أضف سؤال أو موضوع جديد          

صار لي حادث والطرف الثاني مقيم وماعنده تأمين الجزء الثاني

up 40 down 7
أبوتـركي 753
قبل 3 سنه و 2 شهر



حيالله الجميع كلن باسمه ،، طبعا كان لي موضوع سابق  وكنت طالب استشاره وكلن ادله بدلوه 
وابشركم الحمدالله استلمت التعويض ولكن بعد حوسه شبه طويله استمرت يومين 
طبعا حبيت اسرد لكم السالفه حتى الكل يستفيد اذ حصل له حادث لاسمح الله 
وقبل ما ابدا انا الي صار لي حادث مع شخص مقيم سوري ،، والسورين اخوانا وكلن يعمل باصله وليس للجنسيه لها معنى في ذلك وهم ضيوف عندنا والله ينصرهم وترجع سوريا 

طبعا الي صدمني ولد سوري سقط علي ونحاش ولحقته مسافة تقريبا 70 متر ووقف وحا نجم وانكر وانا شفت الحكه مانت بسيطه وكنت بسامح بس انكر وقال ان انا الي صدمته وبعدها اعترف وحط نجم عليه 100% الغلط وجا ابوه وكانت ملتح ومطوع ولا قال حتى سلامات ولا خذ بالخاطر وكنت متوقع بيطولها 
وطلبت اكمل اجراءت المرور رحنا المرور ولا جا وطلبت وعطوني التسعيرات وسعرت وقبل ماخذ ورقة التسعيره كلمت العسكري كيف طريقة التنازل لان حبيت اخذ اجر قلت ع الاقل يادب ولده ع طياشة ولده بالسواقه جيت الاحد للعسكري وقال لي دق ع خصمك دقيت ومارد قال العسكري تسهل له يومين مايجي نعمم عليه قلت سهاله 
وصلت البيت دق علي الولد قلت له انا الي صادمك قال لي خذ كلم ابوي وهناا الصدمه الكبرى الابو كلمني بصيغة استصغار وقال لي اصلا الحكوك هذا مو من الحادث وانت متبلى ع الولد قلت له الحين انت بدل ماتعتذر تكذب كذبه وعاجبك الولد الي سواه قال الولد ماسوا شي انت مبتليه صراحه رفع ضغطي قلت له بكرى قل هالكلام للمرور انا ماحب اطول الهرج وحلفت له ان ماتنازل عن ريال واحد 
وسكرت منه وبعد نص ساعه دق علي العسكري وكنه ربي راسله لي من السما قال معاك فلان الفلاني من المرور قلت له سم قال دقينا ع خصمم وقلنا له يحضر ،، لان ماحضر بيوم الحادث ولا يوم الاحد الموعد ،،  وشدينا عليه بالحضور اجيت الاثنين وشفته موجود  هو وعياله الاثنين والعسكري الي ماسك اوراقنا ماكان موجود لسه ماجا  وجلست بالانتظار شوي نادو علي جيت شفت العسكري الثاني قال لي خصمك معترض رورحو للملازم يفصل بينكم اجيت عند عند سكرتير الملازم  وقال شسالفه علمته وجا ابو خصمي وقاله هو سيارته مصدومه بحادث ثاني ومبتلي الولد قاله هالكلام مو صحيح شاف الصور قال الا هذا حادثه بسبب ولدك مسك الولد ع جنب وحقق معه واعرف انه غلطان قاله ارجع للعسكري الي ماسك اوراقك وخله يعطيك التقرير الكامل رحعنا خذنا الاوارق ودخل ع النلازم قاله الولد معه رخصه قال لا  المهم انا ارتفعت اعصابي لان يتهمني بشي لا سويته قلته له يم الملازم عيب رجال كبير ومطوع وتتهمني بشي اولدك هو سبب فيه تراه حنا بيام فضيله انت ظغت اني مسوي حادث قال لا قلت ليه تتهمني اجل الملازم قاله عط الرجال حقه وقام السوري يقول انا دكتور وحنا ضيوف وانتم فلوسكم كلها حرام  هنا الملازم عصب قال انتبه لكلامك لان موضوعك بنحوله ل هيئة الجزاءت قاله تهددني وانا دكتور وانا وانا العساكر الي يمي ضحكو عليه  قلت له للملازم يمه قلت ياخي انت مشكلتك لا معترض بالخطا الي اخطاء الولد وانت بطريقتك ذي بتخلي الولد يقتنع الي سواه صح  وطولها مع الملازم وطلب الملازم نحول اوراقه لهيئة الجزاءت وقدامي صكوه ثلاث مخالفات عدم حمل رخصه وعدم تامين وعطاني فلوسي وهو مايشوف الدرب 
وهالكلام من الساعه 10 لين 1 ونص  ومسكو الابو ليش يخلي ولده يسوق وما معه رخصه ودخل روحه في دوامه مالها اول ولا تالي ،، انا خذت فلوسي ومشيت وبصراحه وللامانه العسكري ورئيس الحوادث كانو متعاونين  بشكل رائع الله يبيض وجيهم

وجزء من المبلغ حطيته صدقه ولله الحمد 
كلامي هذا حبيت اقول الي يقول العوض مافيه خير  ،، لجاك واحد يعدم موترك وهو جديد ويتبلاك هنا لا تسامح والعوض تصدق جزء منه وصلح بالباقي ولو تزيد من عندك واساسا التسععيرات اغلبها  تكون اقل من التصليح والعوض من الله وانا رضيت بالقليل تاديب له وامثاله
ومن النواقف الي شفته وحبيت انبهكم عليه في واخد بايع سيارة والمكتب مانقل الاستمارة للمشتري والمشتري خذ الموتر ومشى عكس السير وصدم له واحد وانحاش والبايع مايدري ع باله انتقلت ملكيته  والله يكون في عونه صراحه مصايب ،، ف اي ولحد اذ باع سياره يتاكد ان السياره انتقلته من ملكيته من نظام ابشر ويخذ ورقه ويحتفظ فيها  

واخير انشالله يكون الموضوع مفيد لكم 

سبحان الله وبحمده سبحان الله العظيم 
وبخصوص 








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


ياجماعه وش السالفه كل من صدمه سوري جحده
انا سوري صدم سياره جارنا والسياره واقف يوم جا المرور قال التكلفه ٨
ومامعه تأن المهم مشاء قال الاحد عند المرور وعدنا ولا ركب الدوريه
واسبوع ونص وراه وياله قبض من حول ٥٠٠٠ بعد طلايب وعله



up 0 down 0
abo11-ahmaad 1
قبل 3 سنه و 2 شهر



الله يعطيكم العافيه جميعا ع ردرودكم والعذر والسموحه ع التاخير بالرد بس عارفين اجازه وماحد حول احد ،، اسالله لي ولكم التوفيق 


up 0 down 0
أبوتـركي 753
قبل 3 سنه و 2 شهر