أضف سؤال أو موضوع جديد          

ولد خالي صدم سيارة و هرب ايش الحل

up 2 down 1
badralbarbi 101
قبل 6 سنه و 8 شهر



السلام عليكم و رحمة الله و بركاته

يا اخواني ولد خالي سيارتة ٢٠١٥ و مسجلة بأسمي امس صدم له سيارة و الشخص الثاني كبير في السن نزل و ضرب ولد خالي
المهم و يتجمعون الناس فكوا ولد خالي من الرجال و قالوا له امشي هو الله يهديه مشى مع انه معه الاستمارة و الرخصه و التأمين 
راح للمرور قالوا له لسى ما وصل لنا بلاغ اخذوا صورة رخصته و رقم جواله قالوا له اذت احد بلغ بنكلمك
المهم ان الرجال اللي صدمه ما نعرفه بس اتوقع انه من جيرانهم و باين انه راعي مشاكل 

كيف اعرف انه بلغ المرور ؟؟ و كيف نبري ذمتنا منه ؟؟ انا خايف يسوون لي ايقاف خدمات و انا عندي سفر بعد الحج !!  ايش الحل ؟؟
و اللي يعرف احد في مرور جدة يفزع لنا الولد خايف من التوقيف و المشاكل و هو يقول لو ما نزل و ضربني ما كان مشيت لان اوراقه سليمة لكن الشكوى لله
انا اللي السيارة بأسمي هل علي مشاكل ؟؟ و الله نبغى نحلها يعلم الله







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


بسيطه ان شاء ونا اخوك دامكم رحتو للمرور ووضحتو الى صار واخد معلوماتكم مبيصير شي لاانو هروبو بسبب دفاعه عن نفسه ومو صاير الا كل خير باادن لله


up 7 down 0
أبونواف00 803
قبل 6 سنه و 8 شهر



اكيد يخوي السالفه كلها بتطيح براسك دام السياره باسمك 
ومن ناحية البلاغ ارجع بكره للمرور وشوف اذا على السياره بلاغ ولا لا


up 1 down 7
mohaammad 166
قبل 6 سنه و 8 شهر



بالعكس لو بلغ القضية راح تنقلب ضدة

نظام الدولة عندنا لو صدمت أحد حتى لو الغلط عليك 100%

و الطرف الثاني ضربك او تهجم عليك يسقط حقه كاملا

و تقدر انت اللي تطالبه

و الهروب له مبرر ما هرب عبث لا تخاف ما بيلحقكم شيء 


up 12 down 0
مباديء رجوله 59
قبل 6 سنه و 8 شهر



حسبي الله على كل ضاالم مااتؤصل للضرب بدوؤن سبب...هذا لازم ينال جزاه ويااخذ عقااب قوي...


up 2 down 0
شليويح الرشيدي 59
قبل 6 سنه و 8 شهر



ضرب ولد خالك يعني ما له أي حق و إن زودها أدعسوه بالنعال 


up 7 down 1
legaacy -315
قبل 6 سنه و 8 شهر



دامه ضرب ولد خالك يحق لك انك تطلب منه تعويض، ويصلح سيارتك بعد
ولازم يتعاقب على مدة يده


up 5 down 0
tareq_talli1 1539
قبل 6 سنه و 8 شهر



السلام عليكم ورحمة الله وبركاته 

اخوي الكريم عندي  لك واحد شغال في مرور جده 
كلمني واتس اب ومايكون خاطر الا طيب 

0540227780 
0570020244


up 4 down 0
ابواحمد.2007 2086
قبل 6 سنه و 8 شهر



ياخي الشيبان مشكله تستحي منهم واذا مد يدو ما يمديك تمد يدك احتراما له 

اذا بلغ لا تسكتولو لان الغلط عليه انو مد يده 
وان شاء خير 


up 1 down 0
loody_23 363
قبل 6 سنه و 8 شهر



بارك الله فيك اخ احمد ال الشيخ ويجعلها بميزان حسناتك


up 1 down 0
acoordian2005 358
قبل 6 سنه و 8 شهر



اما ضربه هههههههه وش هالعالم ذي صايره اخلاقها سياحيه



up 1 down 0
mutairi305 195
قبل 6 سنه و 8 شهر



اذا جاكم اتصال من المرور واتضح ان الشايب بلغ عليكم، روحو أقرب مركز شرطة وقدمو بلاغ عليه بسبب الضرب
 وأنه اعتدى على ولد خالك، إذا الشايب يبغى حقه لازم ولد خالك ياخد حقه، مهي فوضى ولا أحنا عايشين بغابة


up 2 down 0
hamato-07 79
قبل 6 سنه و 8 شهر



أصلا لو بلغ المرور المرور ماراح يسوي شي قبل صارت معي صدمني واحد وهرب وبلغت وحتى الان ماسووا شي قبل ٦ أشهر 


up 0 down 0
majid2009
قبل 6 سنه و 8 شهر