السيارة من سائقها مقولة رائعه حياكم

26 13

لايمكنك التصويت حتى الحصول على 20 نقطة على الأقل
إضغط هنا للإخفاء

الرفاعي33 13918
قبل 9 سنه و 2 شهر

السلام عليكم ورحمة الله وبركاته
اسعد الله اوقات جميع الاعضاء بكل خير




موضوعي اليوم عبارة عن السيارة من سواقها

وهاذي مقولة قديمه عند الشيبان الله يحفظهم
وفعلا السيارة من سواقها 
السيارة تحافظ عليها تعيش معك اطول 
واهم شي الصيانه 

عجبا لبعض الناس يكرف ام الموتر ولا يعترف بمطبات ولا حفر
ويجيك بعد سنتين بعد الاستخدام الشاق والكرف والفرك
ويسب ام الشركه 
طيب بسئلك هل حافظت على زيوت الموتر وفي الوقت المحدد لاوالله 

طيب هل حافظت على فلتر المكيف وفلتر المكينه وفلتر الهواء لاوالله

طيب نفترض انت تحافظ على الزيوت والفلاتر وواجهت مشكلة
 هل تاخذ الفلاتر من موزع معتمد لدى الوكلاء 
لاوالله اخذة من البنشري وثقة 
لا ياحبيبي اي شي من عند البنشري لاتوثق فية
لو انك متعامل معه 20 سنه

يعني البنشري مثلا انا اخذ سيفون المكينه
من الوكالة ب45 ريال وعند البنشري ب45 ريال
بالعقل بيشترية هووو ب45 ويبيعك ب45
واذا بتقول جملة انا سعرته جملة بحب الخشوم حسبلي الحبة ب43 ريال 
ولا مثلا بيترومين النصابين 

غيرت زيت عند فرعهم في جدة في محطة القحطاني على طريق مكه جدة السريع قبل سنه
وسحبت عليهم وكل يوم غير زيت واحصل على سيفون مجاني

الله واكبر يعني بغير زيت واحصل على سيفون اصلي سعرة 45 ريال 
بالعقل هي و100 في المئة ارخص نوع ابو كلب 15 ريال

فلذالك احذروا من بترومين واسعارهم صلخ في الزيت 
خاصتا في الزوجه الخفيفة مثل 5w30 
نرجع لموضوعنا الي هو السيارة من سواقها
والمعنى من سواقها

السواق المحافظ
المتنضم بالصيانه اول باول 
المنتبة للطريق
الراكد في سواقته
فاذا شفت موتر باقي على شد بلدة فاعلم ان صاحبها محافظ وسواق 
واذا شفت موتر ملكع البودي ومعدوم وحالتها حالة
فاعلم ان سواقها مهمل او غشيم 

قبل فترة اتصلبي عضووو يستشيرني في اوريون 2008
ومتخوف من قيرها يقول فية عيب مصنعي
قلتلة خلاصة الموضوع ..........

غير زيت القير وفلتر من الوكالة ولا تشحطلها وامورك طيبة
الان معه الموتر وقدلة 3 شهور ويدعيلي
وتغيرت نضرته 180 درجه وامورة طيبه
الكامري معي 2009 6 سلندر
معروفة قيرها نفس قير الاوريون والافالون والكزس ES350
واتحدى اي واحد يقول تختلف مكينتها وقيرها عن الي ذكرتهم
من فضل ربي من شريت الموتر مطلعه بطاقة جمرك،،،،

منتضم في زيوته والفلاتر واخر ماغيرت زيت القير قبل شهر ونص
ولا حدث اي مشكلة طبعا غيرته على 72 الف
والامور عال العال لاهنة ولا ونه ولا ترعه ولا نتعه

زيت المكينه اغيرة على 8500 ولا ينقص ملي

واللزوجه الموصى فيها بالكتيب 5W30
كاسترول ماجناتيك وجدا ممتاز 

اخذ السيفون من الوكالة والامور طيبة 
وكذالك اليوكن 2008 قير مكينه ولا حصل مشكلة
كذالك انصحكم عند تغيير الفلتر والزيت تكون رجلك على رجل العامل
والتشييك بعد تغيير الزيت والفلتر بساعتين او مشوار
حتى تتاكد ان الامور تمام والتركيب صحيح
^^^^^^^^^^^^^^^^^^^^^^^^^^^^^^^^^^^^^^

فانا اوجه كلامي خاصتا للمهملين الي مايفتح كبوتها
الا اذا ولعة عندة لمبة المكينه او الزيت
وبعدها يجيك وش اسوي وش افعل المبة ولعت
المكيف فية صوت 
صدقني البلا منك ومن اهمالك 
وعدم محافظتك والصيانه اول اول 
وفية ناس تستخدم وتهمل
وفي ناس يجرم في الموتر
مايرتاح الا بعد مايشوف الموتر على الفصلة
ودعسات ولاعن ابوها وهاذا عدو السيارات والي يستخدم
ويهمل هاذا اشواء من ابو دعسات وابو  سرعه
لان في الاول والاخير عدو الموتر السرعه والدعس الزايد
مثل ورع عندنا في الحارة عمرة 19 سنه

ورب البيت 3 سيارات اعدمها خلال سنه ونص

افالون 2011 وخبط بالمكينه ووضبها ابوة وقال مايبيها
وباعها ابوة واشترالة لكزسES 2012

وصدم فيها ماكملت 3 شهور وباعها تشليح
واشترالها ابوة هايلوكس 2013 غمارتين

وهلهل ابوها ماكملت 5 شهور وباعها ابوة
والحين معه ازيرا 2015 ولاعن جدها واتوقع ماتكمل 3 شهور بالكثير وشرهتي على الاب فاغر 
فالمهم السيارة ان طاحت في يد جاهل ولا غشيم ولا مهمل
ماراح تطول 

هاذا موضوعي وحبيت اشاركم فية 
واهتموا في مواتركم اهتمام مو لدرجة توسوس
ومو لدرجة تغير قطعه وهي باقي فيها عمر

لا اهتم في الصيانه وانتبة من السرعات الزايدة والمحط

وفي الاخير سلامه لك ولموترك ويعيش وقت اطول

واذا واجهت مشكلة حاول تحلها بدري بدري
حتى مايطلعلك مشاكل تخسرك اكثر

وهاذي بعض لصور الغالية كامري امريكي 2009 6 سلندر

وبعضا من صور الكامري واليوكن لخوكم الرفاعي

وهل تايدووون كلامي وكلام الاولين ان السيارة فعلا من سواقها

تستاهلون الصور والموضوع وعذرونا على الاطالة
وانتضروا موضوعي الجاي بالصور
طلب زينون امريكي  للكامري من امريكا 

تحياتي للجميع 
اخوكم الرفاعي33 

إبلاغ

الردود