مشكله تعويض السيارات الغارقه والعنصريه بين البشر
41
22
إضغط هنا للإخفاء
السلام عليكم ياشباب
لاحاد يزعل مني بس الصبر له حدود ولو زاد انفجر الانسان
انا ساكن بوسط طريق عام الطريق الرئيسي الموجه للمدينه المنوره اجمل المناطق دار طيبه
المهم كل مايجي سيول جده المعروفه ناكلها ونغرق وسياراتنا تغرق ولا فكرنا بالمطالبه ربي يعوضنا عنها
المهم دي المره المطر جاء وسيارتي وسيارات الجيران واقفه انا سيارتي قعدت تمشي فيها الموية لين النفق حق
ولد العهد سيارتي غرقت ومن جوه منظر مروع موية وريحه عفنه والدنيا ملخبطه
المهم اتصلت عالدفاع المدني 998 وكلمت الرجال قالي راجع الدفاع المدني فرع الرحاب مقابل دله
بسم الله واخذ سياره والله بجوع وبدون فطور متوهق بحال السياره راجعتهم طبعا تحويلات بشارع فلسطين
والدنيا ملخبطه وتحويلات المرور الله يعينهم والله احزن لهم هم والدفاع المدني على شغلهم المتعب
المهم بالعافيه وصلت بعد ساعتين للموقع المنشود والقى سعودين واجانب متضررين بيوتهم وحالتهم اصعب من سيارتي
والدفاع المدني مايدي احد وجه قالو روحو ديك البوابه وجاء عسكري مسك ورقه فيها ارقام المسؤولين عن التعويض بالاحياء
اخذت الرقم الاقرب لي بني مالك واتصل امس واتصل الجوال مقفول
اليوم اشتغل سبحان الله ويرد علي واحد عاد الاسلوب من جنب القده عاذره مضغوط بشغله
انا اجنبي من مواليد هالوطن والوالد عايش اكثر من 35سنه هنا وطبعا العنصريه الي ماطيقها بين المسلمين
اخذ الموقع ونوع السياره ولونها واسمي كامل شوي الى انت مواطن او مقيم قلتله مقيم قال الله يستر علينا وعليك
ويقفل بوجهي عاد انا هنا اتش واتصل ثاني ونتناقر انا وهو قال التعويض للسعودين فقط...
الحين ابغى اعرف وقت ماغرقت السيارات بطريق المدينه فزعنا لاغلب السعودين والي بالنفق والي يسال اقرب
طريق مافيه موية واقرب بقالة انا واصحابي كثيرين وكلنا اجانب من جنسيات مختلفه ومعانا سعودين والله فزعنا للكل
كثيرين قابلناهم ووضعهم مزري وبعضهم بعوائل وندف سياراتهم لطلعات مويتها اخف ونفزع لاي واحد ونعطيه اي شئ ناقصه
ونعلمهم باوضاع اشيائهم الخاصه ومالى ذلك
هذا جزائنا نفزع ونساعد ونخدم وننكرف للناس بالنهايه انت سعودي لا اسري من هنا مادري العنصريه لين متى حتستمر
نتعلم ان لافرق بين عربي واعجمي الى بالتقوى شويا تعدي باب المسجد تشوف العكس تماما وبكل وقاحه
ايش الي حاصل... ماني عارف صار المسلم مايرحم اخوه المسلم
العنصريه نتنه لو دخلت بلد كله يتدهور لان مافي احد مثل الاخر ويزداد الظلم
المهم هاذي قصتي ماقول الى الله يعيني ويعين الجميع واول ماتوصلني فلوس بصلح سيارتي والعوض من عند الله
والله ينتقم من كل واحد يظلم حقوق الاخرين
إبلاغ
سيارات للبيع
الردود
0
2
قبل 7 سنه و 12 شهر