استفسار عن سعر الكفرات الصينية

انا جربت يوكوهاما الياباناي   اقسم بالله ماصدقت انها برساوه ذي حتى صار لي موقف كنت مسرع وعلى نزله بكبري  ماشفت الحادث وضغط فرامل ولفيت وماشاء الله استجابتها معي ممتازه وجربت الجودير الجودير رساوه وامن وتمسك الارض يعني تبي كفرات اي كلام ركب صيني  تبي كفرات الي عليها الكلام الي ذكرتها لك   

افضل شي في الصيني 

اسمها وست ليك علئ ما اعتقد ماني متاكد من الاسم 
لكن قل للبنشري وست ليك واكيد يعرفها 

المهم لي 7 شهور مركبها وفيها كفر مرقوع مرتين 
واسافر عليها علئ 160 و 180 وممتازة جداً ولينه 
اخذت طقم ب1050  مقاس 225/55/17 

انصحك فيها 

جنوط حجم ١٧ غالية ، هذي المشكلة لو ١٦ تحصل ب ١٢٠٠ كويس 

المقاس اللي عندك ماتتعدى 200 انا اخذتها بالسعر هذا مقاس 17-55-215

ويست لايك عن تجربه جبااااره مثل ماقال اخونا الحربي لها سنتين على السياره ولا اشتكت

سألت مره البنشري وقال لي أنها ب 175 بدون ما اكاسره بس وقتها قلت ابي اعرف كم السعر

سايلون صينيه مجربه على اوريون جنط 17 ممتازه لكن تبقى صيني 

انا جربت cst sahara ماشي عليه الحين 2000 وجربته بالخطوط على 150

الصراحه ارسى واريح وانعم من الدنلوب

سعر الطقم مقاس 253_55_17 ب750 مع الترصيص والبلوف اصلي

وعليه ضمان سنه

سايلون اردئ نوع في الصيني
والافضل ويست ليك كلامي عن تجربه

وفيه نوع تايلندي مدري وش قلعته اسمه نكسس علئ 
ما اعتقد كويس لكن بعد شهرين يصير قاااسي وصوته مزعج 

اذا انت راعي سفر بين فتره وفتره حاول تبعد عن الصيني مجرد نصيحة

في نوع اسمو اطلس اندونيسي ممتاز بصراحه وقيمه الكفر 200 ريال يعني حيطلع الطقم 800 ريال 
بصراحه ممتازة جدا 

والله ياغالي ماانصحك بالصيني وخذ تكتيكي اذا طفرت

الكفرات النظيفه خلها ورا

واشتر اثنين جدد مثل هانكوك وخلها قدام

وخلها تمشيك الين تتوفر معك فلوس واشتر كفرين

وركبهم بدال القديمه

الكفرات والفرامل والبوري والانوار اهم شي في السياره

وانتبه من اللعب معها لسلامتك

الله يحفظك ويسعدك

افضل كفرات في الصيني جنوي انا مركبها على السيارة من ثلاث سنوات والى الحين عليها وانا راعي سفريات مشاء الله تبارك الله ويارب لك الحمد نصيحة من واحد مجرب على السيارات

الصيني جينوي رائع
215/60/17
بعده ويست ليك