أضف سؤال أو موضوع جديد          

الرفاعي وهارون والتجرية الناجحه حياكم

up 60 down 12
الرفاعي33 13914
قبل 6 سنه



          "السلام عليكم ورحمة الله وبركاته"

مساء الخير على اخواني اعضاء منتدى حراج

كيف حالكم ان شاءالله مبسوطين ومرتاحين 
كما وعدتكم اخواني في موضوعي الي راح والي قبلة
ووعدي لكم بموضوع البواجي وطلبها من الخارج وتغييرها
ازعجتكم بالكامري الامريكي ولاكن تحملوني 
ومن الممكن يكون هاذا اخر موضوع لها 
لانها اخر صيانه سوف اقوم بها طفرت هههههههه
الطلب من الخارج بصراحه ادماااان ............




ماعلينا 
طبعا لايخفى عليكم نوع سيارتي 
الا وهي كامري 2009 6 سلندر اعلا فئة نزلتXLE
ولا يخفى عليكم ان المكينه والقير نفس الافالون والاوريون والكزس ES350




الموتر مطلعه جمرك اول مستخدم 
وفي الشهرين الي راحت سويتله بعض الصيانه 
وما بقى غير البواجي 
الان ممشاة 149 الف ميل بمعنى حول 230 الف كيلو
فقلت حان الوقت لتغيير البواجي 
قبل شهر و5 ايام بالضبط فكيت واحد من البواجي الامامية
ووديته للوكالة 
من شان اخذ طقم اصلي روديوم
وهنا المفاجئة الكبرى الا وهي.......




طلعت بواجيها مختلفة تماما عن بواجي الاوريون والافالون
وطلعت مطابقة تماما لبواجي الكزس ES350
لان بواجي الاوريون والافالون سنة البوجي اقصر من بوجي موتري والكزس مع ان المكينه نفس القوة وعدد الاحصنه
عجيب امرك يالامريكي؟؟؟؟؟؟؟




كم سعرها ياباشة قالي بعد الخصم 
420 ريال طبعا وكالة عبدالطيف في بلجرشي 
هنا بطلت انا سعر جدا مبالغ فية
فقلت مامعي الا صاحبي وصديقي العضو الرائع اخونا ابو ياسر
فكلمته يطلبلي البواجي من امريكا 
ماقصر ونعم الرجل شرواكم 
عطيته الموديل والفئة 
وحصلها وفعلا طلعت بواجي لكزس
السعر اصلي دينسو روديوم 
توصل خلال شهرين ب120 ريال؛؛




وتوصل خلال شهر ب209 ريال مائتان وتسعه ريال؛؛
انا اخترت الخيار الثاني ب209 ريال
وفعلا تم تحويل المبلغ الى ابو ياسر...........




ووصلت قبل 3 ايام من امريكا الى الباحه دايركت
شامل الشحن شوفوا فرق السعر من 420 ريال 
الى 209 ريال فرق 211 ريال الله عليك يابو لطفي طماع بزيادة ولو اني طلبتها خلال شهرين بتوصل بسعر 120 ريال
المهم استلمتها وكانت مغلفة في كرتون وتغليف امن 
الحين جاء وقت التركيب ،،،؛؛؛؛؛؛؛،،،،،،،،،،،،




وكلكم عارفين ان تركيبها صعب جدا ولا هو اي واحد يضبطها
يبيلها حذر وانتباة لان 3 بواجي امامية و3 بواجي خلف الثلاجه
ويحتاج فك الثلاجه
رحت لوكالة المعجب في الباحه 
في بني سار وحصلت الميكانيكي فلبيني 
وقالي توقفها وتستلمها بكرة وشغل يد 350 ريال 
ليش 350 قالي تحتاج شغل كثير 
المهم سحبت علية ومشيت
رحت للميكانيكي هاروون الي غيرلي المساعدات في موضوعي قبل 6 ايام
ووريته البواجي قالي انا ضبط سيارة يرجع مية مية
قلت شوف هارون انت غيرت بواجي نفس سيارة قبل كذا
لاتكذب قول الصدق بعدين انت مشكلة
قالي انا والله مافية غير بس مافية مشكلة مخ انا مية مية
قلت اجل بساعدك وان شاءالله نضبطها
كم تاخذ قالي 150 انا ماصدقت ههههههههه
قلت اعطيك 100 قال عشان انته نفر كويس 
120 ريال قلت اجل توكلنا على الله ورجلي على رجلك
في كل مسمار
قلت اول شي افصل البطارية وفصلها
طبعا السيارة مكينتها حارة ولازم تبرد
انتضرنا نص ساعه
الحين جاء وقت الجد ونشوف مع بعض هاروون وش بيسوي..




طالع هارون وتركيزة على البواجي الخلفية
لان الامامية بالكثير ماتاخذ ربع ساعه
الثلاجه لها 6 مسامير امامية فكها هارون بنجاح
الان فية مسمارين خلفية وهي الي طفشت هارون
وخلته يشغل مخه ...........




حاول يمين يسار ماقدر لان المكان ضيق من جهة المساحات
ولا يقدر يدخل يدينه بعد التفكير لمدة 10 دقايق
قالي هارون مش معقولة الشركه تسبب هالضيق
اكيد فية طريقة تسهل المهمه "'،؛"'،؛"'،؛"'




اتخذت انا وهارون قرار وطبعا هو الي اخترع الفكرة
الي مسبب الضيق حاجز التهوية الي تحت المساحات بلاستيك اسود وتحته مباشرة صاجه حديد
فقالي هارون بنفك المساحات
ونفك حاجز التهوية ونطلع الصاجه الحديد
وبكذا ان شاءالله نفك الثلاجه خلال 5 دقايق
فقلتلة تم بعد ماقلتلة انت مية مية ومهندس كبير
وضحك وضحكت وعمت الفرحه والبهجه ارجاء الورشة هههههههههههههههه...........




المهم فك الي قلتلكم علية المساحات والتهوية والصاجه
وفعلا صدق الان واضحة المسمارين 
وفكها وطلعنا الثلاجه ويعتبر انجاز ممتاز للاخ هارون
وبدينا بفك الكويلات وطلعنا البواجي واحدا تلوا الاخر
حتى طلعت السته البواجي 
واتضح انها من بلدها لم تغير
يعني ممشى 230 الف ولم تغير البواجي من بلدها شي طيب جدا بل ممتاز
ركبنا البواجي 
ورجعنا كل شي مكانه 
الشغل اخذ وقت ساعتين تماما ********








وصورتلكم وصول البواجي الى طريقة فكها وتركيبها
والحمدلله فهمت الطريقه واخذنا خبرة مع هارون
وهارون الحين صار معلم في فك بواجي الكزس والاوريون والافالون............




وصراحه الي يشوف هارون يقول مايفهم شي
فلا تحكم على الشخص من مظهرة 
فربما يكون مخه نضيف ولدية افكار جهنمية
كما حصل معاي ومع هارون ،؛:،؛:،؛:،؛:،؛:




الوكالة تقول يوم كامل مادري على ايش يوم كامل
يعني فوق شغل اليد 350 يبي ياخرني يوم كامل
وفوق ذالك سعر البواجي 420 
عجيب امرك ياعبدالطيف ارضى ب50 ب100 فايدة
اما تدبل سعر القطعه مرتين وتستغل الشعب مايصير كذا
==============================




اليكم الصور 
وتستاهلون التقرير كامل 
عذرا على الاطالة 
نراكم في مواضيع جديدة وشيقة قريبا
اخوكم / ======الرفاعي33=======



































إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


السلام عليكم كيف حالك يالرفاعي  لاهنت بغيت اكلمك خاص لنه ماعرف كيف اكلمك ادا ماعليك أمر 


up 0 down 0
adood ali2013 327
قبل 5 سنه