طرمبة الزيت كامري

خذها نصيحة لاتعدي الزيت 5000 كيلو مهما كان  فجميع وكالات السيارات ينصحون بالتغيير على 5000 كيلو   اما مشكلتك الحالية  فلاتشغل السيارة وحاول توديها مكانيكي  مضبوط والله يعينك

سوبر جي تي وماشي عليه 10 الف لا حول الله الزيت هذا بذات من بعد 3000 كيلو يتغير لونه واذا وصلت 4000 قلت لزوجته 

بيض وجيهكم... وفعلا فكيت صدر المكينه 
ولقيت الزيت اسود لاصق زي الغراء على الطرمبه 
ولا يرتفع الزيت للمكينه  

مابي احطمك بس بقولك الله يعوضك صارت معي اففففف ايام تسرفدت فيها من تشليح ل تشليح 

السوبر جيتي المروح اذا وصل ٣٥٠٠ يصير شحم 

اخيس زيت هو ٥٠/٢٠ بغض للنظر عن نوعه

سؤال ياخوي ماعليش صحيح الفاس طاح بالراس بس وش هالاهمال فيك


ياحبيبي ياقلبي سيارات 2015 و2016 يحطون لها كاسترول وبترومين وهي اطلق من سوبر جي تي وتمشي 5000 تنزله اسود خويي معه كادينزا توه ماشيه 30 الف وفي كل تغييره يغيره يحصله اسود يقول يضيق صدري ودي اغير 4000 او قبل


وانت سوبر جي تي وشالخه 10,000 بتقول لي مامعك فلوس ترى تغيير الزيت مايكلفك 120 ريال واقل بعد بتقول ماعندي وقت مستحيل مافضيت نص ساعة تغير زيت موترك


هذاك تسببت على نفسك وعلى موترك ومكينتك وبتخسر دبلات


لعله درس لك والقديم لو مهما مكينته منهده بالمحافظ والمدارات يمشي ، انا كابرس 85 مشى لين اذن وتوني بايعه في رمضان الماضي والله مكينته ما تنقص قطرة ماشاء الله تبارك الله


وكنت استعمل له سوبر جي تي بس اغيره في وقته وقبل وقته ، وقد شحم بجمسنا لين سدد الشخال حق الطرمبة واضطريت ان اغيره طرمبة كاملة وانظف الشخال


بالتوفيق

دام طلع لك صوت كرنك فهي تحتاج توضيب والله اعلم