رايكم بالفورتشنر 4سلندر

ممتاز وحمار مكدة بس الراحة انساها والعزم دمار في الاتوماتيك بس العايدي طرب وخاصه في البر ولا يطلب قطع وتصليحه سهل حتى السباك يعرف يصلحه 

طبعا انا اقصد الاربعه سلندر لكن السته سلندر موتر على كيف كيفك وبالتوفيق

قير عايدي هذا الفورتشنر والبرادو يطربونك لاخذت قير عادي واحرص ع النظيف وابد موتر يعزك بالصحرا والله

فورتشنر يا تاخذ 6 يا لا تقرب منه نصيحه مجرب 

خذ سته نصيييحه او خذ فتك

جزاكم الله خير عالمشوره لاكن ال6مايلزمني لان الموتر بيكون موتر بلد وصرفيه ال4افضل 
موديل كم يجيبلي المبلغ ويجيبلي نضيف ولالا 

ما في فرق كبير بالصرفيه برن ال4 و ال6 سلندر
مدري 40 تجيب لك نظيف و الا انت و حظك
و ترا الاربع سلندر من 2012 فرامله ABS
الموديلات اللي قبل فرامل عاديه
مره سقت 2010 و لفيت على سرعة وسط ممكن اقل من 100
و ادعس بريك و يزحف بي لانه ثقيل و اصعد الرصيف لكن الحمدلله سلما
بس ما تأثر و لا شي هالجني بس حكه خفيفه بطرف الصدام ههههه 

الخلاصة :
الافضل مواصفات و فرامل من 2006 الى 2011 الV6
الاربع من 2012  افضل فرامل
لكن 40 ما تجيب لك واحد

بكم احصل ال6سلندر؟ 

نصيحة خذ الي فيه اي بي اس عندنا انوفا 2009قير تماتيك فراملها تعبانه وبخصوص الصرفية والمشاكل عز الله انه موتر مايطلبك شي وتصليحه في كل مكان وعزمها اشوفه ممتاز بالنسبة لخفتها ووزنها و الفورشنر والانوفا والهايلكس مكينة وحده الاربعة سلندر

الفورتشنر4سلندر كثيرين يشتكون من انه يصرف بنزين لان لازم يدعس عشان تسرع والدعس يسحب بنزين عكس ال6خفيف
ويمشي بدون تثقل عالدعسه وتكتم للمكينه 
وانا ارشحك على 6سلندر ممتازه جدا وخدومه وقوية انصحك وبقوة

موتر طيب بالحيل ومايطلب ومايردك شيء لاجبال ولانفود

ال4سلندر يصلح لشخص سواقته هادئة ومو راعي سرعه 

إذا مايهمك العزم توكل على الله بس احرص على النظيف 
40 الف ماتوقع تجيب 6سلندر نظيف 
المهم انزل للمعارض وشوف الاسعار بنفسك بالتوفيق

اذا تقدر على ال٦ لاتاخذ غيره ابد لكن انت على كلامك بتستخدم بلد يعني مابتهتم ب العزم ب شكل كبير اذا سواقتك هاديه ومايهمك موضوع العزم ف ال٤ طيب لك . 

جزاكم الله خير
المشكله المبلغ مايجيب 6سلندر نضيف وهذا الاهم 
لان السياره مابيها لي ابيها لاخوي الصغير صعبه اعطيه سياره 6سلندر

وين صرفيه بنزين باربع سلندر اتوقع مايفرق عن البرادو
كان معنا برادو 2004 اذكر اخر مرة سقته قبل فتره طويله عبيته فل وكان ع العداد
ظاهر انه يمشي 630 كيلو
خلنا نقول 600
بحكم قراءة العداد ماتحسب المكيف
ونقص 50 بحكم الدعس القوي
يعني داخل البلد 550
شي طيب بالنسبه لجيب
مكينته كبيره

عندي 4 سلندر بدون دبل ممتاز عزم وسواقة واذا تبي دبل مالك الا 6 سلندر

يالربع ودي تفيدوني بمسئلت البنزين معي فور شنر 4 سلندر اعبي فل كل ثلاث ايام
ومشاويري ماهيب واجد هل هو كذا ولا فيه مشكله؟

رايكم يهمنا .. عمدي نيه على شراء جيب فورتشنر بدون دبل