 90 الف اتوقع زيوت تويوتا تمشي الى 100 الف لكن الوكاله تخليك تغير قبلها بعشرين الف كيلو حفاظا ع القير 

انا غيرته بالفورد جبت له الزيت والفلتر واخذ مني 70 ريال بورشة عاديه الزيت والفلتر خذهم انت اصلي وخلك واقف عليه وقت الشغل

70 ريال حق ششغل اليد فقط لايشمل الزيت والفلتر

ياخي 
علبة زيت فضيه 110 ريال 

فلتر قير ب 120 ريال 
وجه كرتير 30 ريال 
معجون أو غراء مرسيدس ب20 ريال من قطع غيار بنز

أقرب ميكانيكي ب 50 ريال 

زيت القير اما تغيره في الوكالة أو تشتري الزيت من الوكالة وتغيره في أي مكان
ماينفع تغيره عند بترومين لأن القير مو مثل المكينة يقبل اي نوع زيت
القير غير له زيت وكالته فقط

غير في الوكاله بذات زيت القير 

انا معير للكامري 730 واتوقع للكورلا ارخص

وغير ذا تدخل علي الضمان ولو في شيا يتغير راح يغيرونه وانت الكسبان

طع شوري وروح ... راح تغير نضرتك عن الوكاله بعد تغيير الزيت اهم شي ما تتعدا 100 الف

سالت الوكالة يقولو بعد تغيير الزيت فيه برمجة

تغيير الفلتر اهم من تغيير الزيت نفسه. لا انصح بالتعامل مع بترومين.
ابحث عن ورشة ممتازه و اشتر القطع بنفسك او غيره بالوكاله.

اذا ماتقدر تغيره في الوكاله
اشتر الزيت والفلتر من الوكاله وغيره في الصناعيه
عند واحد شغله في القيور
واول ماتطلع السياره خلك حنين مع القير 
انتبه تضغط عليه مقاومات او اختبارات
اقل شي 1600 كيلو 
وحاول تشيك علي المعيار اليوم الثاني بعد التغيير 
بعد ماتشغل الموتر بخمس دقائق

السلام عليكم 
صباح الخير 
بخصوص القير انا معي اورين 2017  ماشي 50 الف قلت اسال ناس كثير بخصوص زيت القير ف صار عندي معلومات حتى من عند للوكاله قالو تغير الزيت علي 80 الف قيمته فالوكالة 1400 ريال مدري بعد للخصم وإلا بدون خصم فقلت غالي ليش كذا انا اغير بنفسي فسالت ناس كثير من محلات قطع من اصحاب ورش قال محتاج 3 قطع زيت قير قيمته 125 في للوكاله وجه للقير وا فلتر قير طلع للمجموع في للوكاله بعد للخصم 470 ريال برا للوكاله طلع 270ريال نفس للقطع وا الجوده بس ذي وكاله لزخ في الاسعار ف المفروض كلنا نحاول ننسحب منها علشان الاسعار تنزل رحت ميزان العضيب قالو شغل لليد 250 ريال لكن بعد للخصم لك 200 ريال  معليه ضمان كلهم الوكاله برا ليش القير يضرب مع اصحاب سيارات البعض مو للكل لمن يغير لنه يمشي فوق المئه الف ف يصير ازيت القديم باقي علي اتروس حق للقير ويضرب يصير مخلوط زيت خفيف ثقيل فشخص يحس أوقات يصير خفيف مره ثقيل تعشيق القير معه لكن الي يحافظ مايتعدا الظغط 2 الين يمشي فوق 5 الاف بعد كذا يصير معك اوكي اسرع بس مو شخف ظغط علي للقير يضرب معك بعض بخصوص الي يغير عند بترومين يحرام امشى بس 30 الف بتبدأ تحس قيرك بدا يروح عليك انصيحه انا بنفسي مجرب بترومين زيت للقير حقهم في لنترا خرب علي 

الي ماشي فوق لميه يغير بدون وجه فلتر يمشي 10 الاف بعد ينظف ازيت الي على تروس القير يرجع مره ثانيه يغير زيت القير مع الفلتر 

بس عند ناس تفهم صح ماهو شغل ابو كلب بدون نفس 
ان شاء الله لمن تسوي كذا يمشي عمر معك زيت القير اما الي عندهم زيت للمكينه اكثر من 4500 كيلو غير ازيت يمشي معك الموتر تمام للعمر الي تبي بس اعتد استخدامك له دور هذا هي كامل لتفاصيل اما اصحاب لكزز مثل ماقلت الي ماشي فوق لميه لايغير الفلتر ولا شي بس ازيت بعد 10 الاف يبدا يغير كامل للقطع فلتر زيت وجه اتكلم عن افالون لكزز 350 جي اس اي اس اورين هذا افضل طريقه للتفادي ظرب للقير لمن تغير لايتعدا اضغط معك اكثر من 2 للين 10 الاف يبدا ازيت الي على اتروس ينظف بعده غير كامل للقطع افضل من تغير قير كامل

تكون السياره بارده توقف اقل شي سياره ساعه بعده تغير الزيت توكل علي الله