ياشباب ايهم الافضل تمويل عبد اللطيف جميل ام شركة اليسر

ما انصحك بالتأجير


لكن إذا مجبر البنوك أقل فائدة 

عبداللطيف خله آخر شي لأنه أعلى فائدة 

والله عبد اللطيف جميل ارحم من شركه اليسر 

الناس كانت تاخذ من عبد اللطيف علشان ما يدرج اسمك في سمه .

الان هو مثل باقي الشركات مسجل في سمه .

لذلك ابحث عن الاقل فائدة .

بما انك حددت ابوجميل واليسر
اتوقع عندك تعثر بسمه او عليك مديونيه
اما اذا كنت ما عندك مديونيه ومجلور على 
التأجير انصحك البنك الاهلي امورهم ميسره او العربي
اما اذا كنت من ضمن المتعثرين او المديونين فشوف اقل نسبه
بين ابو جميل واليسر وفالك البيرق 

عبداللطيف جميل سمه مربوطه فيه لكن هو غير مربوط بسمه
كييييف؟
افهمك يعني لو عليك متعثرات بسمه عبداللطيف جميل 
يطلع لك اهم شي ما عليك متعثرات عنده بالجسر

ولو عندك متعثرات بعبد اللطيف تكون ظاهره لسمه

الحمد لله ماني بمتعثر وهذي اول مرة اقسط عشان كده بستفسر

خذ بنصيحة شرقاوي

البنك تامينه زباله ونتو بكرامه

ميزة عبد اللطيف جميل لو عندك قرض وراتبك مايسمح تاخذ قرض ثاني او سيارة ايجار بالتمليك 
يعطيك سيارة 
اهم شي منت مطلع سيارة من عندهم  

الافضل اليسر ثم عبد اللطيف الباقي اي كلام وتامينهم 100% البنوك اقل فائده لاكن يمرمطونك بالشروط وتامينهم اي كلام ( ماينفع )


الله يسر لك امور

عبداللطيف جميل 
يسجلك في سمه و النظام هذا طبقه قريب .
متأكد من المعلومه 100%

ابو لطفي افضل هذا ولد عمي اخذ منهم كورلا كل اشوي دقش فيها ويصلحونها له ويعطونك سياره بديله يارس

ياخوك اذا ماعندك التزامات بنكية أخذ قرض من البنك فوائد اقل والسيارة باسمك

الأهلي تأمينه الشامل على التعاونية من تالي
غير عن ميدغلف
بس مرتفع نسبة التأمين اكثر من المرابحه حقت البنك
يعني ممكن يزيد عن سعر الكاش اكثر من 30 الف
كنت اباخذ من الراجحي لكن لأن راتبي ما ينزل عليه
طلب مني دفعة اولى تقريبا" 18% بينما الأهلي 5%
و تأمين تكافل الراجحي في حالة تلف السيارة يطالبك بالفرق
ما في نسبة تحمل محددة مثل غيره من شركات التأمين
و الدفعة الأخيرة 25% للبنكين
شوف العربي و بنك الامارات و اطبع برنت من عندهم و قارن
و لا تعتمد على حسبة مواقع البنوك على النت غير دقيقة
اضرب سعر السيارة كاش في
0.01 = 1%
 0.05 = 5%
من 10% الى 30%
اضرب في 0.10 او 0.30
و احشر الموظف تأكد من حسبته ترا ياخذ نسبة عن كل معاملة

ابتعد عن الشركات خصوصا" اليسر و عبداللطيف مشكلته
 التقسيط على 4 سنوات الحد الأعلى = 48 قسط
البنوك و غيره من الشركات 60 قسط 5 سنوات
اطلب الحد الادنى من الدفعة الأولى و الحد الأعلى من الأقساط
و الدفعة الأخيرة 30% اذا في مجال او 25% و
تأكد انه ممكن تتقسط بدون فوائد على 12 قسط على مدار سنة

طبعا" تطلع قرض و تدفع كاش افضل
 للي ما يحتاج فلوس القرض لغير السيارة

اخوي تأمين عبداللطيف افضل انا سويت حادث في اليسر دفعت تحمل 2000 وكلف تصليحة أقل واخذوا مبلغ الي جا من التأمين خويي سوى حادث عند عبداللطيف وأعطوه مبلغ تعويض جيد فنصيحة ابعد عن اليسر لو قدرت حرامية بمعنى الكلمة

عبداللطيف ميزته ... ماله علاقة عليك أقساط ثانية أو لا ...

يعطيك على تعريف الراتب فقط 

ما يطلب كشف حساب وخرابيط ... وهذي ميزة للي ما يستطيع ياخذ من جهة ثانية وعليه اقساط .

الله يغنيك عنهم كلهم ..
أركب سياره لو بعشر آلاف  
او تسلف او جمعيه 

بنك الرياض العن بنك في الايجار وشروطه ميسرة عند الشراء والفايدة اقل لاكن معقد اذا جيت تكيش السيارة ياخذ فايدة على الكاش مانصح فيه نهائيا للكل