أضف سؤال أو موضوع جديد          

تجربتي المثيرة مع شاشة الكامري

up 28 down 4
الرفاعي33 13911
قبل 5 سنه و 6 شهر



السلام عليكم ورحمة الله وبركاته

اسعد الله اوقات جميع اعضاء منتدى حراج بكل خير.......

يسعدني ان اقدم اليكم قصتي وتجربتي مع شاشة الكامري
موتري فية جميع المواصفات ماناقصة الا الشاشة
ويصير فل الفل من جد 
فقلت لابد من تركيب هالشاشة مهما كلفني الثمن
اليكم قصتي كاملة ،،،،؛؛؛؛

صملت على الشاشة وذهبت لمحل شاشات عندنا في الباحه
قلت لاعل وعسى نحصلها ونفتك من مشوار للطايف او جدة
رحت للمحل في الباحه اسمه محترفوا الشوارع
وحصلت عنده شاشة كامري رود ماستر الاصدار الي قبل الاخير
اتفقت معه على التركيب مع كاميرا خلفية ب1250
فك المسجل والمكيف 
وركب المكيف تحت الشاشة وطبق كل شي في المحل
لما جاء يركب طلعت افياش مسجل الامريكي
تختلف تماما وقالي مابي العب في كهرب الموتر
برجع كل شي مكانه قلت طيب والحل 
قالي والله اول مرة تمر علي ولا اعرفلها
قلت زين زين رجع كل شي زي ماكان

روحت من عنده وانا افكر وش اسوي 
يعني الشاشة خلاص صامل عليها
قلت مامعي الا الطايف 
دقيت سلف امس الظهر ووصلت الطايف العصر
وعلى شارع الزينه وروحت لمحل اسمه الرواد
دخلت المحل """""""""

سلام وعليكم السلام وش عندك شاشات للكامري
قالي عندي رود ماستر اخر اصدار 
بكم مع التركيب والكاميرة الخلفية 
قالي اخر سعر 1250 ضمان سنه 

قلت اقولك المحلات كثيرة لاتخليني اشوف غيرك
تركبها ب1000 قالي اقولك اخر سعر 1100
تبغى ولا شوف غيري

قلت اجل تم ركبها بس الموتر امريكي 
قالي افا عليك انا خبرة وانا الوعل ابو قرنين وانا ملك الشاشات هنا
احنا نركب شاشات لكزس ماهو عاد كامري وانا وانا وانا الى اخرة
قلت يالله نشووف اهم شي لاتلعب في كهربة الموتر
رد علي لاتشيل هم 

فك المسجل والمكيف وجاء يركب الشاشة
هنا جلس يفكر ويحووس ماعرفلها 
قلت هاة وين الي يقووول لاتشيل هم
شكل ماعندك سالفه
قالي دقيقة بنروح الى افضل كهربائي
روحنا وجاء عند الموتر وجلس يطالع في الافياش
وبالحرام مايدري وين كوعه من بوعه ههههههههههه
المهم قالي والله ماعرفلها 
رحنا لواحد ثاني وكمان مايعرفلها وجلس يقول
هاذي فيها نضام سمعي لازم ينشال وماادري ايش
خلها الى بكرة 
رجعنا للمحل وتجمعوا 5 يمنه وقالوا قسم ان الامريكي ابن كلب
وان الكامري الامربكي سيارة 

حقدوا على الكامري والامريكي 
يعني يقولو مر علينا افالون امريكي 
ولكزس واف جي امريكي بس زي هاذا مامر علينا
جاء واحد كهربائي اسمه فهمي يمني من قبيلة يافع 
وقلت قسم بالله كلكم ماعندكم سالفه
شاشة ماتعرفولها وتصعب عليكم
قال فهمي اقولك انا يافعي وبالحرام عشان كلمتك الي تقول ماعندنا سالفة
لاشغلها واركبها زي الوكالة واوريك

قلت يالله ورنا قالي روح جبلي بارد كودرد ولا تكثر كلام معي
وخلني اشتغل على روقان
قلت ابشر

وبالحرام ياشباب انه مسكة معه على شاشة
وقفل المحل وبدأ في الموتر
اول شي طبق اسلاك الشاشة مع اسلاك المسجل
وشغلها واشتغلت بس مافية صوووت
قلت شكلك اعدمت الموتر قال لا ماعدمته
الامريكان حاط نضام سمعي جهاز تحت مرتبة الرااكب
ولا يشتغل الا على مسجل البلد
فضروري نفصل النضام تحت المرتبة
ونوصل الفيش الي بنفصلة دايركت على فيش الشاشه
قلت اوكية وفعلا فصلة ووصل ولا هو اي توصيل
توصيل باحتراف زي شغل الوكالة
وجلس عليها الى بعد صلاة العشاء
وشغل الشاشة وطلع الصوت 10 على 10
وكل شي طلع فن وزي الوكالة حتى التحكم من الطارة شغلة
خلص وركب الكاميرا 
قالي هاااه منهو الي ماعنده سالفه
قلت ياشيخ وربي انك وحش شاشات صلاتي على النبي
قال شوف وربي لو غيري اقل شي بياخذ عليك 500 تركيب
بس انت قهرتني يوم تقول ماعندكم سالفه
ولا ابي منك ريال واحد قلت بالحرام على هالشغل
ان تاخذ 100 من غير 1100 حقت الشاشه
وحلف وانا حلفت المهم خذها 
وقالي تعال لاتروح بسويلك تلميع شمعات امامية هدية
تذكرني بالخير
لان فيها اصفرار ومحتاجه تلميع
 قلت ربي يسعدك ماتقصر وضبطلي الشمعات

عاد سئلته قلت ليش الامريكان مسوين هالحركه
قالي الامريكان مسوين هالحركه
عشان يعرفون ان العميل بعد وقت بيطلب شاشة
ومعقدين الشغلة عشان العميل مايقدر يسويها برا
ويرجع للوكالة وياخذون اقل شي 3000 الى 5000
قلت ياخطييييييير ههههههههههه
المهم اشتغلت الشاشه وفيها مميزات رائعه
منها الخرائط
 وكاميرة خلفية
وخلفيات
وتخزين اسطوانات
وتسجيل صوت وبلوتوث واتجاة القبلة
وسرعة عداد السيارة وكثير من المميزات
والاضائة صراحه 10 على 10 
والمس جدا سرييع وممتاز 
هاذا ماحصل معي بالامس
وصراحة فقدت الامل بس فهمي خطير وقد كلمته واهنية على مخه

وحبيت اطرح تجربتي وقصتي 
واليكم بعض الصور
انتضروا جديدي عن طلب الزنون من امريكا 
تم وصولة قبل 10 دقايق وبطرح انطباعي عنه بعد 3 ايام
تحياتي للجميع 
اخوكم الرفاعي33
























إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ياخي والله ما عرفنالكم ناس تمدحها وناس تذمها ، افتر راسي شكلي اخر شي بشتري بلوتوث ولاعة


up 0 down 0
منصور الدوسري gtr 182
قبل 5 سنه و 3 شهر



عندنا في كيلو اثنين في جده فنيين تحس انهم سحره كل شيء يسونه


up 1 down 0
ابوفرح ونجاة 1
قبل سنه و 8 شهر