مافي شي يبقى على حاله ...

50 19

لايمكنك التصويت حتى الحصول على 20 نقطة على الأقل
إضغط هنا للإخفاء

l7n-320 799
قبل 9 سنه و شهر

السلام عليكم شبااب ، ويمين بالله لكم وحشششششة ، أتمنى أنكم طيبين وبأتمم صحة وعافية ..


انا بقول اللي عندي واللي يبي يزعل او يتحزز بطريقته ، بس كلمة الحق تنقال 
و الله العظيم ان جودة وأسعار ومواصفات تويوتا .. كلها في النازل واللي ممشي مبيعاتها هيا السمعة 
والمعتقدات القديمة ان تويوتا مالها مثيل .. 

اعطيكم أمثلة : 
ولد خالتي عنده كادينزا ٢٠١١ ، دخل في بحر ال٣٠٠ ، والشهادة لله السيارة ممتازة ولا واجه اي مشكلة تذكر وسعرها ما يخفى عليكم ممتاز جدا ' 

احد اخوياي ، معاه اوبتيما ٢٠١١ ، وماشية ١٦٠ ، تقريبا وجالدها جبال فيفا وجدة ... وما واجه اي مشكلة بالعكس مرتاح معاها 

اخوي فاك مازدا ٦ وكالة ... تركب الموتر ما تقول استنادر أبدا ( تشغيل بصمة ، مثبت سرعة ، طي مرايات ، إشارة ع المرايات ، بريك إلكتروني ، ٦ ايرباقات ، مانع انزلاق ، مانع انغلاق ABS ،  القزاز ينزل ويطلع بون تتش ( ظغطة واحدة ) لجميع الابواب ، وسعرها ٦٧٠٠٠ تقريبا !!

والأمثلة كثييييييييرة جدا ..  اللي ابي أوصله لكم ، انو الواحد يصصصحى لنفسه ، ولا ينغر بشعار تويوتا ، الشركات ماهي زي زمااان ابدا 

شغالين على نفسهم ، وبدو ينافسوو بقوة .. 

أجل كورولا ( السيارة الأكثر مبيعا بالعالم والشعبية ) ، كل موديلاتها اللي قبل 2015 , المسجل اضائته خضرا ، والطبلون برتقالي ولا ابيض !!! تشليح عيني عينك

كان مع عمي واحدة يادوب وصل ممشاها ٨٠٠٠ الصدام بدا يرفرف ، واحد ييجي يقول ثبتها بمسامير ، يا ابن الحلال مطلعها وكالة بدري علي اجلس ارقع بالسيارة ؟

ولا واحد ربي منعم عليه بعقل ومنطق ، يطلع لاندكروزر قيمته توصل ربع مليون اذا مو اكثر !!! والخيارات كثيرة ..

انا اللي خلاني اكتب الموضوع ، والله من الغبنة  ... الواحد يطلع مواتر طفشششانة زي هذي وإذا سألته ، عندك طيب الشيء الفلاني ليه ما طلعته ؟ 

يقلك انا مشتري شيك بجيبي ؟ 

اللي مطير اسعار تويوتا فووووق ، هوا أنتو ي المستهلكين  ، هذا اللي عندي وأتمنى من الله تاخذو الموضوع بصدر رحب '

إبلاغ

الردود