أضف سؤال أو موضوع جديد          

رجه فجائي في الكفرات

up 1 down 2
goood boy 291
قبل 6 سنه و 6 شهر



السلام عليكم ورحمة الله 
اخواني ظهر لي اليوم مشكله عجزت اعرف من وين 
المشكله بالضبط

لما اكون ماشي فجئه ترج الكفرات رجه كن تقول 
الكفر انفك من مكانه واحس السياره تهدي كاني 
مسكت الفرامل ع خفيف
لما اوقف وقف تام واحرك ترجع كانه مافي شي 
شوي احرك اقل من ٢٠٠ متر وترجع المشكله 
وفي مع دعسة الفرامل رجه خفيفه وحسيت ان 
الفرامل مو مثل اول 

رحت لاكثر من ميزان صراحة ما اقنعوني 
قالو خرط هوبات وترصيص وبعضهم قال تشحيم
عكوس 
فا مادري ممكن احد مر عليه هذه الحاله 
لاني الصراحه ماودي اخرط واشحم بلا فائده 

طبعا نوع السياره
كامري ٢٠٠٦ وارد امريكي 
قير اتوماتيك 
مع العلم خرطت الهوبات الاربعه وغيرت فحمات قبل اقل 
من ٣ شهور 
واعتذر عن الاطالة 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


حياك الرجه مع الفرامل هاذي الهوبات تحتاج خرط
او ان الهوبات عندك فيها زي الانكسار او تشعط
بتلاحظة بالنضر الى الهوب هنا يحتاج تغيير
اذا مافيها تشعط فالي سواها لك اخر مرة ماضبطها
الرجه الثانية 
يحتاج الموتر ترصيص وانصحك بالترصيص الارضي
وسلامتك


up 2 down 0
الرفاعي33 13914
قبل 6 سنه و 6 شهر



الله يعطيك العافيه اخوي الرفاعي
بس تتوقع الرجه الفجئه من الترصيص لان الرجه
تجي فجئه وقوي جداااا


up 1 down 0
goood boy 291
قبل 6 سنه و 6 شهر



ادا تجي مع الفرامل هادي تلقاها من الهوبات توي مغير اقمشه وهوب كان في رجه واتاخرت عليها

وادا ترج بدون فرامل هادي العكوس يبغالها تشحيم وديها عند ميزان يوزنها لك ويشحمها


up 3 down 0
باسل النزهة 15
قبل 6 سنه و 6 شهر



شيك عالكفرات يمكن فيها تحبيل بسيط
ممكن بالنظر سليم لكن فيه عله مايفحصه غير مراكز الكفرات المعروفه


up 0 down 0
al_orainy 56
قبل 6 سنه و 6 شهر



يمكن ترصيص حصلت معاي في ددسن .. وربي احس الطاره بتطلع في يدي ينفض نفض ورصصت والحمدلله راحت 


up 1 down 0
عجاج 44 27
قبل 6 سنه و 6 شهر



اذا جتك الرجه حط القير بالفاضي وانت ماشي اذا راحت  فهي من العكوس
اذا ماراحت ومع الفرامل ترج زود شيك على الهوبات واذرعه خارجيه  مع ان خراب الهوب والاذرعه ماترج الا مع الفرامل
الترصيص وانا اخوك الرجه تروح وتجي على حسب السرعه 
يعني مثلا ترج على 80 و100 ماترج 
وشف عن الكفرات 


up 1 down 0
m o v 80
قبل 6 سنه و 6 شهر



هذا من العكس أكيد كلامي

أقل شيء شحم العكس وهو مكانه


up 3 down 0
مباديء رجوله 59
قبل 6 سنه و 6 شهر



قد صارت معي 
وطلع العكس 
اذا انت بالرياض 
عندك ورشه القحطاني للعكوس في الصناعية القديمة 


up 0 down 0
ابو فرح مازدا 538
قبل 6 سنه و 6 شهر



تشحيم العكس وهو حل مؤقت وراح ترجع الرجه 


up 0 down 0
aliyy-2010 241
قبل 6 سنه و 6 شهر



شيك على الهوبات اكيد انها معدومه وبالتوفيق


up 0 down 0
مختلف 2016 -3
قبل 6 سنه و 6 شهر