استفسار..

اكيد مانت فاضي لتحويلها لكن دور على معقبين بالنت تحصلهم 
واتصل عليهم ولاتعطيهم شي الا بعد التاكد من استلامك كامل اوراقك
عندك تطويف 5 سنوات واللوح لها رسوم اعتقد 100 واستمارة 300 يمكن
والفحص 75 ريال وشوف اذا عليك مخالفات تسددها
وعندك نظام ابشر تعرف كل شي عن الاجراءات

نسيت اقول وكل عام وانت وجميع الاعضاء بخير وصحة وسلامة
ومن يقرا
..

الله يبارك فيك وانت بصحه وسلامة ،،

لو تشوف مواضيعي كاتب قبل أسبوع تجربتي في تغير سيارة أجرة إلى خصوصي 

لكن ليست نفس طريقتك (سيارتي كانت لتبع شركة عبداللطيف جميل  بس ممكن تاخذ مقتطفات

من الموضوع بحيث تكون مستعد بالأوراق .. 

ودام السيارة أجرة أكيد مسجله عند وزارة النقل بالرياض ــ حي الصحافة تروح تطلب منهم "شطب سيارة أجرة" 

عشان تحولها خصوصي .. راح يعطيك ورقة وطلبات فيها

يطلب منك ورقة التشغيل الأجرة .. ودام انها مطوفة هالسنين أعتقد ضايعه  .. فإذا ضاعت لها شروط لكن لازم تتأكد منهم

لكن لا أتذكرها لأني ماتعاملت معاها .. 

بعد ماتخلص وزارة النقل (راح يعطونك خطاب للمرور بشطب سيارة الأجرة) فيها معلومات السيارة ورقمها
وتروح بالخطاب للمرور ، لأن المرور راح يطلبها منك 

وبعد كذا المرور راح يعطيك نموذج (تغيير لوحة) تعبيها بإسمك ورقم بطاقتك .. وإختيار أو التأشير على (إستبدال لوحة) لأن فيه 

بدل تالف وفاقد الخ .. عمليه سهلة (وتكون اللوحات معاك) عشان يبدلها لك 

طبعاً تدفع رسوم (تغيير لوحة مركبة) من البنك .. كان عندي بنك الرياض (تغيير لوحة مركبة) النوع: صغيرة أربع أبواب 
هذا اللي مكتوب بالبنك وطريقتي بالدفع (عن طريق الإنترنت) وليست بالصرافه ... اعتقد سعرها 350 أو 450 ر.س 

ودفع رسوم تجديد رخصة السير

وتأمين السيارة 

وإن شاء الله تروح المرور وتكون مخلص 90% من طلباتهم .. وإن شاء الله أفدك ... 

ملاحظة (أنا سويتها هالطرق والخطوات وسيارتي كانت تبع شركة ممكن تختلف طريقتك عن طريقتي) والله أعلم 


وطبعاً المرور ماشاف السيارة ولا شي بعد ماخلصته،

لكن كان لازم أشيل الإستكرات حق الأجرة والفانوس عشان مايعطوني مخالفة  تغيير شكل المركبة ...

المهم أي إستفسار راسلني خاص حاضرين ، وإن شاء الله أفدتك 


    والسلام عليكم ورحمة الله وبركـــــــــــــــــــاته

   .



             

هذا رابط الموضوع "تجربتي بتغيير سيارة أجرة إلى خصوصي"

http://montada.haraj.com.sa/58668/%D8%AA%D8%AC%D8%B1%D8%A8%D8%AA%D9%8A-%D9%80-%D9%84%D8%AA%D8%AD%D9%88%D9%8A%D9%84-%D8%B3%D9%8A%D8%A7%D8%B1%D8%A9-%D8%A3%D8%AC%D8%B1%D8%A9-%D8%A5%D9%84%D9%89-%D8%AE%D8%B5%D9%88%D8%B5%D9%8A-/

جزاك الله خير ومشكور على المعلومات والله يسعدك دنيا واخرة