وش الحل لاهنتو

سدد حق الناس  هذا الحل 

اعطي كل ذي حق حقه 

حاول تستلف من أحد تعرفه وتقفل كل المديونيات وبعدها تطلب قرض من الراجحي

أما بوضعك هذا فمستحيل الراجحي يعطيك قرض وحتى لو أعطاك رح تتراكم عليك الديون وتتعقد المشكلة

اخوي دين بدين ما بيقضي دينك ابد. 
انت رتب امورك وسدد الاقدم 
ويمديك تاخذ قرض من بنك التسليف 60الف بشرط يكون عندك
طفلين وهو قرض تكميلي 

تبي حل سريع 
خش جمعيات مكثفه
وكل مااستلمت سدد شوي وشوي هنا
الين يفرجها ربك 
واكبر خطاء تسديد الدين بدين

سدد اللي عليك و بيفرجها الله هذي حقوق ناس 

سمعت ان فيه مكاتب تسددها وياخذون فلوس

تبغى الله يرزقك ؟؟؟
سدد الي على رقبتك 

انا ابغاقرض عشان اسددها وش السواه 

حول راتبك علی بنك الرياض واطلب قرض علشان تسدد المديونية وان شاء الله يعطونك او رح لبنك البلاد وافتح حساب ويشترون المديونية من بنك الرياض ويطلعون لك قرض يسددوها ويعطوك الباقي

وشوله تبي القرض من الراجحي ؟؟؟ اسمحلي على ذا السؤال


بتقول لي بشتري سيارة ، ترى مافيها شي تقعد على سيارتك قديمة شوي وممشيتك احسن من راكب جديد وكلك ديون ، واذا سيارتك مرررة ما عاد تمشيك زد على قيمتها شوي وخذ لك صغيرة اكسنت ولا ريو اقتصادية ولا تطلب شي وخلها معك وقيمة هالقسط خلص فيه امورك مع بنك الرياض



بتقول لي باخذ القرض من الراجحي بتزوج كانك عزوبي ف هذا احسن شي على الاقل ماعليك أي مسؤولية اظغط نفسك سنة كاملة واقتصد على عمرك يعني حاول ماتصرف الا 2000 كل شهر والباقي انطله للرياض سنة وشوي ان شاء الله انت مخلص وكل ماجاك قرش انطل



صدقني بترتاح راحة ، يازينها لاحطيت راسك على المخده وانت عارف ان محد يطلبك وموترك باسمك ومستور والحمد لله ولو البيوت رخيصة كان ياسلام حتى ما تشيل هم اجار



بالتوفيق وانا اعطيتك هالحلول لأنها يمكن ماجت على بالك ، ولا تقضي الدين بالدين وتزيد الطين بله انت الحين عليك 80 الف لو نقول انهم عطوك الراجحي 100 الف كم صار عليك وكم يبيلك تقصدها بتضيع سنين عمرك تقصيد



بالتوفيق