رائحة كريهة من المكيف

أخي تفقد المروحة وفلتر المكيف

مرة سيارة أحد الاقارب فيها ريحة جيفة اكرم الله الاعضاء تدرون وش صار منه حصلنا في المروحة -جرذي- دخل الغمارة وتخبى في المروحة وعند تشغيل المكيف لعبت في حسبته وحصلناه هيكل عظمي!!!!!

تأكد من البطاريه سوتها قبل كذا فيني 

اخوي ودي السيارة مغسلة وخليه يفتح الكبوت ويشيك لك عليها الظاهر والله اعلم فيه شي ميت في الكبوت وعن تجربة سابقة سارتلي في كامري الله لا يعيدها كرهت السيارة ذيك الايام من الريحة وآخرتها طلعت بسة ميتة في الكبوت وبالقوة طلعناها لقيناها محشورة ومفحمة من حرارة المكينة وغسلت السيارة بستم والكبوت حطو فيه ديزل وقعدت فترة حتى اختفت الريحة فإنت ودي السيارة مغسلة وافتح الكبوت وخليه يشيك عليها زين وبعدين غسلها بستم وحط فيها معطرات من جوا وظبطها وان شاء الله بتزين امورك 

بالتوفيق 

هذه الرائحه من البطاريه  تحصلها انكسرت وراحت مويتها  غير البطاريه و ان شاء الله تنتهي المشكله  حصلت معي قبل مده بسيطه و غيرت البطاريه و انتهت المشكله   و بالتوفيق 

رائحه الاسيد ومويه الأديتر الاصليه (بعض الأنواع ) تشبه رائحه المجاري تقريبا .

ريحة بيارة او ريحة حوش غنم هذي ريحة الفريون اذا جيت تغيره
تأكد من المواصير عند الكفر حقت الفريون يمكن فيها تنسيم بسيط
البطارية بعيدة عن الكفرات ما اظن تنكسر الا بحادث