استفسار عن استئجار سيارة وتسليمها بمدينة اخرى

وعليكم السلام ورحمة الله وبركاته

راح تكلفك كثير

لأنهم ياخذون منك حق الكيلو اضافة الى قيمة شحن السياره لإرجاعها للفرع اللي استأجرتها منه

يعني مثلا لك 200 كيلو باليوم وانت اقل شيء راح تمشي 400 كيلو

يعني عندك 200 كيلو اضافية اقل شيء قيمتها 100 ريال 

و قيمة شحن السياره لإرجاعها للفرع حوالي 250 ريال 

يعني راح تدفع 350 ريال غير قيمة الايجار اليومي 

لو تروح طيارة و درجة اولى اوفر لك

الله يجزاك خير يالتركي
شكلها طيارة والله ييسر ... 

انا عندي عضوية ذيب الذهبية ما ادفع ولا ريال المفروض ادفع قيمة السطحة يعني انسى الفكرة

قبل فترة قصيرة ذيب كان عندهم عرض تسلم السيارة
بأي فرع بدون ماتدفع ولا ريال غير قيمة الاجار لكن 
مدري العرض مازال ساري او انتهى
لكن اسعارهم مبالغ فيها جدا جدا اذكر قبل سنة تقريبا
اتصل على فرعهم بالمدينة وسألت عن اجار الاكسنت
قالي السوم ب ١٣٠ ريال!!!!

السوم= اليوم اكتب من الجوال

اسال مكتب الايجار احسن



ومسموح تاخذ السياره من مكتب في الشمال الرياض وتسلمها في جنوبها عادي ومافيه اي رسوم اضافيه اما خارج المنطقه لااعلم ممكن مسموح وبدون دفع اجور اضافيه للسطحه و غيرها وممكن لا

نصيحه اركب مع كداد ب ٨٠ رياال ولو تبي يوقفك عند المعرض وقفك تزيده ٢٠ رياال وساعتين وانت بالقصيم 

مشكورين جميعاً ولا حرمكم الله الاجر

تواصلت مع شركة الوفاق وافادو بأنه ممكن استئجار سيارة من الرياض
وتسليمها للقصيم بدون رسوم اضافية او شحن

شكراً لكم 

ياخي سؤالك ماادري وش اقول سافر إستأجر كذا والا كذا خسران وملعوب عليك وبرضو ملعوب عليك بالسيارة الي إشتريتها مدام سؤالك كذا