أضف سؤال أو موضوع جديد          

مشكله في مكينه كامري-كم توضيبها وكم مكينه مجدده ارجوا الدخول

up 11 down 7
ابو يزيد 000 8712
قبل 6 سنه و 2 شهر



السلام عليكم ورحمة الله وبركاته

ومساء الخير على الجميع

صديق يعز علي سارت له مشكله في سيارته

وقلت مالي الا الله ثم اعضاء المنتدى يفيدوني 

السياره كامري 2003 , طبعا شكل 2003 الى 2006

الرجال والله ضروفه صعبه , شرا سياره قبلها وباعها تشليح بسبب الخرابات والغش اللي حصل له سواء من البايع او الورش اللي دفعوه قيمه ما يقدر عليه وباعها تشليح

وشرا هذي و فحصها ولكن الفحص غشوه و طلعت تنقص علبه زيت او اكثر كل اسبوع 

وعلى هالحال لانه ما يقدر على اصلاحها وضروفه العالم فيها الله

كلمني امس و قال ان السياره ماعادت تعدي سرعه 90 لو ادعس لها نهائيا ما تزيد

وزاد اليوم كلمني وقال ان السياره في الصناعيه

لان امس السياره سارت تمشي 80 ولو ادعس ما تمشي اكثر

وتنقص تدرجيا لين وصلت قريب من البيت ونزلت على 20 ولا تمشي اكثر من 20 ابدا

وشلتها على سطحه

ويقول والله اني انغش في كل مره سواء في الشراء او التصليح فساعدني

يقول تعبت مع هالسيارات وضروفي الله العالم فيها والحين متأكد بزيد انغش مثل كل مره

فاللي يعرف السبب فلا هان يكتبه لي عشان لا ننغش لان كثير من الورش ماعادت تخاف ربها

وطبعا الورشه قالت مكينه خربانه 

فهل فعلا تحتاج الى توضيب او مكينه مجدده من المشكله اللي ذكرتها لكم 

او انه شيء يتغير وخلاص تسير تمشي السياره ؟ 

عادي النقص في الزيت اهم شيء ترجع تمشي مثل اول يقدر او لا ؟

واذا تحتاج توضيب او مكينه جديده 

واللي يعرف محلات , فياليت يدلنا على اللي سعره معقول ويكونون ثقه في توضيب مكاين الكامري او يبيعون مكاين مجدده

سألنا عن مكينه مجدده عند الوفى وطلعت ب5 الاف !!

والفورد والله يوم كانت معي رحت اسال ورشه وقالوا لي ب 3100 ريال وهي 8 سلندر و الكامري 4 سلندر 

قلت اكيد اننا مغششوين ومالي الا الله ثم هالمنتدى

وانا وياه في هالمجال ما نعرف ولا ندري اذا انضحك علينا ولا لا 

فارجوا من الله ثم منكم الاجابه على هالسؤال

1/ وش سبب المشكله , يعني وش تحتاج بالظبط , مكينه جديده او توضيب , او شيء ثاني ابسط

2/ لو تحتاج مكينه او توضيب , دلوني على ناس ثقه واسعارهم تكون معقوله ويعطون ضمان على شغلهم لانهم كفايه ما غشوه المسكين , لازم ضمان على الاقل ,

المكان الرررررياض

وشكراا لكم 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ماعندي علم يابو يزيد لكن لاتقارت الفورد في الكامري الفورد ارخص بكثير 
المشكله هالموديل للكامري ماادري يتوظب ولا 

شيك على الطرمبة البنزين قد صارتةمعي في الجمس يمكن منها اذا سخنت تصير كذا 


up 0 down 0
ابو ابراهيم2021 352
قبل 6 سنه و 2 شهر



و عليكم السلام و رحمة الله و بركاته
ما اتوقع ان السبب المكينة خبطت
المكينة تخبط في الحالات التالية
صوت في المكينة
طقطقة
ارتفاع في الحرارة توصل فل

بقية المشاكل حساسات ممكن
اتوقع حساس دعسة البنزين فيه مشلكة و الله العالم



up 0 down 0
مخاوي الطرقة 394
قبل 6 سنه و 2 شهر



اخوي  غير البواجي  و راح يرجع العزم سيارتي السابقه صار لها نفس الحركه و المكينة مبوشه و غيرت البواجي و رجعت العزم 


up 1 down 1
fowad 123
قبل 6 سنه و 2 شهر



افحص كمبيوتر افضل يبن معاك وين المشكله بس اشرط عليه اذا ما طلع لك الخلل
ما ياخذ شيء 


up 0 down 0
aburakan9479 148
قبل 6 سنه و 2 شهر



اعتقد والله العالم من البواجي 

الزيت يطلع عليها الين يخلي البوجي ما يستقبل شرر عشان كذا مافي اي عزم 


وانت ابدا بالشي البسيط والرخيص 


اسال الله العظيم ان يفرج هم صاحبك وييسر امره 

ويرزقه بالناس الطيبين اللي مثله 


up 4 down 0
الصمت كبرياء 328
قبل 6 سنه و 2 شهر



المكينه بالذات هالموديل ماتتوظب لانها المنيوم افضل لك اشتري مكينه
من التشليح بضمان مايقل عن شهر وخذ معاك واحد يفحصها لك
ويتاكد انها ملعوبه او مشدوده بلد وحالتها كامله 
واذا اشتريت مشيها اسبوعين متواصله لكل الاحياء امشي فيها مسافات طويله
شوفها تنقص او ترتفع حرارتها او تطلع اصوات خفيفه منها


up 1 down 1
احمد شريف 3176
قبل 6 سنه و 2 شهر



الحل يسقط لها مكينه كامري 2011 


up 4 down 0
سكودر 14928
قبل 6 سنه و 2 شهر



هلا اخوي ابو يزيد 

في ورشة بالصناعية القديمة اللي في مخرج 16 بالرياض سويت توضيب للمكينة اكسنت 2500 كامل وكل شي عليهم من قطع اصلة وضمان شهر 
اتوقع الكامري توضيبة من 2000 الي 3000 بس قبل لا تسوي شيء قلهم وش فيه الموتر و اشرح وش فيه الموتر يمكن يطلع شيء بسيط الخراب 
اعتقد اسم الورشة الهداب 


up 0 down 0
ابو سعود 0 0 -39
قبل 6 سنه و 2 شهر



ومن قال انها ماتتوظب الا تتوظب عندي كامري 2006 كل شوي تنقص زيت وخبطت ووديتها لصناعية الطائف عند واحد خبير في توظيب الكوامري من 2003 فما فوق ووظبتها بـ7 الاف ريال شغل وكالة عند واحد اسمه طاهر الباكستاني والحين لها معي سنتين والحمد لله ماتنقص والزيت هو سوبر موبيل على كلام الميكانيكي طاهر


up 1 down 0
haraj-1434 508
قبل 6 سنه و 2 شهر



التوظيب راح يكلفك مثل ماقال الهاجري
لاكن مكينه مجددة وعليها ضمان شهر اشوفها احسن
وعزم السيارة نازل من البواجي يجيها زيت يعني لزم تنفك المكينه
وكان الله بعونكم


up 1 down 0
باترول 2020 2623
قبل 6 سنه و 2 شهر



يمقن الثروتل محرووق يعني حساس الدعسة اقصد


up 0 down 0
ryyan555 703
قبل 6 سنه و 2 شهر



مشكلتلك بخاخات واحد او اثنين مقفل خربان


up 0 down 0
almartki 251
قبل 6 سنه و 2 شهر



مثل ماقالو الشباب عنده البواجي وصلها زيت لو غير البوجي بيرجع عزم السياره بس بتجلس فتره ويرجع يطيح العزم لان بيرجع الزيت يطلع للبوجي ويخربه


up 0 down 0
Pro rare 448
قبل 6 سنه و 2 شهر



دام مكينتها تنقص وشوله يصلح ، يدخل في متاهه ثانية زبطت مازبطت فيه دخنه فيه مدري وشوا



انا والله ادري ان ظروف الرجال صعبة وعسى الله ييسرها له ان شاء الله ، لكن كلمة في خاطري واسمح لي اقولها


بعض الناس هو اللي يجيب لنفسه الشي ذا ظروفه صعبه على عيني وراسي والله يفك عوقه ، لكن تجي له معه 18 الف ولا 22 الف مجمعها بالياله


يروح ياخذ له كامري مبقسة منهبله ماشيه 400 الف ويقول غشوني طبيعي الكوامري الموديل ذا لعبت الشريطية واسعارها فلكية ، يخوي انا يهون علي اخذ لي اكسنت ولا الالنترا ولا أي صغيرة حتى لو ماتكفيني شوي انا واهلي لكن اشتري راحتي ودرب الورش اللي مامنه لزمه وبسعر زين وموديل حديث


والله اعرف اشخاص معه بزرين وبعضهم ثلاثة معهم الالنترا كورلا بس موديل حديث ويقول ان الله يسر لي شريت اكبر وذي خادمتني وسط البلد وان سافرت قريب مهيب قايله لا وفاك عمره من وجع الراس



وبعدين انت تقول هذي ثاني مرررة ينغش ولا يلدغ المسلم من جحراً مرتين يعني ليش يستعجل ويلقط وبس يشوف اهل الخبرة يفحصون الموتر زين مازين وبعدين يشتري



عموما انا ما انصح بتصليحها ابد يبيعها وياخذ له صغيرة تمشي اموره لين ربي يفرجها عليه


بالتوفيق


up 1 down 0
a.ibrahem 3169
قبل 6 سنه و 2 شهر



شيك على الكويلات و اذا طلعت كانت سليمه  افضل له يغير مكينه من التشليح ارخص من التوضيب  و هذه الموديلات ما تتوضب  و سلامتكم 


up 0 down 0
افكار جديدة 662
قبل 6 سنه و 2 شهر



للاسف هذا اسعار المكاين للكامري 
وقطع الكامري بشكل عام الاصلي غالي 
الكابريس la1  _2003 تلقاها ب3000 تقريبا 
لكن خله يشيك على اشياء ثانية 
يمكن جلد البلوف تهرب الزيت ينزل ع البواجي او او 
وان شاء الله المكينة سليمة 


up 0 down 0
mohammad saeed 2864
قبل 6 سنه و 2 شهر



خله يسقط لها مكينة 2002 افضل لانها ماتنقص زيت 
ومن موديل 3 وطالع فيها مشاكل كثير مكاين الكامري 


up 0 down 0
احمد ابو سامي 66
قبل 6 سنه و 2 شهر