تجربتي المؤلمة مع صالة البيوك

31 5

لايمكنك التصويت حتى الحصول على 20 نقطة على الأقل
إضغط هنا للإخفاء

الرفاعي33 13917
قبل 9 سنه و 2 شهر

بسم الله الرحمن الرحيم 




اسعد الله اوقاتكم بكل خير اخواني اعضاء وزوار منتدى حراج 




الحقيقه مانزلت الموضوع الا بعد ماانصدمت في يوم من الايام
من احد الصالات الامريكية بجدة




القصه ومافيها في يوم من الايام 
ذهبت الى جدة وانا ناوي على كامري امريكي 2005
بعد مابعت الكامري الي معي 98 طبعا امريكي بمبلغ 25 الف
وكان معي مبلغ 25 الف المجموع 50 الف

طبعا اخوكم على نياته ولا يدري عن تلاعب وغش الصالات
ولا كان يدري عن شي اسمه تقرير كارفكس واتوشيك

اول صالة طحت فيها البيوك واحصل عندهم كوامري بالهبل
موديلات 2004 و2005 و2006
حصلت كامري جمرك بحري 2005 تشوفه تقول وش هالزين
وش هالجمال وش هالشياكه ههههههههه

المهم كلمت الفلسطيني على كم اخوي هالزين
قالي 51 منقول جاهز مع اصدار اللوحات
واقوم امدحه وكم من الاخر وضيوف عليكم وجايك من الباحه
ومن هالعلوم حسبها لي ب49 الف
قلت شوف انا توني واصل المعارض
باخذ فرة على الصالات اذا ماحصلت شي برجعلك
قالي اقولك مابتحصل مثل هالموتر وبحسبة لك عشانك جاي من الباحه ب48 الف 
والله وافكر وافكر قلت يحصل خير 

مشيت من عندة وتوجهت الى الصالات دورت دورت
غالية كلها على 52 الى 55 الف
رجعتلة طبعا الموتر اعجبني لانه فل كامل مكيف لمس
ومراتب كهرب وفتحة سقف وجناح وجلد وتحكم كامل من الطارة المهم انه فئة XLE اعلا فئة
قلتلة انا شريت ب48 الف بس بفحص كمبيوتر
قال اوكية اخذت الموتر وديته الفحص
طلعت نسبة المكينه 93 وبودي بلد وقير 10 على 10
توكلت على الله وشريت 
ودقيت سلف على الباحه ومبسوط مع الموتر
واروح الطايف وادقلة تلبيسة للطبلون
وما احد قدي

راحت الايام واليالي والساعات والدقايق
وبعد سنه و6 شهور تنكسر النسافة في الجهة اليمنى
طبعا النسافة مرشوشة على نفس لوون البودي
شريت نسافة ورحت للسمكري عشان يرشها

اخذ رقم البوية في الباب وهنا الطاامه طلع لوون الموتر اسود
يابن الحلال عدل بدل يمكن غلطان في الرقم 
قال لاغلطان ولا شي الموتر مغير لونه من اسود الى بحري
قلت حسبي الله ونعم الوكيل 
طبعا رش النسافة بعد ماخذ نص ساعه عشان يطابق اللون
هنا انا كرهت الموتر
بعدها باسبوع قابلني واحد من الزملاء
وحكيتلة الي حصل قالي وشرايك تاخذ رقم الهيكل
واعطيك رقم واحد يعطيك تقرير كامل اوتوشيك

اتصلت على الرجال واعطيته رقم الهيكل
وخلال ساعه ارسلي جميع المعلومات
طلع لونها في امريكا اسود 
والطامه الثانية طلعت فئة LE نص فل
يعني الفلسطيني ابو الشباب 
مرهمها من فئة LE الى XLE
ومغير لونها من اسود الى بحري عشان البحري مرغوب
المهم ماكان معي الا اقول حسبي الله عليهم دنيا واخرة
كرهت الموتر وقلت ببيعه 

رحت جدة وحصلت كامري جمرك امريكي سبورت 2007
وقلت ببدل كلمت المعرض قالي يروح موترك ب30
قلت سلامات يابو وش الي ب30
قال موترك مرشوش ومن البيوك نصابين
قلت بالله يعني معروفين البيوك بالنصب

مشيت من عنده وحصلت واحد شايب يبيها لولدة يدرس في الحامعه
واعطيته السالفه من الى وان الون مغير
قال مايهمني اللون اهم شي مافية سمكرة
وفحص واعطاني 38 الف وبعته 
فاحذروا ياشباب من نصب الصالات 
وانا على وقتها لو كنت ادري عن تقرير الاتوشيك
ان كان ماحصل الي حصل 

وصالة البيوك ماعندهم لاذمه ولا ضمير
اهم شي يصرف البيعه ويمشيها
بس يالله الدنيا درووس وتجارب 
والحمدلله على كل حال

هاذا الي حصل معي وحبيت انبهكم واحذركم واعطيكم تجربتي
واحذروا بالذات من صالة البيوك وصالة سماهر كلها جنب بعض
وصالة الؤلؤة بس قفلوها الؤلؤة 

ووهاذي صورة الموتر محتفظ فيها من عام 2012
ومصورها على بحر شرما تبوووك
وشوفوا الرشة ماتفرق عن رشة الوكالة
وما ادري كيف الفحص ماكتشفها مادري هل هو يعرفة
ولا شغلة تعباان 
تحيااتي للجميع 
اخوكم  / الرفاعي33

إبلاغ

الردود