أضف سؤال أو موضوع جديد          

الشريطية مالهم حل تفضل بالدخول

up 23 down 2
مهند1393 203
قبل 6 سنه و 3 شهر



السلام عليكم ورحمة الله وبركاته 
 القصة حصلت اي شخصياً اليوم 
والله شاهد على كل حرف اقوله.   


طبعاً انا ادور لشاص من شهر تقريباً في الموقع ولقيت شاص اعجبني و حاده صاحبه بمبلغ وقدره 
المهم قابلت الرجال وشفت الموتر وسقته وماشاء الله بس اختلفنا في السعر 
وقلت له انا بدور في اليومين ذي ان لقيت شي مناسب او اخذت موترك 
طبعاً من الاسئله الي سألته 
قلت له كم للموتر معاك ؟ 
قال من شهرين اشتراه من مدينة ثانيه 
طبعاً الرجال شباب يعني في عمر ٣٠ سنه تقريباً 

المهم اني اختلفت معاه زي ماقلت لكم في السعر 

دورت بعدها طفشت وقررت اني اخذ موتر الرجال 
اتصلت عليه وقلت له والله ودي افخص الموتر وان شفت نضافته مناسبه توكلنا على الله 
قالي الموتر انا وقفته في المعرض الفلاني وخذه وجربه و افحصه بكيفك 
قلت توكلنا على الله 

اخذت معي واحد من الشباب ورحنا للمعرض 
على اساس اني ماقد شفت الشاص وان توي اشوفه 
قابلت شريطي و الظاهر انه صاحب المعرض او ولده 
وقلت له كم حد الموتر ؟ 
اعطاني حد فرق عن الي اتفقت مع صاحبه ب ١٥ الف او اكثر 
وقلت له بما يرضي الله كيف الموتر ؟ 
قال والله انه نضيف ولو املك فلوسه اشتريته بس انا اعمر عمارة وفي حاجة الريال 
وحلف لي بالله انه نضيف وانه كفو وسعره طيب 
وهنا جت الكارثه !!!!
قالي لي والله صاحبه شايب ولاهو راعي الفرفره ومحافض عليه والموتر على يده من الوكالة 
ويحلف ايمان مغلضه وقال لي حرفياً ( والله ما احلف لك كذب عشان فلوس ) !!! 
انا عرفت انه مذاب ودجال 
طبعاً الشاص ٢٠١٣ قلت له طيب وين افضل مركز فحص يفحصه بداء الرجال يرتبك وقال هذا والله لو اني بشتريه مافحصه 
لان موديله جديد ولا يمديه يخبط 
طبعاً انا عارف انه مذوب لاني اعرف الشاص اكثر منه 
ومررت عليه السؤال قلت صاحبه شايب ؟ 
وماخذه وكاله ؟ 
قال على اذان المغرب اقسم بالله انه شايب وماخذه وكاله 
!!!!!!! 

المهم ان خويي قال له انت كذاب وتحلف فجور ومشينا وانتهت القصه 
انا الان مستغرب ليه الخلف بالله كذب ؟؟؟ 
كلها عشان ريالين والله ماتدخل معاه قبره 

الموضوع يتحدث عن كثير من الشريطيه الا من رحم ربي ويبغى الرزق الحلال 


اعتذر عن وجود الاخطاء الاملائية 
والسلام '''' 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


اللي يحلف كذب عمره ماراح يتوفق بجياته واكثرهم ماعندهم شرف 
والعياذ بالله


up 6 down 0
ابو عبدالله احمد 3530
قبل 6 سنه و 3 شهر



هذولي نااس ذمتهم وسيعه ماعنده لاذمه ولاضمير 

البعض منهم فاهم الدين يصلي ويصوم 

والباقي حلال  عنده لاكن ربك ماييخلي احد 

اذا ماعذبه الله فوق الارض بيعذبه تحت الارض 




up 6 down 0
amear 1347
قبل 6 سنه و 3 شهر



اشكر لكم على الردود +١


up 4 down 1
مهند1393 203
قبل 6 سنه و 3 شهر



لاحول ولاقوة الا بالله اللهم لاتجعل الدنيا اكبر همنا ولا مبلغ 
علمنا ولا الى النار مصيرنا
ماهي مغنيته اذا حطوه بقبره وقعد يعذب بها وفعلا مثل ماقلت
الخوف من الله قل بالذات عند الشريطيه ياخي كيف الواحد 
يوكل عياله شي حرام ويدري ويعرف انه حرام وكيف تهنى
له اللقمه وهو يعرف انها اتت من مال حرام


up 4 down 0
خالد ___الرياص 1332
قبل 6 سنه و 3 شهر



اي والله انك صادق 



up 4 down 0
مهند1393 203
قبل 6 سنه و 3 شهر



هلابك الشريطية فيهم حركات ونصب ياساااتر
وبعضهم ياخذ نضيف ويصدق في كل شي بس تعال في السعر
اذا ماكان مكسبة فوق 10000 مايرتاح
وبعضهم ياخذها مهلوووكه ويعطيها تلميعه 
ويلفقلها تجااري ويمشيها بمكسب هائل 
وحركاتهم كثيرة من غير الاسلووب الطيب عشان يغريك
واشياء كثيرة وكل يوم عن بوم تزيد خططهم وافكارهم


up 3 down 0
الرفاعي33 13914
قبل 6 سنه و 3 شهر



حسبي الله ونعم الوكيل فيهم 


up 2 down 0
البـــراء 385
قبل 6 سنه و 3 شهر



واذا جاء يشتري منك قال والله انها ليتمان شاريها لهم وفلوسهم ناقصة وزايدها من عندي 


up 1 down 1
بريق الرياض 258
قبل 6 سنه و 3 شهر



الفاصل بيني وبين الي يشتري من الفحص اما اقعد احلف اقنعه هذا شيء مو معقول  وبعضهم ياخذ الحلف تسويق ًًً.ولا تجعلوا الله عرضة لأيمانكم أن تبروا وتتقوا وتصلحوا بين الناس والله سميع عليم 224 لا يؤاخذكم الله باللغو في أيمانكم ...الواحد لايبالغ في الحلف . 


up 4 down 0
محمد ال سلمان 820
قبل 6 سنه و 3 شهر



الله يالدنيا صار الواحد يحلف عشان وصخ دنيا لا راحت ولا جت الله مستعان ويحلف حلف ع الفاضي 

سؤال : هل الشريطية مسلمين ؟ هل الشريطية يخافون الله هل الشريطية امينين ؟ هل الشريطية يقولك وش فيها ووش مافيها ؟ 

فيه شريطية يجيك امين ويخاف الله لاكن ذا بدا ينقرض الله المستعان 


up 3 down 0
slimansa 30
قبل 6 سنه و 3 شهر



يا ساتر الله لا يحيجنا لذي الامور ما يسوي زي كذا الا وهو ضعيف ايمان 


up 1 down 0
yazeed793 7883
قبل 6 سنه و 3 شهر



وعليكم السلام 
قبل كم سنه شريت فورد ماركيز 98 وراعيه يحلف وفي رمضان ان ما فيه شي وحريته وانغبنت فيه طلع الشاص مظروب وملحم اي كلام وكنت اسافر عليه دايماً وربك الحافظ ما انكسر علي هذي بيعات الليل وطيب النية وهي ما تنفع في سوق المعارض
والله يسامحه 
+1


up 2 down 1
ابوخلوودي1 5070
قبل 6 سنه و 3 شهر



كان هزئتوه شوي رغم ان هالاشكال مغسول وحهه بمرق ..
الشريطية واليهود وجهان لعملة واحده .. بالعكس يمكن اليهودي اهون شوي لكن الشريطي لا


up 2 down 0
faisal_fahd -66
قبل 6 سنه و 3 شهر



الشريطي عنده يحلف بالله وبالطلاق وبالحرام زي كانه يفطر فول وتميس وعايشين مع حريمهم بالحرام 


up 0 down 1
benz lover -75
قبل 6 سنه و 3 شهر



يا رجال بتسمع و بتشوف الين ما يشيب راسك




up 1 down 0
الصـاعدي 129
قبل 6 سنه و 3 شهر



الله يكفينا شر الشريطيه النصابين حياتهم مرض في مرض
والله يرزق الشريطيه الي تخاف الله وتوكل بالحلال

ولاتنسو خويكم الشريطي الي كان بالمنتدى وتسلكون له ههههههههههههههههههههههه
لا والمصيبه مديلات قديمه وتوصل 100 الف ههههههههههههههههههههه

بس مشاء الله كان عنده اسلوب اكيد فاهمين ++


up 1 down 1
tttt35035 1062
قبل 6 سنه و 3 شهر



وعليكم السلام ورحمة الله وبركاته 
الحمدلله الذي عافانا مما ابتلاهم به وفضلنا على كثير ممن خلق تفضيلا,
الله يعوضك خيرا منه.


up 2 down 0
starting 1043
قبل 6 سنه و 3 شهر



اللهم امين والله يعطيكم العافيه جميعا على تفاعلكم مع الموضوع 


up 0 down 0
مهند1393 203
قبل 6 سنه و 3 شهر