أضف سؤال أو موضوع جديد          

شورو علي بهايلوكس ديزل 2002

up 15 down 4
فهد كدسه 161
قبل 7 سنه و 4 شهر



السلام عليكم ياشباب أبي نصيحتكم لي ولاتعطوني لايك ولا ديس لايك بس شوروا علي
أنا إنشاء الله أبشتري هلكس ديزل 2002 غمارتين نضيفه وماهمني هي تيوتا أو لا أهم شي سياره توديني وجيبني وتكفون لاتحطون لي ديس لايك لأني أخترت تيوتا وكل الأعضاء على عيني وراسي سواء اللي يحبون التيوتا أو المورسدس أو الفورد








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


يارجال اشترها وما عليك من أطقع شنب .الموتر يصبر ويتحمل والديزل مايصرف  فنصيحتي اذا نضيفة اخذها بس في الراحة ماتصلح غير ظهرك يتمصع


up 8 down 1
-aboatb- 1848
قبل 7 سنه و 4 شهر



وقبل تأخذهاا جرب عزمها لان الديزل بيكون عزمه اقل من البنزين عادة وحتى بالسرعة اقل


up 6 down 0
ماكسيما 2008 6743
قبل 7 سنه و 4 شهر



ي رجآآل ابعد عن الديزل انوآع القروشه يكفيك الدخآن الآسود اذا جيت تمشي بس انه توفير بالوقود


up 4 down 1
no-e7tkak 34
قبل 7 سنه و 4 شهر



والله شوف بتشتري اشتر بنزيل الديزل متعب من غير الروايح  والدخان الديزل وقت الوقوف ممكن مكيفه مايبرد لنه طلعت بموديل 2005 ديزل جديده اذا طولت واقفه تشم ريحة الكربون داخل الغماره فانصحك تشتري بنزيل عزمه قوي الديزل اذا حملته وبالطلوع ضعيف بالبرد يطفشك اذا منطقتك بارد مايشتغل على سنع 


up 4 down 1
princ 18867
قبل 7 سنه و 4 شهر



انا اعر ف واحد شرا هيلوكس ديزل 2010جلس عنده اسبوع وباعة بسبب العزم ضعيف احتمال السيكل 26يسبقة


up 5 down 1
kutre 400
قبل 7 سنه و 4 شهر



اسئل عن قطع غياره انا كنت مره متباع لمنتدى مكشات وتافجئت من احد الاعضاء يقول انه طرمبة الديزل حقت الايسوزو دي ماكس ب10 الالف ريال !!! بس راح يعجبك الديزل في الصرفيه قليله جدا لكن الله يعينك على صوت طرررررررر من المكينه ولازم تحميه فتره طويله !!!


ياخوي البنزين رخيص الله يطول في عمر ابو متعب وش تبي في الديزل ازعاج وروائح ومرض وضعف عزم ولو تبي تبيعة محد يبية منك خذ بنزين وتوكل على الله


up 4 down 0
شليطيح 5019
قبل 7 سنه و 4 شهر



اخوي فهد واحد اعرفه حق المعرفه معه 2004 ديزل ويحمدالله عليها ويمدح فيها والقطع متوفره
بس اثقل من البنزين يالله تصل 140 وهي ماشيه 285 الف وزي الحلاوه ولقد قال مشاء الله سيارته بالورشه علما ماشاء الله انه رجال شغال والسياره مكينتها ماتبرد من الشغل
وب7 ريال يفلل التانكي 
انصحك بها اهم شي الاستخاره


up 4 down 0
سعد خليل 6153
قبل 7 سنه و 4 شهر



والله الناس تجلس تسألهم محد يعطيك راي صح ولاحد منهم قد استخدم ديزل كل واحد يألف من راسه وماتدري من تصدق وانا تابعت اعلانك ذا واللي قبل ولااحد منهم فادك بشي مع ان سؤالك واضح واحد يقول ماتكلف والثاني يقول انحش مالها قطع غيار وطرمبتها مكلفه ماعاد تدري من تصدق فالله يعينك بس


up 1 down 0
فيصل فص 3
قبل 3 سنه و شهر



أنصحك بالديزل
هايلوكس أو ديماكس
لكن عزمها بالغرازه تبرك
وقطع الغيار بالذات للهايلوكس لاني مجربها ملك قطعها متوفرة بكل مكان وقومتها وفزتها ما تفرق عن البنزين إلا بشي بسيط للانسان العاقل اما المراهقين راعين المقاومات وخلافهم
هذه سيارة تعتبر شاحنه حتى مو سيارة خاصه لكن لأن بيئتنا صحراوية ومجتمعنا يحمل يحتاج ونيت.
القومة والدخان ما تفرق عن البنزين لموديلات 2006 وطالع أما قبلها ماعندي علم
لكن جربت ديماكس بالعمل موديلات 2002 ضف بالعزمه ودخان اما القطع ما جربتها لأنها السيارة كانت تبع العمل.


up 1 down 0
k_s_m_h 60
قبل سنه و 2 شهر