استفسار كيفيه التطعيس جيب برادو 2012

وعليكم السلام ورحمة الله وبركاته

البر والتطعيس ما ينفع بالشرح

لابد من التعليم على ارض الواقع فترات طويلة

اما لو تبي تمشي نفسك بس اهم شيء ما تغرز هنا كلام ثاني

بالنسبة لي ما اعرف اسوق بالبر الا اني امشي حالي ولا اعرف اطلع حتى طعس صغير

امشيء بخط مستقيم ولو طحت بمكان تورطت لو تجيب لي اقوى سيارات الدفع الرباعي

وراعين البر يعرفون هالشيء انه ماهو اي احد يسوق بالبر

لا يجي احد اللحين يقول استخدم كذا واستخدم كذا وهو يسمع بالبر ولا قد جرب

سواقة البر شيء صعب

اهم شي اذا دخلت البر نسم الكفر و خل دعستك موزونه و لا تتسارع فجأة اذا وقفت 

بالنسبة لطريقة التطعيس زي ما قالك التركي ما بتتعلم الا بالممارسه غير كذا ما ينفع

شوف انا الي اعرفه حسب خبرتي البسيطه اول شي انك تلين الكفرات (انقاص الهواء)الى ٢٠ او١٥ 
ولا تتهور ولا تسمع كلام الي يقول لك رح يمين رح يسار والفرامل رجلك تكون خفيفه عليه عشان ماتغرز او تنشب او تعلق فيك السياره وإذا اول مره تروح البر خل معك سياره سيارتين عشان يساعدوك لو قدر الله وصار شي فيه بعض أماكن مايحتاج تلين الكفرات 
 
ي شباب لو سمحتو ما ابي دس لايك 

انا طلعت البر وغرزت وطلعت من التغريز وكل شيء تمام بس ماعرفت حق الدبل وكيف استخدمه كل هذا سويته بدون دبل 

نسم الكفرات واشبك دبل خفيف.وروح مايردك شي  بس اهم شي لاتدعس فرمل وخلك على  طعس خفيف واتعلم لان محد.خلق متعلم

انت بوضعك اجل استخدم الدبل الخفيف من اول ما تدخل البر حتى تطلع وبس تغرز او ما تغرز خلك على الخفيف

تمشي حتى بدون دبل  معا تلين الكفرات انا عندي جيب في اكس ار٢٠١٠ الحمد لله ماقد غرزت أبدا ولا شغلت الدبل الى مره وحده للتجربة فقط 

هذا الي صار معي امس نسمت الكفرات الي 25 ودخلت في الكثبانن الرمليه بس مابعت كثير لاني كنت خايف انها اول مره وغرزت قبل ما انقص الهوى بس بعد مانقصت كل شيء صار تمام دخلت وطلعت ورقيت كثبان رمليه لاكن مابعت حيل 

تعلم شوي شوي خلك منتبه من القص تتعلق فيه السياره وفيه بعض أماكن تمشي سيدا شوي الى في وجهك حفره ولا شي يعني ب العربي خلك راكد 

انا من 10 سنوات اطعس

اتطعيس ممارسه مو محادثه منتدى

ضروري تروح تجرب مره مرتين وبعدها تتمكن منه وتصير ثقه

جرب بطعس صغير انتبه تروح بطعس كبير وتتورط وخل معك احد ثاني يكون معه سيارة قوية انتبه تروح لحالك تقول مابي اتفشل بروح لحالي ترا لو تنكب
ماحد ينفعك لان فيه احتماليه تنقلب لو تحمست وانت عليمي

عارف مافي احد يتعلم من منتدى لاكن نشوف التجربات الي مرة فيها شباب و ننتبه لها

بعض النصائح
اذا شفت الوضع بتغرز السياره وانت على طرف الطعس او تسايف لاترفع رجلك عن البنزين نزل السياره اسفل الطعس

اذا شفت السياره وانت تمشي بجنب الطعس وتميل ادعس بنزين لاجل ماتنزل اكثر

اول ماتغرز ابدا بتعشيق الدبل الثقيل على طول لاتخلي الموتر يحفر
التنسيم خله على 15 اذا الطعوس نظيفه وصغيره واذا محفره او طعوس كبيره خلها على 10

عيار الهواء والماطور من الشراع الاصلي وواير السحب القماش الاصلي من 14 طن وطالع



اذا ماتعرف الطعس اطلع الطعس تجربه على سرعه خفيفه لاجل تتاكد ان مافيه نزلات او حفر او مرتفعات تخلي وجه الموتر يضرب واذا شفت الموتر الين توصل الطعس مافيه شئ دوس واذا غرز ارجع ريوس الين توصل اخر الطعس




اذا بتسحب احد لازم تعشق الدبل الثقيل

اذا دخلت الطعوس لاتعشق الدي خل الموتر على 3 واذا بتشد حوله على 2

الموتر لازم يفصل مانع الانزلاق والاي بي اس اذا مالها زر ركب فاصل لانها تبهذلك بالطعوس كل ما مالت السياره مسك النظام فرامل وطاح عزم الموتر وترى الفاصل حق الوكاله 25 بالمئه فقط لكن اللي يتركب يفصل لك النظام مئه بالمئه اما ال اي بي اس هذا الفرامل ماتمسك بالطعوس زين وفزه السياره بعد
ثقيله

بالنسبه لوضع النزول الحاد هذي على الممارسه بتعرف الطعس اللي يدق وجه الموتر او بعض السيارات ماشاء الله تصميمها جبار والخلوص فيها عالي
بالنسبه للنزول من الطعس لاتمسك فرامل الافضل تمسك بالجلنط ونمره 1 او 2

القص او السيف او التطعس او الافضل انك تاخذه على جنب من جهه السائق وتلقي نظره وتعرف طريق النزول وبعده تكسر قبل لاجل يكون النزول متساوي موب مايل على جنب تتعلق

التطعيس بالمختصر كل ماكان قلبك قوي وتتجرأ على السياره ودعستك مافيها تردد او عدم ثقه امورك في السليم





النقطه الاخيره كل السيارات وكل السواقين يغرزون لاتتحطم واذا جيت تطعس قدام جمهور لاتتوقع ان الناس تدربلك خذ الوضع عادي مااحد مهتم لك وان غرزت ماانت اول ولا آخر واحد


اخر شئ حاول ماتطلع بسياره وحده واذا غرزت احفر قدام الكفر ان طلع زين والا سحب بالسياره اما الدف يكسر الكلبسات ويعفط البودي ويكسر كلبسات الانوار والسياره لو وزنها 2000 كيلو مع التغريز بتصير 4000 يعني الدف 10 بالمئه احتماليه الطلوع خاصه اذا بطن السياره متعلق

وشوف اليوتيوب وشوف اللي يطعوسون على الواقع وترى مااحد ولد عالم


بالتوفيق

اما خالد ماقصر بيض الله وجهه

الوضع سهالات يارجل ومع الايام بتتعود وبتعرف تطعس بدون 

دبل لاكن هالفتره خلك قريب من الناس او الشارع 

واهم الاشياء لا تمسك بريك بالبر و اذا وقفت حاول توقف 

بمنحدر او نزله خفيفه عشان اذا مشيت تساعدك الجاذبيه وما تغرز

ابدعت ياخالد شرحك وافي