رايكم التيما من 89 الى 95 الي جربها يعطيني تجربته عنها

سياره على أيامها كانت تكفر صح ،،، بس ما اتوقع الان تلقى شي نظيف

اللي ياخذها الحين اهل التزويد والدرفتات. لكن استخدام يومي . راحت عليها

صادقين الشباب مايخذها الا إللي يغير مكينه اقوا 
ويخليها مقاومات 

سيارة لايعلى عليها الله على ايامها
كانت معي التيما ١٩٩٣ جلست معي من عام 2003 والى يومك وهي موجوده معي

الان افكر ابيعها تشليح ،،
مكينه جباره مااذكر مره نقصت الزيت وعزم قوي ومكيف ثلج ...
بس الآن ماعاد لها وجود مثل اول ..

بعض السيارات جباره لكن انتهى زمانها وولى على سبيل المثال الالتيما الموديل هذا والكابرس موديلات0 9-96

سياره قويه وراسيه بكل معنى الكلمه
عندنا مثلها 6 سلندر كنت اطلع بها عقبات وجبال الجنوب
ومكيفها كل من ركب يقول فريزر

وافتكر التعشيق الثاني فيها كان قوي جدا وعزم السياره عموما ممتاز ,, يمكن عشان عندنا 6 سليندر

عشعشت الحين السيارة ، في وقتها كان قايم لها عز مثل عز 200l و 240l والجالنت وطقتها


لكن الحين لو تاخذها بحلت بها وين بتجيب لها قطع منه بتقعد تطارد في التشاليح هذا غير انها ماشيه 65684587 واكيد موضبه واذا ماوضبت فانها تمشي وتدخن وش الله حادك



اشتر اللي يريح راسك ومخباك حتى لو يكون صغير بس خدوم وموديل حديث ولا انكرف لين قال بس



بالتوفيق

اذا بغيت زي هسيارة اطلع الشرقية واهل القطيف معروفين بهسيارات اسعارهم نار لكن يشهد الله ان يبعضهم عندة مواتر تقول شبة جديد

من واقع تجربة اشتريت اكورد قبل سنه وعليها 2008 6 سلندر نظيفة جداجدا وقد اشتريت كامري امريكي 6 سلندر 2007 ماشاء الله ممتازة جدا لكن اسعار مرتفعه نوعا ما