ماهو أفضل الارويون

والله انا زيك سمعت من ناس واجدين انه فيه عيب مصنعي بالقير بس صاحبي كانت معه واحده 2011 قعدت معه سنه ولا اشتكى منها 

حياك الله يابعدي ومرحبا بك في منتدى حراج بين اخوانك
لاتشيل هم يابعدي من ناحية القير ولا راح يخبط الا من سوء استعمال
انت رجال ماتعطيه دعسات امورك طيبة
انت رجال بتحافظ على الموتر وتهتم في صيانته امورك طيبة
انت رجال بتغير زيت القير والفلتر ووجه كارتير كل 80 الف امورك طيبة
لااتصدق الي يقول يخبط القير
بيخبط اذا خليت الزيت 200 الف وتغيرة وتمحطه دعساات 
السعر طيب جدا والممشى ممتاز
اسئل راعية متى اخر مرة غير زيت القير
اذا ماغيرة 
روحلك ميكانيكي واشتر زيت قير اوريون الجديد علبته رمادي
وفلتر ووجه كارتير وغيرة وبعدها وانت واقف في الورشة
مرر القير على جميع الغيارات من فوق الى اسفل كررها 3 مرات 4
بعدها توكل على الله وبالهداوة الى 100 كيلو
وخلال 100 كيلو لاتعديها 140 خلك من 80 الى 140 بدون دعسات ومغط
واحسب حسابك كل 80 الف غير زيت القير
اضملك توصل 400 الف وزيادة والقير 10 على 10

كانت عندي 2007 فل كامل لون بحري 

للاسف جلست معاي سنتين ونصف 

وانا رايح للرياض ومثبت السرعه عل 180 فجئة السياره الاربي ام ارتفع 
والسيارت صارت تهدي الين ماوقفتها وعرفت وقتها انه القير ودع 
لاني كنت احطه ب R و D   العصا تتحرك بس السياره ماتمشي 

ووضبت القير ب 5 الالف ريال وبعتها ب 40 على ايامها 

نصيحه ابتعد عنها وشوف لك احسن منها 

تحياتي 

للعلم كنت منتضم بتغير الزيوت كل 3 الالف زيت الماكينه 

والقير كل 15 الف كنت اغيره 

وسبب تخبيط القير بان المكينه اقوى من القير 

فيه حركه للقير تغير قطعه ماتكلف 50 ريال ويزبط بس نسيت المنتدى اللي كان فيه الموضوع وبكذا تضمن قير يعيش معك مده اطول

الاخ الرفاعي
قيور الأوريون توافيق وليست كل قيور الأوريون تخبط بسبب الاستخدام السيء
فيه موضوع موثق من صاحبه في منتدى تويوتا ومنتدى السيارات عن مشكلة تخبيط قير الاوريون وهي ماشية فوق المئة الف 
بقليل ومنتظم بصيانة الوكالة
الواضح ان نسبة ليست بالبسيطة من قيور الاوريون بها عيوب مصنعية

اخوي احمد يعني خبط عندك بيخبط عند الناس كلهم
لعلمك قير الاوريون والافالون والكامري الامريكي 6 سلندر والكزس ES350
واحد واتحدى اي واحد يقول قير هاذي يختلف عن هاذي
موتري ماشي علية الحين بالميل 142 الف يطلع بالكيلو حول 210 الف
وموتري الاول ماشي 250 الف كيلو راح تشليح حادث
وولد عمي معه اوريون 2008 ماشي 310 الف كيلو
ليش ماخبطت صدقني ماتخبط الا من سوء استخدام وعدم المواضبه على تغيير الزيت كل 80 الف

شكراً لكل من شاركني بآرائه 
وبشوف الرجال عصر الخميس الله يكتب مافيه الخير 

مثل ماقالو الاخوان ولا ازيد عليهم بشي غير صل الاستخارة والله يكتب اللي فيه الخير

الله يوفقك ويرزقك ان كان نويت واشتريت لاتروح لواحد شغلة ماش
ترى زيت القير له وزنية بعضهم مايوزنه صح يايخلية زايد او ناقص وهاذا بعد سبب لتخبيط القير
فية واحد في تركي في الورش الي عند معارض جدة متعامل معه من سنتين يوزنه بالملي
لو بغيت رقمه في اي وقت عطني خبر 

الله يكتب مافية الخير لي ولكم اجمعين راح اتكل على الله

راح أتواصل معك يالرفاعي عن قريب باْذن الله 

سلام عليكم ورحمة الله وبركاته 

ممكن تدعموني بالنقاط ابي اقيم المواضيع والردود المفيده

لايك لعيونك واتمنى ان تستفيد معنا في المنتدى الجميل 

باذن الله نفيد ونستفيد

و عليك السلام و رحمة الله و بركاته
دامك عربنت انتهى الأمر

اذا قير الاوريون يخبط من سوء الاستعمال 
فأنت ماتعرف اللي قبلك كيف كان يستخدمه

اهم ششيء الاستخاره 
انا كنت بشري مازدا 6 ماشبة 35 الف يبغى فيها 40 الف
وقالي مافيها شيء غير حكه بالرفرف بس استخرت ورحت وخالاني اسوق 
انا ركبت السيارة وسقتها شفتها تمام بس فيه حذفه خفيييفه فالدركسون
كنت ماراح افحصها .. والحمدلله فحصتها وطلعت مصدومة والرجال طلع مغير الواجهه كاملة من صدام وشمات إلخ 
والشاصية ملحوم معناه وصل الشاصية ووصل لزيت القير وممكن يهرب بعد فتره والايرباق طلع والرجال فاصل السلك عشان مايبان
ان الايرباق طالع 
والحمدلله كنسلتها 
اهم شيء استخير وافحص انا فحصت بـ 200 ريال ولا اني اشتريها واصلح فيها ب 5000 ريال .

ترى اليابانين مهب منزهين من الخطأ يمكن فيه دفعات من الاوريون فيها عيب مصنعي في قيورها


يعني بصراحة ناس واجد اشتكت من تخبيط قير الاوريون ومهب معقولة كل ذولي مايعرفون يستخدمون وانا ذكرت لي سالفة واحد منتظم في تغيير الزيت وعند الوكالة وطق قيره والموتر ماكمل 100 الف


فا مهوب معقولة كل ذولي مخطين ولا يعرفون يستخدمون وحتى لو انهم نقول ما اهتموا في تغيير زيت القير في وقته وتأخر كم الف او نقص شوي ما توصل انه يخبط بهالسرعة ترى قير ذا مهب جلبة ولا ربل بتخرب بهالسرعة ، ياحبيبي حقين اللكزس والافلون يمجرون ذا القير ويخلون زيته يسود ويغيرونه مايجيها شي وش معنى الاوريون اللي حتى ربعها وهم محافظين تخبط قيورهم ولاهوب كل ملاكها مراهقين نقول تدعيس وبعدين دعسة ولا دعستين تخبط بقيري ماتدخل المخ ، فيه ناس يمجرون مواترهم الظهر ودرجة الحراة 50 ولا يحافظون ماطقت قيورهم



انا اعتقد ان فيها عيب يا مبرد قير او مدري وش طاعونها بس مستحيل كل هذولي ما يعرفون يستخدمون



عموما ياصاحب الموضوع افحص الموتر وكانه نظيف وصفطه توكل على الله بس اهم شي اسأل عن زيت القير هو مغيره ولا لا من شد بلاده وثانيا اسحب العيار شف الزيت محترق وفيه ريحة الكلتشات ابعد كذا بكره تاخذها وتغير زيت وتنهبل



بالتوفيق