تجربتي مع كورولا 2015
22
15
إضغط هنا للإخفاء
السلام عليكم
طبعا موضوعي ماهو بقصد احد يحطي لايك او دسلايك
بغيت استفيد من تجارب غيري وافيد اللي ناوي يشتري سيارة
تم شراء كورولا فئة GLI قبل شهر تقريــبا
الايجابيات :
سيارة عملية مكدة شغل وتتحمل ( لك وللزمن على قولتهم )
مصروف البانزين جدا جدا متواضع يعني الفل يمديك حول ال4 ايام اذا كنت تمشي وااااااااااجد زيي كذه
كثير ناس قالو من الداخل ضيقة وماهي مريحة ولكن يشهد الله اني اشوفها مريحة ومساحتها جيدة
مكيفها وهو اهم شيء حاليا ندور عليه تبيردها ممتاز ما شاء الله تبارك الله
الفئة هذه احلى من الستاندر ( تجي فيها نياكل وشاشة وبصمة ) يعني مدلعة شوية
حبيت اضيف هذه النقطة ضمن الايجابيات وهي الصيانة ماهو للسعر ولكن للمعاملة اللي في مراكز الصيانة
جربت قبل الهيونداي والكيا وتعاملهم كان جدا سيء ومعاناة معاهم ولكن سعر الصيانات لك عليه شويتين
في طرق السفر السيارة ثابتة والحمد لله مسكت فيها خطوط بهذا الشهر حول 3500 كيلو
السلبيات :
عزمها ماهو زيادة داخل المدينة ( يعني بالقومات شوي بطيء ) ما اعرف هل لاني كان معايا 6 سلندر قبل والحين حسيت بالفرق
العزل الارضي الصراحة سيء يعني تسمع اصوات كثيرة وانت داخل السيارة (( الا اذا عليت صوت الشيلات )) ما تحس بشي @!@ طبعا سيء على سرعات عالية
سعر الصيانات في ارتفاع بالاسعار مبالغ فيه نوعا ما (( الا ان خرجتها من الضمان )) فتكون الكلفة جدا بسيطة
على المطبات فيها نوع من القساوة واعتقد معظم الناس يشكون من كفرات البريجستون عليها وان شاء الله ببدل الكفرات بهنكوك واجربها وانقللكم التجربة
طبعا السعر مختلف بين كل معرض او وكالة او مدينة
انا خذيتها من الوكالة بسعر 72000 وخويي خذاها من المعارض بــ 66000
وبالنسبة للألوان الصراحة في لون جدا اعجبني وتندمت اني ما خذيته بس ما كان متوفر ( الكحلي ) الأزرق الملوكي من افضل الالوان واجملها على الكورولا
وسلامتكم ...
إبلاغ
الردود
0
0
،،،،، تحسب علميا كم لتر وكم مشاك من كيلوات...
قبل 9 سنه و 2 شهر