رأيكم في اليارس وسعرها

عادي ولا اوتوماتيك فل ولا نص وكيف محركاتها وبوديها
وبكم حصلتها عشان نفيدك تستاهل ولا لا

سيارة عملية واقتصادية كان معي واحدة
بعتها ماغيرت فيه إﻻ اقمشة امامية ومانزل من قيمتها إﻻ3000 في سنه وثلاث شهوربس خذ اتوماتيك
وافحص ومبروك مقدما

جزاك الله خير اخوي الرفاعي, معليش نسيت اكتب مواصفاتها تم التعديل, الجير اوتوماتيك والجزاز كهرباء, اما السيارة شكلها نظيفة جدا (أنضف يارس شفتها بالموقع) والبودي يقول ما فيه أي رش, وحتى لو رش خفيف ما يهمني بحكم اني بستخدم وما اتاجر فيها.
والرجال طالب فيها 25 الف كيف السعر برأيك؟

عزيزي ابو هيما , الله يبارك بعمرك واشكرك على ردك, لاكن مع ذلك خايف من مكيفها كلهم يذمونه.

حياك واشكرك على ذكر المواصفات
سعرها جدا ممتاز والسيارة مشهود لها بالكرف والتحمل
ايضا ممشاها جدا ممتاز لو تدقق في الممشى 
لها 3 سنوات بمعنى كل سنه مشت 33 الف كيلو فهاذا ممشى طيب
اعرفلك ناس يمشون السيارات بالسنه 50 الف وايضا 60 الف الى 70 الف
هاذا اذا كان العداد صحيح وسليم من التنزيل والغش وما الى ذالك
توكل على الله وافحص الموتر ب200 ريال فحص شامل
تخسر 200 ريال ولا تخسر 25 الف
اما السعر على موديلها وممشاها ونضافتها فهاذا حقها وتستاهل 
بالتوفيق اخوي

بيض الله وجهك اخوي الرفاعي وما قصرت كفيت ووفيت, ان شاء الله زي ما تفضلت اروح افحصها فحص شامل واذا ربك كتب بآخذها ان شاء الله.
اشكرك جزيل الشكر وجعله في ميزان حسناتك.

سيارة زين ظلت معي 2 سنه ولا طلبت شئ سوي الفحامات... المكيف لووانت حافظت عليه ما يخرب انشالله

الله يسعدك يا غالي 301047