أضف سؤال أو موضوع جديد          

كم تسوى كامري امريكي

up 1 down 4
تركي818 134
قبل 5 سنه و 4 شهر



السلام عليكم

يالربع انا عندي كامري ٢٠١٠ امريكي ٤ سلندر ماشي بالكيلو ١٨٠ ألف انا مشتريها يوم كنت بامريكا وجبتها معي .. شريتها سنة ٢٠١١
واحد عزيز علي يبغاها وقالي شف كم تبغى فيها وانا ما ودي اغليها عليه وبالمقابل ما ودي اخسر فيها علماً بأمواصفاتها ستاندرد مع قير تيبترونيك ومثبت سرعه

المكينة ممتازة والقير موضبه قبل فترة وكلفني ٧٥٠٠ ريال فيها دقشه خفيفة في طرف الرفرف مع الكبوت ورشيت الرفرف والكبوت والصدام لانه كان فيها نقرات بسيطه ( بويه منقشعه بسبب الحصى في الطريق) 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


حياك الامريكي 2010 4 سلندر فئة LE الي هي اقل فئة في الامريكي
اسعارها النضيف توصل 40 الف 
بما ان الي معك فيها رش وبعض الملاحظات
فاشوف لو سامها منك ب32 الى 34 طيبة 


up 3 down 0
الرفاعي33 13911
قبل 5 سنه و 4 شهر



وعليكم السلام ورحمة الله وبركاته
أشوف حقها ٣٥ ألف ريال
والله يوفقنا وياك وجميع المسلمين


up 0 down 0
ابوناصر 454 655
قبل 5 سنه و 4 شهر



بعيد عن السعر الي تستحقه سيارتك بتكلم عن انك حاط قيمه توظيب القير في الحسبان هذا غلط ، تعطل القير ثم اصلحته من حسابك الشاري ماله دخل تحمله قيمة توظيب القير فرضا فيه سيارتين نفس الموديل ونفس النظافه ونفس كل شي الاولى السياره ماقد اشتكت من شي وراعيها يبي فيها 40 الف والثاني قدر الله عليه وخرب القير ووظبه ب5 الالف ولما جاء يبيعها قال ابي فيها 45 الف لان تصليح القير كلف علي شوي لو انت مكانه وش بتاخذ وهل بتعذر الثاني وتاخذ سيارته


up 3 down 0
Pro rare 447
قبل 5 سنه و 4 شهر



شكرا لابو ناصر والرفاعي وكذلك برو رير

المقصد من ذكر سعر التوظيب مو اني ناوي احمله المشتري لكن المقصد هو اني اشتغلته شغل كويس ومكلف


up 2 down 0
تركي818 134
قبل 5 سنه و 4 شهر



لا تبخس سيارة الرجال يا الرفاعي ، علشان دقشة خفيفة تنزل من سعرها الجقيقي 6 آلاف !!!


up 0 down 4
النهراني 271
قبل 5 سنه و 4 شهر



لا ان شاء الله ما احد يبخس السيارة .. السالفة كلها استشارة 


up 0 down 0
تركي818 134
قبل 5 سنه و 4 شهر