استفسار ز للخبرااء زيت مكينة تويوتا كورولا 2015
0
2
إضغط هنا للإخفاء
السلام عليكم ورحمة الله
كيف حالكم ي اخوان انشالله بخير
ندخل بصلب الموضوع عندي كورولا 2015 مطلعه العام والسياره لها معي سنه وشوي
غيرت الزيت 5 الف عند الوكاله بزيت تويوتا الجديد 10w40 يمشيني 10 الف كيلو
والتغير الثاني عند 15000رحت للوكاله وقال لي التشيك ب 400 وسوا لي تخفيض 240. واموري طيبه معهم
ويوم وصلت 24 الف كلمت المهندس بالوكاله قال لي ب 900 قلت سلامات ع كورولا 900 قال بنخفض لك ل 800 وعليها وسحبت عليهم خذت فلتر هوا وفلتر زيت من الوكاله
و ف قريت هنا وهناك قريت عن بترومين ان يسوي صيانه زي الوكاله والفاتوره تشفع لك ان الضمان يكون ماشي عند عبدالطيف
رحت عندهم قال في زيت ابو 10 الف بترومين الترا 10w40 ب 60 رريال العلبه يطلع علي 311 وكاسترول 10 الف 5w40 ماجنيت يطلع علي 336 طبعا غيرت منهم كاسترول لان قريت بكتالوج السياره افضل شي 5w40
بس اول ماطلعت من عندهم حسيت بغبنه كورولا بحطله زيت 336 سلامات حسيت اني استعجلت علما ان اغلب مشويري داخل البلد
والمكينه طبعا 1.6. ف ابي شوركم هل استمر ع 10 الف كيلو وبترومين يرفع السعر الزيت الي خذته حسبه علي 95 للعلبه بينما تباع في محلات الجمله ب 55 ريال تقريبا اذ ماكان ب 40
ف ابي افضل حل ان السياره تدخل بضمان الوكاله ويكون الزيت يمشي 10 ويكون كويس للموتر وباقل التكلفه او ع الاقل بتكلفه متوسطه
نسمع ارئكم
إبلاغ
الردود
أخوي الكريم أن من يوم أشتريت سيارتي ما طبيت الوكالة إلا مرة وحدة
أول مرة صيانة 5000 وكانت مجانية بعدها سحبت عليهم
وسويت جميع صياناتي في بترومين , لكن ما عمري دفعت المبلغ اللي تقوله !!
أنا أغير بترومين 10W30 وما تكلفني الصيانة سوى 100 ريال في كل مرة
وبإمكاني أن أقلص المبلغ إلى 70 ريال عند أي بنشري لكن سبب إستمراري الفواتير فقط وكونه مركز معتمد
اللي أبغى أوصله لك أترك الإهتمام الزايد عن اللزوم وغير زيت بترومين 10W30
في حال أنك مصمم على لزوجة 5W30 أو 5W20 لا تغير عندي بترومين قمة في النصب 60 ريال!!
مالك الا تشتري كرتون بالجملة تطلع عليك العلبة ب 18-20 ريال وتغير عند بنشري
مع أن شوري لك 10W30 مناسب جداً وسعره منطقي عند بترومين
وأنتبه يجيك الفلبيني يقول لك باقة ذهبية وباقة خرابيط خذ أرخص شيء مهي فارقة.
موفق خير
2
1
ودي تفيدني اكثر من هالنهايه
1
0
الزيوت للسيارات القديمة اسمها زيوت معدنية هذي حقت موديلات 2000 و تحت تقريبا
وتجيك سعر العلبة ما بين 10 الى 15 ريال
وفيه نصف تخليقي اللي هو مناسب لكل السيارات قديمة او حديثه وفيه خفيف وثقيل منه
وهو المناسب للكورولا وحتى سيارات 6 و 8 سلندر حتى الجديدة و تحصل سعر العلبة ما بين 16 الى 25 ريال
وفيه التخليقي كامل بعض الشباب على بالهم مناسب لسياراتهم او محافظين عليها
تحصله يغير الزيت على 400 و 500 ريال كل مره وعلى باله محافظ على السياره
تجي تحسبها بعد سنتين يكون غير الزيت اقل شيء 10 مرات من 500 ريال يعني 5000 ريال
قيمة مكينه او توضيب المكينه
وهو جالس يلعب على نفسه ويخسر نفسه ولا له داعي يحط زيت تخليقي كامل
لأن التخليقي كامل هو مخصص اصلا لسيارات الجهد العالي و التوربو
3
4
1
1
راح اعمل بطريقتك لان هي الانسب لكن الي عندك حسب علمي يمشيك 5 الف وانا ودي ب 10 الف
0
0
1
1
او اشتر كرتون بترومين a1لزوجته5دبليو30 سعر الكرتون255 يطلع عليك الحبه21 ريال وعشك جوك يابطل
3
0
احترنا وش نعبي زيت
جربت بترومين وجربت تويوتا وجربت كاسترول ماجناتك
يعني حولت سيارتي فأر تجارب هههههههههه
وللأمانة حسيت فرق مع كاسترول ماجناتيك صوت الماكينة أنعم وهادئ
بس الغبنه ان العلبه في بترومين 60ريال والبناشر برا بـ40ريال وناس يقولو ان بعضها مغشوش
0
0
انت اخذت التخليقي كامل اللي تقول سعره عند بيترومين 60 ريال
فيه نوع نصف تخليقي وهو المناسب للكورولا ولا اعتقد سعر العلبة يزيد عن 18 ريال الى 20 ريال بالكثير
النوع التخليقي الناس تحطه على بالها تحافظ على المكينه وهو اصلا ما يناسب سياراتهم
التخليقي كامل هو مخصص لسيارات التوربو وانت ليش تحطه على سيارة 4 سلندر بدون توربو
قبل 9 سنه و 2 شهر