أضف سؤال أو موضوع جديد          

تجربتي الناجحة لتنضيف الثروتل

up 48 down 9
الرفاعي33 13838
قبل 3 سنه و 4 شهر



السلام عليكم ورحمة وبركاته




اسعد الله مسائكم اخواني الاعضاء بكل خير.......
موضوعي اليوم عن الثروتل وكيفية فكه. وتنضيفه. وتركيبه.




بدايتا ....
قبل اسبوعين قلت بفك الثروتل وانضفه 
بس صراحه كنت متردد 




قلت يمكن افكه ويخرب او يحصل تفتفه او اي شي لاسمح الله




فقلت اودية لميكانيكي فاهم لان عندي الموتر وهو واقف 
فية زي النفضة البسيطه 
المهم اخواني انا ودي ان الثروتل يتنضف كامل يعني ينفك
من مكانه ويتنضف برا 
يعني مايتنضف من جهه وحدة لان تنضيفه وهو مكانه
مافية فايدة ويمكن تزييد الطين بله
"""""""""""""""""""""""""""""""""""""""""""""""""""""""
المهم رحت لميكانيكي باكستاني
ووريته الثروتل وقلت ابيك تفكه كامل 




قالي اوكية انضفه والبخاخ عندي ب150 ريال
قلتلة ههههههههه سمعني مرة ثانية قال 150
قلت سمعني مرة ثالثة يمكن غلطان في السعر؟؟؟




ياحبيبي ياصديقي كلها 4 مسمار وتفك القربة
قالي لا مو كلها 4 مسمار ...........




عندك ليات كثير لازم انفكها وحساسات وماادري ايش
وانا بضبطها باحتراف ويمكن تحتاج برمجه بعد التركيب
ولاهو اي واحد يضبطها 
ومن هالعلوم 




قلت اقولك تبغى 50 ريال والبخاخ عليك 
قالي لا حتى 100 ماتخارج 
قلت تدري عندي حوش كبير وعدة وراح افكها بنفسي
قالي انت مافية معلوم بعدين انت خسران
هاذا ثروتل جديد ب3000 وكالة 
بعدين انت سوي خراب والله مشكلة كبير




قلت اقول لاتكثر كلام انا ماشي و150 انا اولابها 
قالي خلاص روووح 
المهم ياشباب مسكت معي 
اني اضبطها بنفسي بلا ورش بلا هم بلا خساير 




طالت حياتكم رحت للوكالة واخذت منضف ايسي ديلكو اصلي X66A  ب15 ريال
 
وقلت انضف حساس قربة الهواء مرة وحدة
وسئلت عن منضف الكترونيات خاص للحساسات
وما حصلته في الوكالة
دورت في محلات الزينه وما حصلته
دورت عند محلات الاليكترونيات




 ولا خليت محل في الباحه ماحصلته
وقالوا ماتحصلة الا في ساكو 




وساكو مافية في الباحه اقرب شي جدة او مكه
كلمت اخوي في تبوك لانه جاء الباحه قبل يومين
قبل لايحرك من تبوك راح لساكو فرع تبوك
واشترا البخاخ اصلي تبع اليكترونيات سعرة 40 ريال
ويكفيك 3 سنوات وزيادة على حسب استخدامك
المهم وصل البخاخ........




وجهزت العدة كاملة 
زرادية 
ومفتاح 10 
وكماشة 
وقماش للتنضيف بريالين وبعض الادوات




اخذتلي كوب شاهي منعنش وفتحت الكبوت وسميت بالرحمن
اول خطوة سويتها فصلت البطارية 




بعدها فصلت فيش حساس قربة الهوا




بعدها فكيت الوصلة الي بين الثروتل وقربة الهواء
الان الثروتل الجههة الاماميه واضحه قدامي 
والله لايوريكم مليانه اوصاخ سواد اكرمكم الله




الان اتجهت لليات الموصولة بالثروتل والقربة اكثر من 5 ليات
فكيتها كلها 




بعدها مابقى الا 4 مسامير حقت الثروتل 
وفصلت فيش حساس الثروتل
الان اخذت مفتاح 10 
وبديت افك مسامير الثروتل
انتهيت من فكها وطلعت من دون مشاكل
اخذتها فوق صبة 
وبديت بتنضيف الجهه العلوية 
اعبيها بالبخاخ 
العملية الاولى اخذت 5 دقايق
وكررت العملية 3 مرات للجهة العلوية
وفية سواد ماراح ضروري تستخدم قماش نضيف
وتقوم بتمسيحه 
وترش بالبخاخ بعد مانضفت الجهه العلوية
اتجهت للجهه الخلفية 
ونضفتها 3 مرات ومسحتها ونضفتها مرة رابعه وهي العملية الاخيرة




بعد مانتهيت من الجهتين
تاخذ البخاخ وترش الجهتين 
وتمسح على خفيف 
وتتركه مكانه ربع ساعه حتى ينشف تماما
طبعا على بال ماينشف .،.،.،.،




رحت للثلاجه الي يركب فيها الثروتل
واخذت قماش ونضفتها على خفيف مو مرة تدخل القماش جوا
لا بحدود 3 سنتي متر وعلى خفيف 
طبعا ياشباب الثروتل اول مرة ينفك 
والموتر ماشي 149 الف ميل حول 230 الف كيلو
ممشى ماهو بهين ولاهو بسيط 
فضروري زي هاذي الاشياء تتنضف 
المهم
قبل لاركب الثروتل 
قلت مرة وحدة افك حساس قربة الهواء
فكيته وكلها مسمارين 
ونضفته ببخاخ اليكترونيات
وانتبهوا تنضفونه ببخاخ ايسي ديلكو لان فية مادة زيتية
تمسك الغبار واشوف بعض الناس ينضفه ببخاخ ايسي ديلكو
وهاذا خطأ شنيع 
لانه بعد وقت بيمسك غبار ويخرب
فانتبهو ربي يسعدكم
المهم بعد مانضفته قلت على بال ماركب الثروتل 
اخلي الحساس ينشف
اخذت الثروتل وما شاءالله صار يلمع من الجهتين
المهم التركيب بسيط
ركبت الاربع المسامير
وركبت فيش حساس الثروتل 
والان صار وقت تركيب اليات وكل لي في مكانه
طبعا بعض اليات عليها قفيز قوي لاتتعب اصابعك
الزرادية تقوم بالواجب
تكبس القفيز وترجعه مكانه وتفكه وهو من نفسة ينشد
بعد ماركبت اليات 
رجعت الوصلة السوداء الي بين القربة والثروتل 
ولها قفيزين قفيز جهة القربة وقفيز جهة الثروتل
والي عليك بعد ماتركب الوصلة تشد القفيزين
بسكروب 
بعد ماشديتها 
رجعت لحساس القربة وركبته 
وشبكت الفيش 
الان تسمي بالرحمن وتشبك البطارية
خلاص كذا طبقنا كل شي وشبكنا البطارية 
وتاكدنا كل شي مركب في مكانه 
وركبنا غطاء المكينه
انشغل السويتش
ركزوا معي نشغل السويتش وليس المحرك
الان بتلاحظ عداد الضغط يطلع  وينزل 
طف السويتش
والان شغل السيارة 
بعد ماتشغل بتلاحظ عداد الضغط مرتفع مرة على واحد ونص
وطبيعي اذا ارتفع العداد يكون صوت المحرك مرتفع
الان خلها 10 دقايق طبعا فية نفضة بسيطه 
وعداد ضغط المكينه مكانه الطبيعي تحت الواحد بخطين 
المهم خذ الموتر وعطه خط ابو 15 كيلو
وارجع ووقف وبتلاحظ العداد رجع لمكانه الطبيعي
وما شاءالله شغل ولا اروع 
النفضة راحت
الموتر صار صوته طبيعي
العملية كلها كلفت 57 ريال
والعملية كاملة تاخذ وقت ساعه وربع مع الفاهم والي مشغل مخه
ولا تحتاج الى برمجه .




والبخاخات باقي مليانه تكفيني 3 سنوات وزيادة.




وتجربة ناجحه واخذت خبرة .




والحمدلله وفرت 150 ريال .




وانصح اي واحد اذا عنده عدة ينضف الثروتل بالبيت
والشغلة جدا بسيطه وصراحه استمتعت 
وطبعا هالطريقة تنفع على الافالون والاوريون والكزسES350
لانها نفس مكينة موتري مافية اي فرق




هاذا مالدي اليوم وان شاءالله الكل يستفيد من هاذي التجربة الشيقة
اليكم الصور كاملة من بداية الفك الى التنضيف الى التركيب




عذرا على الاطالة ونراكم قريبا في مواضيع جديدة




اخوكم ////// الرفاعي33








































إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اعتذر اعطاني لا يمكن تكرار تقييم عضو



up 0 down 0
moathyaseen 1382
قبل 3 سنه و 4 شهر



سؤال يالرفاعي بعد اذنك

هل يكفي نفك اسبع البطاريه السالب

او لازم نفك السالب والموجب ؟

لان بعض الناس يقولون لو فكيت الموجب تضيع البرمجه

مثل حقين البطاريات لما اغير بطاريه السياره يقول خل السياره شغاله وانا افصل اصابع البطاريه

عشان ما تضيع البرمجه

ممكن توضحلي


up 0 down 0
متابع بصمت 92
قبل 3 سنه و 4 شهر