أضف سؤال أو موضوع جديد          

ماحصل معي ومع اديب التركي حياكم

up 27 down 9
الرفاعي33 13914
قبل 6 سنه و 2 شهر



السلام عليكم ورحمة الله وبركاته
اسعد الله اوقات جميع الاعضاء بكل خير......




موضوعي اليوم عن المكائن والقيور المستوردة
وهاذا الموضوع حصل معي انا شخصيا 
قبل العيد باسبوع'''''''''''''

خبرتكم قبل فترة عن كامري امريكي 98 ابيض مع اخوي
ونزلتلها تقرير بحيث مشت 600 الف وزيادة بدون اي مشاكل تذكر وصراحه كثر خيرها ممشى ماهو بسيط وقيرها والمكينه شد بلد مافكت
قبل العيد خبط القير خلاص ودع 
وقرر اخوي يستبدل القير """"""""

طبعا العيد وقتها قرب والرجال محتاج الموتر
فرحنا الباحه لمحل الرائد للمكائن والجربوكسات المستوردة من دبي
طبعا المحل مشهوور بس سعرة ناار
جينا عند المعلم اديب 
ولقينا عندة القير ،،،،،،،،

بكم ياأديب قال ب3000 مع الرجيع من هنا وهنا
قال اخر كلام ب2500 ريال 
يارجال ب2000
رد اديب ولا ريال ينقص
اتفقنا معه وجبنالة الموتر 
وقال بكرة المغرب وهو جاهز وضمان شهر
قلنا تم ،:،:،:،:،:

جاء اليوم الثاني الظهر وفاضي قلت بروح اشوف وش سوى الشيخ
المهم رحتلة 
يوم وصلتة جالس يعطي المسات الاخيرة
الي هي تركيب القربة وما حولها
جلسنا نص ساعه وانتهى ماعاد الا تركيب الكبوت
قالي سم بالله وشغل 
شغلت وقالي انتضر عشر دقايق وعشق
انتضرت وعشقت في R الا والله مكانك رااوح
عشقت D الا والله مكانك رااوح
واطالع فية قلت سلاامات وش فية القير مايستجيب
قال بسيطه نفصل البطارية ونشبكها
فصل وشبك الا والله زي ماهو 
قلت اسمع القير هاذا معطوب ولازم تغيرة وتتحملة
قال ياخي بسيطه بفكة وانضفة وما ادري ايش وبنقصلك في السعر
قلت يحرم الا تغيرة كامل وما يجلس دقيقة
سلامات ادفع مبلغ وقدرة وضمان شهر وتعطيني قير معطووب
ياحبيبي مابي مشاكل تغيرة يعني تغيرة 
والمثل ياأديب يقول ياغريب كن اديب
الله لايهينك تعيد الشغل من جد وجديد
والله طالت حياتكم يوم شافني صامل وناويها
قالي خلاص بروح المستودعات في البلد
فية قير توة جاي من دبي

قلت مافية مشكلة رجلي على رجلك فاضي ماعندي شغلة اليوم الا انت 
والله ارتفع ضغطه هههههههه
المهم رحنا البلد وخذينا القير على ونيت غمارة ميستوبيشي 
خذينا القير ورحنا المحل وافحصة وضبطه
وفك القديم 
وركبنا الجديد وانتهينا بعد صلاة العشاء
وعشرة على عشرة 
الحين قدلة اسبوعين راكب ولا فية مشاكل
تبديلاته تمام وشغلة تمام
هاذا ماحصل معي مع اديب
واحمدالله اني وقتها كنت موجود ولا كان فكة 
ونضفه وطبعا فرق لو فكة ونضفه 
لانه بيكوون مفكوك وفرق بينه وبين شد البلد
والفاتورة والضمان اهم شي لان هي الي تثبت كل شي لو حصل شي
عاد الله يعين الي بياخذة لانه بيفكه ويمكن يغير فية قطع
وبيقول للعميل شد بلد'"'"""""

فالحذر والانتباة من المكاين المستوردة والقيور
ولا تطلع من عندة الا بضمان لايقل عن اسبوعين
وايضا بعضهم ياخذها بسعر رخيص من دبي وهي مجددة بقطع تجاري ويقول شد بلد 
حبيت اشارك بتجربتي واحذركم .......

وشكرا للجميع 
اخوكم الرفاعي33











إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


تستاهل لايك. 


،،،،،،،،،،،،،،،،،،،،


up 1 down 0
استاذ سلمان 82
قبل 6 سنه و 2 شهر



قيمتة القير تماتيك كامري 2002 سعره 900 ريال مع التركيب يطلع عليك 1200 ريال في جده شبك المطار وضمان شهر 


up 0 down 0
almartki 251
قبل 6 سنه و 2 شهر