يعني بالله وش تحس فيه يالأخو و أنت تقطع إشارة أو تفحط

68 24

لايمكنك التصويت حتى الحصول على 20 نقطة على الأقل
إضغط هنا للإخفاء

أنيق 17573
قبل 12 سنه و 3 شهر

شباب بدون مقدمات
الظاهر سمعتم عن الشباب الي بالطايف الي يصدمون ويطاردون رجل الأمن ويعتدون عليه
وش رايكم فيهم ؟
يعنني تجمعات وتفحيط وهياط ،،تسمع صوت الواحد منهم تقل بالع فنجال قهوة من قوة الهياط الي ببطنه وهو عمره 15 وراكب ربع 120 ألف وأنا أتمنى سياره أروح فيها المسجد تحميني من الشمس والحر واأنت تأذي الناس ووصلت أنه يعتدي على رجل الأمن ! المشكله مو بعد رجل أمن ! المشكله أنه أكبر منه في مقام أبوه شاااايب ، ورجل أمن بعد ! يعني ماتحسون أنها قلت أدب ؟
يعني هذا رد الجميل لرجل الأمن ؟ يسهر عشان يحميك ، وتارك أهله وزوجته الغاليه على قلبه ويلفلف في الشارع بالدوريه يوم كامل عشانك ! وتارك أطفاله في البيت وتارك النووم ! وأنت تروح وتأذيه ؟ يعني وش رايكم بالله
وفي رجال أمن توه متزوج في شهر العسل ومستلم في الدوام وتارك القمر لحالها وهو توه متزوج عشان يحمي بيتك وسيارتك وأهلك ! بقولكم قصه ، مره صليت الفجر وجيت طالع من المسجد وأشوف دوريه واقفه أناظر فيها إلا فيها العسكري جالس ونايم ويشخر مسكين الظاهر له يوم كامل مواصل صراحة نزلت دموعي لأنه سهران عشان يحمينا ،، بقول لكم شي
أنا شاب ، ومع ذلك لو شفت رجل مرور أو شرطي ووقفني والله ثم والله أني أبوس راسه حتى لو كان جندي ،،أحتراما له لأنه أكبر مني وأنه رجل أمن حتى عيوني تستحي أنها تناظر فيه ، وهذا الي دايما أسويه ،،
لو أنت رجل أمن هل ترضى أحد يهينك ؟ إذا كان الجواب لا
قال الرسول صلى الله عليه وسلم (لايؤمن أحدكم حتى يحب لأخيه مايحب لنفسه)
أنا أتمنى الجمييع يحترمني ،، والناس تتمنى أني أحترمها ،،أجل الإحترام متبادل
ماودي أطول عليكم
تحياتي لكم
&أنيق

إبلاغ

الردود