الله يجعل والديك في الجنة يامن دخلت موضوعي وخدمتني بشورك

8 4

لايمكنك التصويت حتى الحصول على 20 نقطة على الأقل
إضغط هنا للإخفاء

yasser alyasser 595
قبل 8 سنه و 7 شهر

السلام عليكم عليكم ورحمة الله وبركاته
الله
يسعد اوقاتكم جميعاً بكل خير

 (( ياليت اللي دخل موضوعي يكون فاضي ويقراه بالتفصيل حتى تعمّ الفائدة علينا جميعاً ))
 أخواني وحبايبي أعضاء وزوار المنتدى أو نقدر نسميه مجلس النشاما والناس الطيبة ، لأن المنتدى هذا بصراحة استفدت من اغلب المواضيع المطروحة فيه وعسى الله يكثر من أمثالكم.
أعتذر منكم جميعاً لو طولت عليكم بموضوعي...




عموماً أبي استشيركم بسيارة ناوي اشتريها اذا الله كتب لنا فيها خير ولكن ما أستغني عن شوركم وخبرتكم بارك الله فيكم ، لأني لي فترة ابحث للوالد الله يحفظه عن هايلكس نظيفة وبسعر طيب وحصلت هايلكس عند صديق عزيز علي ورجال طيب شرواكم وعرضها للبيع وأنا أعرف سيارته من أول ما شراها وكالة بسنة موديلها جديدة الين الحين تحت أستخدامه الشخصي وهو محافظ وهادى جداً بسواقته ومشاويره قليلة عليها.
وسألته كم يبي فيها لكن رفض يعطيني سعر وقال شاور وسومها وأعطني المقسوم اللي يرضيك وقال والله ما اقدر اتشرط عليك في بيع وألا غيره وهو قالها لأنه يستحي مني ويقدرني كثير وبصراحة كذا أحرجني جداً وما قدرت اسوم إلا بعد شوركم علي وخبرتي قليلة بأسعارها لعدم أستخدامي لها ابداً من قبل.

 وبذكر مواصفاتها كاملة  قدر الأمكان:

•السيارة/ هايلوكس غمارتين.




•نوعها/ GL على ما أعتقد قزاز هندل وداخلية رصاصي ومكيفة ودركسونها هواء.




•موديلها/ 2006.




•عدادها ماشي/ 173000 كم.




•المحركات/ نظيفة وأعطيها نسبة 10 على 10.




•البدي/ وكالة بدون سمكرة أو رش وبويتها لازالت ممتازة وفيه دقة بسيطه بالرفرف الأيمن الامامي وأيضاً دقة خفيفة بالرفرف الأيمن الخلفي وكلها الدقات غير معدله وعلى وضعها وما تأثر ابداً تبقى على حالها وأعطي البدي نسبة 7 على 10 بسبب الدقات.




•العضلات/ متماسكه بدون اصوات وبحالة الوكالة.




•الكفرات/ تعبانه ومحتاجة تغيير.




•اسبيرها/ شد بلدها ما نزل على الارض.




-----------------------------------------------
طبعاً ذكرت لكم مواصفاتها بالتفصيل لأني ابيكم تشيروني عليها حسب وضعها ونظافتها وتفيدوني بأستفساراتي:




1- كم تستاهل قيمتها علماً أن ما عليها سوم للحين.




2- رأيكم فيها من ناحية عيوب التصنيع ان وجد في هالموديل بحكم أنها أول موديل تغير شكلها بعد 2005.




3- هل مكينتها وقيرها ورديترها ودفرنسها ومحركاتها نفس الموديلات اللي بعدها من 2006 إلى 2015 وإلا فيه أختلاف.




-----------------------------------------------




وأرجع اعتذر منكم لأني طولت عليكم الكلام ولكن يشهد الله ما أبيها تفوتني السيارة بحكم معرفتي بنظافتها وبتاريخها كامل ، وبنفس الوقت ماقدرت أتصرف مع الرجال لأني متأكد مايردني بأي سعر اعطيه فيها بحكم اللي بيننا ومايخفاكم  في ما بين الرجال من مودة  والصحبة الطيبة بالنشاما شرواكم عشان كذا قلت مالي إلا الله سبحانه ثم شوركم علي بالشور الطيب اللي يجملني منه ومن الوالد ونكون كلنا كسبانين من هالبيعة.




وأسأل الله أن يجمعنا وأياكم ووالدينا وكل من له حق علينا في الفردوس الأعلى من الجنة.




بأنتظاااار مشاركتكم وأجابتكم في الثلاث الأسئلة اللي فوق

إبلاغ

الردود