سؤال عن الاقساط

سمعت بإذاعة الراديو مره 

أظن وزارة التجارة منعت منعاً باتأً سحب السيارة من العميل .... لأن تصير حالات كثيرة من ناحية سحب السيارة

منها تكون بالسيارة أدوية لمريض أو أغراض خاصة .. 

واللي صاير الآن ( ما سدد العميل؟ يحولون الموضوع للمرور ) وثمن المرور يسحب السيارة ,, والله أعلم

اتوقع الحين لو ما سددت يعممون ع السياره 
واول نقطه تفتيش يشوفون بالجهاز ولو عليها تعميم على طول ع سطحه 
لان اكثر من مره يوقفوني ويشيكون بالجهاز وامشي بعدها 
ومره عسكري قبل ما يشوف بالجهاز سألني انت مسدد او لا 
لان شكله ما وده يقروشني وبنفس الوقت يبي يبين للعمل انه مجتهد ويؤدي عمله

يالحبيب كلام فاضي
وتبي تتاكد اسئل اي موظف مبيعات عن هالشي
بيقولك العقد مكتوب فيه حالة عدم السداد لفتره معينه يحق للشركة سحب سيارتها دون سابق انذار وتخلي مسؤوليتها من فقدان اي مستلزمات داخلها

بعدين هذا حق من حقوق الشركة 
هي تعطيك سيارة واخرتها تسحب عليهم فالاقساط 
انت لو صاحب شركة تقسيط ماترضاها على نفسك   
انا ملاحظ الناس اخذتها حلى 
تاخذ سيارة ولاتسدد ولا تبي ترجع السياره وتزعل اذا سحبوا السيارة 

يالحبيب مره كلمني موظف في البنك قلي ما يسحبون السياره ابدا ولو سحبوها تقدر ترفع عليهم قضيه 

لكن العكس اذا ما سددت لهم كم شهر حيرفعو عليك قضيه 

طبعا هذا على كلام موظف بنك الاهلي والله اعلم 

وعن نفسي قدني سحبت عليهم شهر وبصراحه كنت منزنق لكن الحمدلله ربي افرجها والشهر الي بعدو سددت قسطين