عندي المكينه خبطت وابي اهل الخبره

القير يختلف بين 2006 وتحت و 2007 وطالع

ولكن المكينه وحده من 2003 لحد 2011

وانا اشوف انك تاخذ الرخيصة منها بالنهاية نفس المكينه ولا هو شرط تكون موديل احدث يعني نظيفه

ممكن تكون كانت مع كداد لاعن والديها بالخطوط طول السنه وعلى سرعات عاليه ولا اهتمام ولا شيء

وتحصلها ماشيه كثير ولا تدري عنها

اشوف وفر فلوسك اهم شيء المكينه لو ركبت وشغلتها شفت صوتها هاديء يكفي هذا يدل على النظافه بالغالب

كلام التركي صح
وبعدين اشرط علية ضمان اقل اسبوعيين
وباالتوفيق

اهم شيء الضمان وفاتوره لو حصل شيء تبدلها 

لان التشليح حظ واكثرها موضب قطع تجاري

اخوي خذلك من تشليح الياباني 
وانصحك بالموديل الحديث اذا يركب

اي موديل حديث على كيفك هو

الموديل الحديث المكينه 2500 سي سي ومختلفه عن القديمة

و القير ما بيركب حتى فيه اختلاف وش تنصح وانت ما تدري عن شيء

قلت اذا يركب وانا اعطيته النصيحة 

الافضل بعد لو يركب مكينة جمس بتكون اقوى وصوتها ممتاز

مجرد اقتراح اذا تركب مكينه الجمس

هذي نصيحتك بطريقة اخرى

شيء غلط المفروض ما ينقال الا بثقه لأن الشغله قيمة مكينه ماهو سير او لمبة 20 ريال عشان يجرب فيها

يالغالي خذ المستوردة بس اشرط علية ماهي مجددة 
يعطيك ضمان اسبوعين 
بعضهم يقول مستوردة وهي مجددة بقطع تجاري من دبي
انتبة واحذر ثم احذر اشرط علية
واذا على كلامه المكينه مستوردة من اليابان وشد بلد مافكت اجزائها
اضمنها لك 5 سنوات ماتتعب معها اذا انك محافظ على الزيت والفلتر
ولا تمغطها

ابحث عن مكينة سعودي في التشليح او آي مكان شرط سعودي بحدود ٦ آلاف
المستورد اغلبها مجدد وملمع ما انصحك فيها. 
وفقك الله

نصيحة خذ المكينة بشرط يركبها لك الي شريت من عندة لانها بتكلفك فك وتركيب وزيوت وغيرها لاني مجرب بسوناتا اخذت 3 مكاين لان كل ماركبت واحدة تطلع تدخن وكنت اخسر اقل شي تركيب 1000

خذلك حقت نفس الموديل احسن ولا باقي الموديلات كلها تركب لو بغيت تركب حقت موديل 2001 بتركب او2009 بتركب بس 

المشكله ان الي بيركبها بيغيير بعض افياش ظفيره سيارتك علشان يقدر يشبكها في المكينه الجديده الي تختلف عن موديل سيارتك الاساسيه

وبيقطع اسلاك ويجيب افياش جديده متوافقه مع المكينه الجديده او بيخلي الاسلاك عاريه ومعرضه للالتماس ولمبة المكينه شغاله في الطبلون  لان 

  لان بعض الحساسات غير راكبه صح وفي فيشها الصحيح 

اما لو شريت مكينه نفس موديل سيارتك بيركب الافياش علطول ومابيقطع كهرباء السياره ونسبه انه يخطي في تركيب افياش الحساسات في مكان غلط قليله 
لان كل فيش واضح الحساسه حقه

شوف يا غالي لاتركب أي مكينة لازم نفس موديل السيارة ونفس المكينة اللى راكبة عندك لأنك لو غيرت أحتمال كبير بيصير خلل في الجيربوكس والكرنك والعكوس
أشطرت على اللى بيبيعها لك ضمان بأن لو المكينة فيها خلل أو تعبانة نبهه أنه بيدفعلك حق الفك والتركيب 
هو لو اللي بيبيعلك متأكد من المكاين سليمة بيعطيك ضمان بدون ما أنتا تقوله
ويستحسن اللى بتشتري من عندة المكينة هو يركبها لك عشان لو فيها خلل يتحمل تكاليف الفك والتركيب 

بالتوفيق

ركبنا مكينة من دبي مستوردة على كامري 2009 بـ 4500 ريال وعطانا ضمان شهر بينما التشاليح بسعر 6500 وطالع
حسب الموديل وضمانهم اسبوعين فقط

أنا اشوف تركب مكينة مستوردة وتوفر فلوسك الناس تركب منها وماشي حالها مثلها مثل التشليح 

وظب مكينتك اللي معك ؤغير قطع اصليه تضمنها من التؤيش ؤالخرابات   رايي ؤلك شخص له راي

السلام عليكم
تجربه شخصيه 
وضبت ماكينة الوانيت موديل 92 بقطع اصليه قبل كم سنه
والان ماشي اكثر من 160الف كلم بعد التوضيب والماكينه من احسن ما يكون
شوف التوضيب اذا كان يخارجك اشوف افضل
لكن اهم شي المعلم الميكانيكي وقطع الغيار
استخير الله

من خبره
اكثر المحلات الكبيره تعتمد هذي الطريقة وعلمني فيها العمال اللي بالتشليح نفسه بس اذا ما تمون يقولونلك موظبه نظيفه فقط
هذي مكاين موظبة يجيبونها حتى من اوروبا من شركات توظيب كبيره ويشحنون له دفعه كبيره
يعني شغل تلفيق ويعطونه ظمان ويقوم هو يعطيك ظمان
دور حقت مصدومه وبتلقا افضلك بالف مره من هذ ي المكائن للاسف اغلب التشاليح الكبيره يسوون هذي الطريقه تلقا المكينه تلقلق

مكاين الكامري الومنيوم و ماتتحمل التوضيب ع قولة الطباخيين المكيانكيين .. تتوسع فتحتات السلندرات مع الوقت
خذ شيء مضمون وياليت تركبها محل ماشريت منه عشان لا يفتي على راسك ويقولك التركيب مو زين