صرفية الاف جي

لا تتعدى 130 ولا يصرف
166 لتر من الرياض إلى مكة بدون توقف

فيه فرق بين الفل 
لان التوانكي تجي احجام 
فيه القير عادي فيه تانكين 
والقياسي الاوتو تانكي صغير
هي حسب الوكيل 
وصرفيته زي اي جيب عاليه 
قطعه متوفره ومنتشره 
ومتوسطه 
اصلا جيب كفو بس اعرف ان سعر الثلاجه حقته 1000 ريال 

السيارة صرفيتها عاليه 

انا معي اف جي
الصرفيه على حسب بعض الامور
١-استخدم لزوجه خفيفه تقل الصرفيه عندك انا احط ايسي ديلكو ديكسوس٥/٣٠
٢- اذا فيه هواء واصطدام يصير فيه مقاومه ويصرف بنزين
٣- السرعه الزائده يشرب بنزين واي سيارة مو بس الاف جي
لان فيزيائياً بعد ١٢٠ تزيد مقاومه السياره للهواء وتصبح الضعف
٤- افلله ٩٠ ريال وتولع. اللمبه بعد ١٣٠٠ كيلو على حسب الممشي طبعاً
٥- وزنيه هواء الكفرات اهتم فيها لان لها علاقه

واي استفسار انا حاظر

كم يعني يكفيك البنزين يوم 
وكم ممكن تعبيه في الشهر 300 ريال 
لانهم يقولون السييرا موفر للوقود اكثر منهم 
وسعر الأقمشة حقته كم الفرامل 

فيه واحد من الجماعه اشترى اف جي
ولا اعجبه يقول يصرف بنزين كثير باعه واشترى فورشنر 6 سلندر 
يقول ممتاز مايصرف بنزين مثل الاف جي

حسب الموديل موديلات2013 الدفعه الاولى وتحب تجيك تانكي 75لتر والتانكين يجيك 160لتر انت شوف الفرق الاول تقريبا يمشيك400كيلو الثاني 1000 الاف جي ترا ما يصرف بس تانكيه صغير اذا راعي سفر يمكن يرتفع ضغطك شوي بس ي رجل عندنا البنزين ارخص من المويه احمد ربك والمفروض ما تشيل همها هذاك زمان يوم نشيل هم المحطات الحين الحمدلله المحطات صايره بكل مكان وجيب معك جركل بنزين اذا متعقد او فك تانكي الوكاله وركب حق برادو ب900ريال يمشيك 600كيلو وسلام عليكم

الاقمشه شوي غاليه قبل يومين غيرتها كلها ب633 لا تاخذ تجاري سعر التجاري فيه ب165 وفيه ب500 وفيه 300 انواع واجد خذ الي ب600 يعيش  بس الاف جي صراحه والله فرامله خياس ما تمسك انا حسبت انها من الاقمشه غيرتها كلها ووكاله ونفس الفرامل وقوتها الله يعين الي يعرف حل كويس للفرامل اذا واحد فرمل قدامي انظطق الشهاده وافرمل وخوفي دايم اشيل هم الي وراي بيصفق بالاستبنه وقلق واعوضه وبلشه والله المستعان

قطع الغيار والله جدا رخيصه اقدر اسميها اخوياي معهم اكوردات وتشارجرات وواحد النترا والله قطعي ارخص من الالنترا صدامي ب680تقريبا وكاله بكامل اركانه وقطعه والالنترا ب1100  شمعات الاف جي 300 والاصطبات 240 والكبتوت 1300 تقريبا بس معليك ما يجيه شي لا قدر الله لانه مرتفع الكفرات اسعارها ب480الى تقريبا520 اتكلم عن اصلي القطع اقدر اسميها رخيصه صراحه مره ومتوفره اشكال والوان