كامري2001 v6 او ازيرا 2007 انصحوني الي جرب احد الموترين

وعليكم السلام 

لو تبي الراي

الاثنين اكل وشرب وتغدا وتعشى 

بين الاثنين الازيرا على الاقل فرق 6 سنوات عن الكامري 

و عليكم السلام و الرحمه
الازيرا اجدد و اقوى و افضل ما دام انها بمكينه 3.8
و القطع رخيصه حسب كلام احد الاعضاء بالمنتدى
الكامري 2001 
لو انها اربع سلندر كان تكون عمليه اكثر بالصيانه و القطع
اما الV6 شغله
كنت اعرف واحد معه 2006 ست سلندر قال لي
انه يتعب بتوفير قطع الغيار و الصيانه

وعليكم السلام 


ارشح لك الازيرا لانها اجدد وقطع متوفر اكثر من الكامري ٦ سلندر

والله يوفقك لما يحبه ويرضاه

كامري 6 سلندر
 قطعها ما تلقاها الا طلبيه وا نتظر عاد يمكن تلقى ولا تلقى
وقبل لا انسى ترى سعرها نازل بسبب قطعها

الأزيرا مانزل بمكينه ٣،٨ الا بموديل ٢٠٠٨ هذا بالنسبة للسعودي اما الاستخدام الأميركي على ما اعتقد نزل ب٢٠٠٧ انت شوف وتأكد ولكن نصيحتي لك خذ ٦ سلندر ٣،٣ عزمها طيب وعمليه وقطعها متوفره لان هذي المكينة تجي كمان على السنتافي والسوناتا ال ٦ سلندر اما ٣،٨ مررره غاليه كمكينه وفيه بعض الاختلافات ومكينة ٢،٧ عزمها مو ذاك القد 
وفي النهاية انصحك بالازيرا لانها اجدد كموديل وتخيّر النظيف وخاصةً لو كان استخدام سواءً كندي ويجيك طبلونه بالكيلو زي السعودي او الامريكي ويجيك طبلونه بالميل والكيلو

الكامري يالغالي قديم كم سنه حول 15 سنه ولا زمانه
وبعدين خذها من مجرب
القراندي قطعه موووت مووووت موووت ولا فيية ورش تضبطه
والمصيبة بعد اذا كان من 98 الى 2002 6 سلندر امريكي
هاذا وربي مايخليك تنام اليل
كان معي 98 امريكي 6 سلندر مع اني ماخذة جمرك وممشاة حول 150 الف
وربي كرهت اليوم الي شريته فية
جاة عطل في القير ولا ابن امه قدر يصلحه
ويعته على واحد بخسارة 4000 
عاد مادري غيرلة قير المهم 
انصحك بالازيرا وتراها خدومه وقطعها متوفرة
واغلب الورش يعرفولها 
وبالتوفيق اهم شي اشرد عن القراندي لاتنسى نصيحتي

الكامري ذا الموديل مع ابو هنود كله اكل عليه الدهر وشرب لا احد يقلي صبور هذا على ايامه بس 

ازيرا وانت مغمض 

ارشح الازيرا 
الكامري 6 سرندل صيانته متعبه وموديله قديمه

تبي نصيحه اخ مجرب السيارتين خذ قراندي ولا تشاور قير عادي فتحه سقف 

كـآمري بس مو 6 سلندر خد الاربعه سلندر وامش خط ولا ردم وعرق سيارة صاملة وتنفع الرجال الي رجلـه ثقيلة مثلي وتستحملة وموتر كفو والله يوفقك يالديب