تحويل المحرك من 4 الى 6 سلندر؟

هي تركب مافيه شي مستحيل باالسيارات 
بس فيه شي اسمه صعب
وانصحك بعدم تنفيذ الفكرة لان راح تتعب ويمكن ماتظبط 

نصيحه لاتغامر يابعدي الشغلة شغلة ويبيلك حتى قير 
وقير الاوريون مادون 8000 من غير الكمبيوتر وشكمان كامل
وحوسة وحتى الطبلون يبيلك ترهمه وحتى البطارية
وقربة الهواء والرديتر والعكوس والكمبيوتر وبرمجه
يعني شي يهول بترهم وتغير الين تتعب 
بع الكامري وبع المكينه وزود الفلوس الي بتاخذبها قطع وترهم فيها
واضن فلوس القير والقطع مابتقل عن 18 الف
وخذلك اوريون او استورد كامري امريكي 6 سلندر 2014 ماشي قليل واستمتع بالمواصفات
او اعرض موترك للبدل باوريون وزود وسلامتك

و عليكم السلام و رحمة الله و بركاته .


بالتوفيق

الترهيم يصلح للموديلات القديمة

لو عندك كامري 2007 أو 2008 ممكن تجرب

لكن سيارة 2015 ممكن التجربة تفشل وترجع المكينة القديمة وتطلع لك مشاكل هذا غير انك رح تفقد الضمان

اتركها على حالها أو بيعها واشتري اوريون او كامري امريكي

الاسهل بيع موترك اذا glx

وخذ اورين 2013  نظيفه حدود 80

ويمكن تحصل 2014 صدف


لانه شي غريب موترك 2015 يعدل 

لا أنصح بذلك ، حتى القير بيستغرب الوضع ، ويمكن ما يتوافق مع المكينة ،،

الكامري 4 سلندر اسم الله عليها، حلوة وقوية وعملية ،، لا تغير شيء فيها ،،
الله يعطيك خيرها ويكفيك شرها

انصحك تبيع سيارتك وتزيد عليها وتطق سياره من امريكا 6 سلندر

لو الفنيين اللي بتشتغل عندهم جديرين بالثقة و عندهم الامكانية فتوكل على الله لكن أنا أشك بكفاءة الفنيين في السعودية و خصوصا في مجال السيارات أغلبهم يسوي حاله فهمان و هو ما بيعرف من السيارة إلا الأساسيات و منهم بيزور مهنته عشان يجي يشتغل بالمملكة .... لذلك خليك عالكامري 4 سلندر أو بيعها و اشتري سيارة 6 سلندر

اخوي عندك خيارين لا ثالث لهم 


1/ إما تبيع الكامري وتشتري اوريون جاهزه مجهزة




2/ تبحث برقم مكينه الكامري 

وتبحث عن كت تيربو كامل  يركب ع مكينه الكامري بدون تعديلات 
في قلب المكينه 


وراح توصل لأداء الV6 


لكن احسب حسابك من 20 الف وطالع 

يبغالك فوق المكينه .. قير وكمبيوتر وظفاير . راح تكلف عليك   .

قير الكامري مهب متحمل مكينة الاوريون يعني حط في حساباتك اكيد يبيلك قير ، ولو نقول انه يتحملها يبيلها تحويل وشف كم بتكلفك


ابك بتوصل قيمة اوريون جديدة في المعارض دامك لهدرجة تبي ستة سلندر بع الكامري 2015 وبع مكينة الاوريون تشليح وهالفلوس اللي بتحطها في هالعفسة يمديك تاخذ لك افلون بعد استاندر


انا وجهة نظري لا وامسح الفكرة من بالك خساير على غير سنع كمبيوتر وعفسه وكراسي ترى الدعوة مهيب بسيطة مهيب ركب وامش يمكن تطلع لك اضرار بعد التركيب وتروح خسايرك هبا منثوراً


هذي اشبهها بالعملية اللي نسبة نجاحها 40% ويمكن يكون فيه اثار بعد العملية


لذلك انس الفكرة ، بالتوفيق

التعديل راح يكلفك اكثر من قيمة السيارة

غير هذا كله بتغير كمبرسر كامل 

يعني بالعربي قيمة التعديل بتجيبلك سيارة 6 سلندر جاهزة ونظيفه

بل ممكن تجيب لك 6 سلندر اصفار لو تحسبها مع شغل اليد 

خسارة عالفاضي واحتمال ماتظبط معك 
انا غيرت مكينة كابرس قديم من ٣٠٥ ل ٣٥٠ 
غيرت الثلاجة عشان تركب البخاخات 
والحذاف والسلف ودينمو ورديتر وخراطيش 
وكمبروسر ومواسير مكيف لانها تختلف عن بعض 
وناسي وش غيرت بععد هذي وهي سياره قديمه
وكلفة حق قطع وشغل اليد من غير سعر المكينة 
وانت كامري وتبي تركب مكينة اوريون يبي لك شغل 
واحسب حساب القطع اللي تبي تركبها وقطع الياباني غالي
تبي تدفع عليها قيمة سيارة 

مين قالك ان بس ذي الاشياء اللي تحتاجها والامر الثاني مين بركبها لك اساسا ! ارقد الله يهديك واذكر الله 

افضل لك واريح لك بعها وخذ كامري 2015 فل كامل مكينة 6 سلندر
مواصفات افضل بكثير من هنا وارخص!!!!!!!

سؤال يااخوان عندي. اوريون 2011 ابغى احول قيرها الى قير عادي وهل فيه احد قد جربها