أضف سؤال أو موضوع جديد          

هايلكوس X الساير X ولا X عبداللطيف جميل X الفرق موديل 2016

up 20 down 9
شاي الغزالين 659
قبل 6 سنه و 3 شهر



السلام عليكم ورحمه الله وبركاته

كيف حالكم جميعنا ان شاءالله بصحه وعافيه يارب=
==


ندخل في صلب الموضوع

الفرق في هايلكسس 

وارد الساير و عبدالطيف جميل بين قوسين { ابو جمول }




الصور تحكي الواقع الاليم 

الى الان ابو جمول يمشي على خباثته وسرقته وتشليح السياره من الى 
وغير كذا القطع صينيه الى ب سياراته حسبي الله ونعم الوكيل

انظرو الفرق بين 
الوكلين


عزالله الى مايشتري خليجي 
خسرانن
تجي شد بلد من المصنع محد يلعب فيها


اليكم الصورر

مع تحيات اخوكم : GM










إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


تبي الصدق حلاة الهايلكس فرامله يكون فوق عند الجناح عند الصندوق طالع شكله غبي ... وحتى الان ما بين معنا وش فاك عبد اللطيف وش حط يمكن انت جايب شي ستاندر وشي فل ... عشان كذا خلونا نصبر ونشوف وش الفروقات 


up 12 down 21
رابح 337 105
قبل 6 سنه و 3 شهر



شركة عبداللطيف جميل
مع اني اكرهها واكره سيارتها وطريقة تسويقها
الا انك لازم تعترف بانهم خابزين الشعب السعودي ومسوين عليه دراسات بالهبل

انت الحين تشوف مكيف لمس وكاميرا خلفيه ولمبه فرامل مشيوله
عقلية شعبك هنا ما يشوفها نقص لا يشوفها ميزه
مكيف فرار يعني ما يخرب
مافي لمبه فرامل خلفيه يعني ما يحتاج اغيرها
مافي كاميرا خلفيه علشان ما يفكونها الورعان بالحاره

وتلقاه باسط عند مدخل الوكاله قبل يفتحون بنص ساعه معاه تعريف الراتب اللي توه شهرين ما تهنى فيه كامل


الله المستعان


up 54 down 3
als7aimy 1176
قبل 6 سنه و 3 شهر



كي ال اكس ماهي استاندر

لكن اللي اعرفه في سوبر جي ال اكس وفيه جي ال اكس

عموما ابو جمول ليته يشلح قطع او ياخذها ستاندر ويقلبها فل بس يعطينا سعر اقل من الخليجي او نفس سعر الخليجي 


مهو مشلحه وتفرق عن الخليجي 20 الف زياده


up 5 down 1
ألو مرحبا 1895
قبل 6 سنه و 3 شهر



اخوي وابح ٣٣٧

شوف الفديو هاذا 
https://www.youtube.com/watch?v=viLAwVo393A

فيه هايلكسات عبداللطيف جيمل 

ب جميع انواعها 
دبل و بدون دبل و استندر و فل 



كلها مافيها من مواصفات الخليجي 
الشاشه و الكمره والمكيف والفرامل 
وباقي الاشياء

وشكرا


up 3 down 2
شاي الغزالين 659
قبل 6 سنه و 3 شهر



اخوي وابح ٣٣٧

شوف الفديو هاذا 
https://www.youtube.com/watch?v=viLAwVo393A

فيه هايلكسات عبداللطيف جيمل 

ب جميع انواعها 
دبل و بدون دبل و استندر و فل 



كلها مافيها من مواصفات الخليجي 
الشاشه و الكمره والمكيف والفرامل 
وباقي الاشياء

وشكرا


up 2 down 1
شاي الغزالين 659
قبل 6 سنه و 3 شهر



طيب شباب اقدر اخذ ايجار تمليك فل كامل وارد الفطيم او الساير ؟!!

او بحريني او اي وارد غير ابو لطفي ؟!!


up 1 down 1
coco13 893
قبل 6 سنه و 3 شهر



الصراحه الخليجي افضل بكثيير مواصفات وكل شيء
التخشيبه حقت عبداللطيف جميل نفس اللي بالغرابي مخربه منظر الموتر 


up 3 down 1
ريان بن عبدالعزيز. 12
قبل 6 سنه و 3 شهر



قطع GM
انا أشوف انك تارك الجي ام .. ومركز مع تويوتا
أنشغل ب الـ GM حقك أبرك لك
شف الاوبترا اللي ما هو معروف أصلها من فصلها
ولاتهون الافيو والابيكاا كلها من شركه دايو


up 2 down 23
تمثال جرحك -44
قبل 6 سنه و 3 شهر



وكالة عبد اللطيف مايشلحون هم يطلبوها ناقصة ويكمل النقص بقطع صيني والدليل شوف الباب الخلفي مافيه كاميرا ولا اسطب فرامل. لو يشلحه كان لقيت محله فتحة علما انها ( جي ال اكس ومية في المية حروف GLX هو ملزقها مش شد البلد ) ووارد الساير شكلها ستاندرد ومواصفاتها افضل.


up 5 down 1
iadnuyh 842
قبل 6 سنه و 3 شهر



مع ابووووووووو جمييييييل مافيششششش مستحييييييل


up 6 down 1
لينكولن 2011 440
قبل 6 سنه و 3 شهر



شكله قبيح غير كذا مشلح من كلة شي 
اجل وش الي صار فيه 
ما يستاهل لا سعر ولا شكل 



up 2 down 3
توسان 2011 1930
قبل 6 سنه و 3 شهر



يا رجال الشعب السعودي يدري انه ملعوب عليه بس هي قناعة وحطوها في روسهم ان تويوتا ما تخرب 

وحطوها وجاهه يعني بالعربي اللي معه تويوتا يعني معه موتر كفو وغيره كلها سياكل 

وبصراحة يستاهلون الشعب لو انا بدالة بغير المكاين وبحط مكاين صينية عشان ما تكلفني واجد 

وبحط كفرات صينيه ليه احط بيرجستون 

هم كذا والا كذا شارين ليه الخساير هههههههههههههه والله شيء ينرفز ومستفز 

أهل العقول في راحة 

إنتظروا هيونداي بيك أب راح يكسر السوق وبسعر منافس وأقوى من سيارات ابو جميل 

ما ادري متى راح يتغير تفكير شعبنا ونتطور ونحسب حساب اي خطوة لشراء سيارة عشان الوكلاء تحترمنا وتحترم ذوقنا 

مو يحطوا لنا اي شيء ونشتريه 

ما راح تتغير سياسة عبد اللطيف جميل وغيره من النصابين الا لما الشعب يغير من نفسه ويفهم ويفقه وش قاعد يصير !!!




up 6 down 6
camry grandi 99 7274
قبل 6 سنه و 3 شهر



كويس انه ما شلح الدركسون بكبره !!
وكويس انه جابها بـ ABS وايرباقات !!

تذكرون الموديل السابق مشلح الدركسون وجايب دركسون ثلاثي شكله يجيب المرض !!


ستستمر هايولكس الأولى في المبيعات على السعودية دام ما فيه منافس قوي ! 
مازدا وانيتاتهم شكلها غير جميل عكس السيدان ، هيونداي الأمل فيهم يطلعون شيء منافس ، فورد رينجر البعض يشكي من عيوب مصنعية
الددسن شكلها قديم جداً وما تغير من سنين طويلة ! رغم انها الافضل سعراً ! ولا ننسى النافارا ممتازة جداًَ ويجي منها اوتوماتيك ..

نحتاج إلى زيادة الوعي ، ويكون عندنا حس المقارنة والبحث عن المواصفات أو الانسب لنا ..


كثير من الناس أول ما يتقاعد طق له بهايلوكس بدون أي مشاورة وعلى مضض !!


up 2 down 1
hyper knuckles 728
قبل 6 سنه و 3 شهر



الله يلعن ذا الشركه

حراميه في كل شي

يارجال حراميه في البيع وحراميه في الصيانه وعيال كلب في التعامل

يكلمك الموظف كأنك اخذ سيارته مو كانها سيارتك



وكمان الوكيل مطنش الناس ولا همه الا الفلوس 


وكمان فيه شعب عندنا يجيب لك الضغط

يجونه مطفين الانوار ويشترون كانهم معهم مس من الجن



والله احيانا اشوف اعلانات تنازل لسيارات تويوتا 

القسط عالي 
والدفعه الاولى والاخيره عاليه

والاجمالي شي يكسر الظهر


والمصيبه الادهى والاطم انه السياره مشلحه حتى مواصفات ما فيها




وعندنا شعب مغفل يطلع السياره وبعد شهرين ولا 6 شهور جاك مدحدر يبغى يتنازل لان القسط اعماه





والله احترنا المشكله في الوكيل والشركه ولا في الدلوخ اللي يشترون


up 1 down 1
حكيم المعاني 10320
قبل 6 سنه و 3 شهر



اغلب او نسبه كبيرة تنحد على ابو جمول علشان التقسيط
نسبه منهم عليه التزامات ماليه وفي سمه في الاخير تلقاه
في حضن ابو جمول لاتلومونهم


up 1 down 1
مراقب 111 61
قبل 6 سنه و 3 شهر



يالبى ابوجمول وتشليحه وغشه ورفع اسعاره هههه
صحيح حقت ابوجميل ماتستاهل مافيها الا ميزتين بس السجادة والتخشيبة صناعة سعودي
والمشكلة رغم تشليحه الا انه هليكس اكثر سيارة مبيعا في السعودية اكثر سيارة مشلحه اهي الاكثر مبيعا هذا ذكاء او غباء
والعالم تدري انها مشلحه وتشتري الله يهديك يا ابوجميل وتصير رجال وتخاف الله وماتنهب العالم


up 0 down 0
mohammed1368 155
قبل 6 سنه و 3 شهر



لسان حاله يقول
لاتجارة تحاسبني 
ولا شعب يقاطعني
والامور من قديم ماشيه تمام التمام
مبيعاتي تزيد
ارباحي تزيد
عقاراتي واستثماراتي تزيد
واعرف الشعب وش يريد
ليه أغير طريقي بشين جديد

اقول ارقدوا ارقدوا يمدحون النوم ويقولوا مفيد

و لاتسمعوا من قال عني جبارن عتلن عنيد

نومسية كحلي عملائي الأعزاء 







up 0 down 0
بو- ياسر 137
قبل 6 سنه و 3 شهر



عبداللطيف جميل : احمد ربك سيارتك فيها كفرات وتمشي !!



وتبي الصراحه ؟
الكميرا الخلفيه مكانها مو راكب ابد اشوا انها ماهي موجوده


up 0 down 0
aazz1989 -22
قبل 6 سنه و 3 شهر



نحتاج 5 سنوات على الاقل حتى تدخل الشركات الاجنبيه وبعدها تجينا كاملة المواصفات واقل سعر ان شاءالله اهم شي يسقط الاحتكار للوكلاء بسعوديه 


up 0 down 0
وهم الشرقيه -35
قبل 5 سنه و 11 شهر