قربعه كامري 2013 اسمعها مع الحفر البسيطه ابي الحل

وين القربعه بالتحديد 

والله مالوم الموتر يتفكك من شوارعنا الجميله ماشاء الله 
عموماً إذا مالقيت لها حل ربط الموتر وارتاح. 

شيك ع مسامير توازن او جلد المقصات 

عندك مسامير التوازن تسبب هالصوت 
وعندك المساعدات و80 في المئة تكون من المساعدات
نفس المشكلة عندي
وغيرت المساعدات قبل اسبوع نوع KYB وارتحت

شيك برضه على جلد عمود التوازن يمكن منها

كيف حكمت ان العضلات ممتازة هل فحصتها عند ميزان او في الوكالة ؟
افحصها اكيد عندك مشكلة أقلها في مسامير التوازن تكون مرتخية وتسبب هالاصوات اذا سليمة سو تربيط مسامير وتروح .. العضلات ممكن تكون سليمة لكن تحتاج الى شد وتربيط

اذا السياراه على الضمان يصلحونها او رح للعضيب يشكون عليها 

نفس وصفك حاصل معي اسمع قربعه كأنه مساعدات بس عندي احساس انه من جلد بس ما كنت ادري وش من جلد بس من كلام الشباب انها جلد التوازن

اخوي تاكد من مسمارين حق الكليبر جوه المسمار يكون في جلده لايكون متقطعه مر علي المشكله 
ع كامري ٢٠٠٦ 

غالبا مشكلتك جلد ياجلد عامود توازن او جلد مساعدات وغيرو شيك على الجلد

شيك على الدودة لانها صارت معي وطلعت من جلد الدودة وللتأكيد حطها تحت حفرة وهز المواصير اللي تطلع من الدودة بيدك تسمع القربعه

أشكركم الله يعافيكم 

السياره ماشيه 75000

هل الضمان يشملها انا ما قد شيكت بحياتي والموتر شاريه مستعمل كان ماشي 30

لو تجيب اطلق ميكانيكي واطلق ميزان عضلات ماقدر يحكم لك على اللي في موترك من الكلام كيف تبينا نحكم عليها حنا



اول شي تحديد مصدر الصوت هل هو من الديكور ؟؟؟ ولا عضلات تحت هل هو عند احد الكفرات ولا في النص


وبعدين مثل ماقال العريني وشلون حكمت ان عضلاتها كويسة وانت مافحصت عشان موديلها ؟؟؟ ولا تنسى انك ماخذها مستعملة ماشيه 30 الف ولا ندري كيف استخدام صاحبها الاولي يمكن قد كلا فيها جفرة قوية يمكن كان مايهدي مع الحفر ويوم جت معك بدا يطلع الصوت



اول شي حدد مصدر الصوت عشان تسهل عليك عملية معرفة الخراب ورح لميزان كويس ويشيك يمكن جلد مقصات يمكن مساعدات ماندري


بالتوفيق

الصوت قربعه من تحت عند الكفرات الاماميه

يطلع مع الحفر الصغيره والشارع المتكسر لما أمشي خفيف 

اجل شيك اول على جلد عمود التوازن وتراها رخيصه وشغلها بسيط

كانت عندي نفس مشكلتك بكامري 2010  

كويس كذا اتفقنا على عدة أشياء 

جلد عمود التوازن او اي كان جلد 
المساعدات مع اني مستبعدها 

ساوافيكم بما فعلته عندما اذهب لاصلاحها 

شكرا للكل 

صارت عندي باوريون غيرت المساعدات الاماميه وضبطت 
وترى مساعد الاوريون والكامري واحد مايختلف شي سعره
بالوكاله 550 اخذته من محل مساعدات نوع ياباني kyp
سعره 155 وراح الصوت وتراه مثل مساعد الوكاله مايفرق 
بس الله يهديهم لازم يرفعون السعر

صارت عندي باوريون غيرت المساعدات الاماميه وضبطت 
وترى مساعد الاوريون والكامري واحد مايختلف شي سعره
بالوكاله 550 اخذته من محل مساعدات نوع ياباني kyp
سعره 155 وراح الصوت وتراه مثل مساعد الوكاله مايفرق 
بس الله يهديهم لازم يرفعون السعر

رحت للعضيب يااخوان قالولي غير مسمار التوازن اليمين واليسار مع الجلد 

أن راحت كان بها ماراحت مساعدات 

قالولي عندك اصلا فضاوه في مسمار التوازن ولازم تغير هم

المساعدات وش تنصحوني يااخوان 
اصلي والا النوع الثاني الي تقولون عنه من تجربه يااخوان 

خذها من تجربه معي نفس سيارتك ورحت الوكاله وطلعت المشكله من السقف اذا سيارتك فل كامل اصلا يوم تدخل الوكاله على طول تحصل ورقه فيه لقربعت واصوات السقف المهندس الفلاني لجلد الهواء المهندس الفلان والحمدالله سنه ماشتكيت بس رجع من جديد الصوت ورجعتها على الضمان


قبل كل شي دق على الهاتف المجاني واحجز موعد عشان لاتتاخر بتصليح السياره وشكرا من واقع تجربه