لإصحاب جيوب تويوتا 2015

والله يا باشا فيه رسوم تغسيل سيارة حضرتك بـ 2000 ريال ، لكن الصيانة مجانية يا باشا !!! 

ابراهيم بن عبدالله , توني مسوي الصيانه 1000 كم , ولا دفعت ولا ريال !! ان طلبوك شي عندك الذيابه 1900 , وعندك رابط العرض , المقصود من تنزيل الموضوع ان فيه ناس شرت 2015 ولا تدري , والوكالات وسخين ما يعلمون العميل ان فيه عروض .

انت توك مسوي صيانة 1000 كيلو ، أتمنى تطرح تجربتك بعد ما تخلص من الصيانة المجانية على قولتهم ، وتعال عطني رايك وأنا متأكد إنه بيتغير رايك فيهم 

جبت لهم الجيب , خلال 40 دقيقه انتهت الصيانه مع انهم قالوا لي ساعه ( حسب شروط وزارة التجارة ان الصيانه ما تتعدى ساعه وموجوده اللوحة ) شيّكوا على كل شي واضافوا كل النواقص واعطوها غسله محترمه وضربت الباب , والله وانا اخوك نسمع عن سوء التعامل لكن والله جيت وشفت معامله حلوه , يمكن لأن وزارة التجارة شاده عليهم ؟!

شف وأنا إخوك ، موترك جديد ما شاء الله ولا يحتاج صيانة بالأساس ، كله تشييك و يشحمون الأبواب ويعطونك الموتر ، لكن خل موترك يمشي ويقطع مسافة ودخل الموتر لهم ، وشف التعامل الحلو هههههههههههه ، ترا معي تويوتا وموتوي ماشي 80 ألف وكل صيانات الموتر عند عبداللطيف ، مع إني أكره تويوتا وسنين تويوتا لكن رزق كتبه الله لي ومو بيدي  ، واللي أقوله لك من خلال تجربتي معاهم *_^  على العموم خذلك لايك هدية للموتر الجديد ههههههههههه

والله تجربتي معاهم اكثر من رائعه 

افضل تعامل وخدمة شفتها على الاطلاق 

في وكالة تويوتا عندنا (قطر)
تشييك 1000 كلم ، وتشييك 5000 كلم
مجاني ، لجميع السيارات ، لا تعتبر عروض خاصة
ولا شيء .

جايك الدور وتبي تغير عندهم اي شي والله لياخذون منك حق الموتر دبل تغيير زيت واقمشه وسيور وخرط هوبات ووووووووو تشوف بعينك بعدين 

مثل الوعلان 
مسوي عرض مجاني بمناسبة ليه 3 مليون سيارة

فحص شامل
بعد البحث عن هذا الشخص المجاني
تبين انه نفس الفحص الي يسوونه وقت تغيير الزيت
تشييك على السوائل
تشيك على الكفرات 
المساحات 
الاشارات 

وكلها كلام فاضي
اما بخصوص عرض تويوتا
اصلا السيارات جديدة ضامنين انه مافيها مشاكل 
عشان كذا مابيخسرون وتلقاها 
وبعد 4 سنوات!! او 70 الف كيلو
عارفين انه في خلال سنة السيارة بتمشي 70 الف وينتهي 
يعني كلها امور دارسينها وحاسبينها صح 

واصلا خلال ال 70 الف كيلو نادرا السيارات تطلب اصلاحات 
يعني لاعبينها صح

شاقح اللي يمشي 70 الف كيلو بالسنه هذا هبيل , فيه لي قريب عنده افالون 2014 توها بالعشريانات وكملت تقريبا سنه , هذا على مشيه يبي يستفيد 3 سنوات

كل مرة تسوي صيانة ادخل تحت الصاجة و شيك كم مسمار ناقص  هذا عادتهم ينقصوا المسامير تكاسلا و اهمالا منهم عند تغيير اي قطع اشرط عليهم يعطوك القديمات و اذا قدرت تعلمها بقلم قبل للتغيير 

صدقت يالسكاكي ..
انا موتري لي ١٠ شهور مطلعه وممشاه الحين
١٧ ألف تقريبا ما شاء الله تبارك الله

لكن قبل فتره شفت اعلان في موقع حراج
كامري ٢٠١٥ ماشيه ١٥٦ ألف !!!!
يقول راعيها اني مطلعها قبل ٧ شهور
يعني تتعجب هذا وين يروح له ؟!

حرام عليك يا السكاكي 
أنا موتري موديله 2015 مطلعه قبل سنه وشهر بالتمام وماشي فيه 80 ألف 
والسبب إني أقطع 500 كيلو  يومياً خلال أربع أيام بالأسبوع بسبب الدوام 
وتقول عن اللي يقطع هالمسافه بسنه هبيل ؟ 
دام الله رزقك بوظيفة جنب بيتكم وتصحى وتفطر ونص ساعة وأنت بمكتبك ، ترا فيه غيرك يصحى الساعة 3 الفجر ولا يرجع لديرته ويدخل بيته إلا بعد المغرب ! 
رجاءاً لاتحكم على الناس من مشي موتره ^_* 

(ابو ناصر 454) فيه ناس تحكه رجله لازم يفرفر بالشوارع مثل المجنون



, (ابراهيم بن عبدالله) , لاتفهم غلط بارك الله فيك ولاتحور الموضوع , وهم وش دخلهم بك اذا دوامك بعيد !!! ما ادافع عن احد لكن تكلم بالعقل