بالصور للفائدة تغيير زيت القير حياكم

33 2

لايمكنك التصويت حتى الحصول على 20 نقطة على الأقل
إضغط هنا للإخفاء

الرفاعي33 13917
قبل 8 سنه و 7 شهر

السلام عليكم ورحمة الله وبركاته


اسعد الله اوقاتكم بكل خير 
مانطول عليكم ندخل في الموضوع مباشرة
موضوعي اليوم عن تغيير زيت قير الكامري الامريكي 2009 6سلندر فل الفل فئة XLE نفس قير الافالون والاوريون والكزس ES350
المهم طالت عماركم انا دائما متعامل مع صاحب لي ميكانيكي في جدة ودائما اذا مشيت على الزيت 60 الف اغيرة
المرة هاذي خليته الى 72 الف وغيارات الموتر فيها ثقل
قلت مايبيلها ضروري وباسرع وقت اغير فلتر وزيت قير
من اسبوع وانا ودي اروح جدة اغير الزيت
وكل ماتذكرت ساهر واجواء جدة اهون
امس وانا اتمشى في موقع حراج
بالصدفة حصلت اعلان ويقول الاعلان
تم افتتاح ورشة ميكانيكا في بلجرشي وبمناسبة الافتتاح خصم 50%
على شغل اليد 
قلت والله فرصة قريبة بلجرشي كلها 60 كيلو
وتمشية 
المهم تم الاتصال على المهندس الرائع الكابتن الي مايدري وين الله حاطه 
وتم الاتفاق ب110 ريال وقلت مو مشكلة 
الصراحه سعرة مغري وقلت يالله اذا يتعلم
ماعلي منه قدلي اعرف الطريقة من الالف الى الياء
ولو عندي عدة وحفرة في البيت ماجيته لاهو ولا الي في جدة
المهم رحت قطع غيار تويوتا المعجب معروف في الباحه
واخذت القطع التالية
علبة زيت قير الفضي اصلي/115 ريال

فلتر قير اصلي /170 ريال

غراء تويوتا الاصلي/120ريال

وجه كارتير اصلي/35 ريال

المجموع مع شغل اليد 550 ريال

توجهنا الى المعلم المهندس محمد عباس 
سلمنا علية ورحب فينا 

نزل تحت الموتر ومسوي انه الفاهم وانه كان في شركة هونداي وانتقل الى شركة تويوتا هههههههههه
المهم واشوفه يطالع في كارتير المكينه
قلت حبيبي كارتير القير على يسارك سلامات تتعلم
ضحك وقال عاااارف يازووووول ااااااااي
قلت يالله شوف شغلك يالذيب الامعط
فك الكارتير واشتغل وورجلي على رجلة
يروح يمين اروح معه يمين يروح يسار معه يسار
المهم بعد مافكينا صرة الزيت الي تحت وطلع 2 لتر زيت
فكينا 18 مسمار حقت الكارتير
الاواحد صعب فكه مكانه شين بين الشاصية والقير
بتشوفونه في الصور
والمهندس محمد اطلق على هاذا المسمار لقب المسمار (الصعب)
المهم يمين يسار المشكلة المفتاح ماله مكان عشان ياخذ مجال
قال مافية الا حل نرفع القير بعفريته 
ونقص المفتاح في المخرطه قلت تم تعلم يااباشة 
واخيرا نجحت الخطه وتم فكه 
وطلعنا الزيت الباقي وصراحه محروووق وانصحكم 
هاذا وهو ماشي 70 الف
وش عاد لو ماشي 150 الف ولا 200 الف كيف بيصير
نصيييحه
ياصحاب الاوريون والافالون والكزس الزيت لايتعدى 70 الف
بعدها نضفنا الكارتير وتم ازالة الغرا السابق
وتم تركيب الوجه وطبقة من فوق الوجه غرا طبقة بسيطه جدا
ركبنا الفلتر ولا تنسون جلدة الفلتر القديم تركب في حلق الفلتر تاخذها من القديم وتركبها في الجديد
بعدها ركبنا الكارتير وفكينا الصرة العلوية
وتم تعبئة الزيت ومقدارة 4 لتر تماما
بعد ماتخلص كل شي
تشغل الموتر وتعشق وانت واقف كل نمرة تخلية 5 ثواني
من الاعلى الى الاسفل كرر العملية 3 مرات
بعدها ترجع القير على العادي 
وترجعه من 4 الى 3 الى 2 الى 1
بعدها من 1 الى 2 الى 3 الى 4 الى 5 الى 6
بعدها تاخذ لفة لمسافة 5 كيلو من سرعة 60 الى 120
بعدها توقف وتريوس 
بعدها ترجع عند الميكانيكي وتشوف فية تهريب 
مافية تتوكل على الله 
من الساعه 11 وانا عنده ولا خلصت الا 2 
والامور طيبة الى الان والثقل الي في التغييرات راح
صارت خفيفة جدا 
والحمدلله وعلى الله مايهرب
والصراحه مغامرة مع المهندس محمد لان كل شي يهون الا القير ماينلعب معه
هاذا مالدي  اليوم
اليكم الصور ربي يسعدكم
امل من الله ان يحوز على اعجابكم التقرير
اخوكم //الرفاعي33

إبلاغ

الردود