أضف سؤال أو موضوع جديد          

تجربتي مع حقين الورش والسمكره

up 24 down 4



سلام عليكم ورحمة الله وبركاته
حبيت اشارك معاكم تجربه حسيت فيها انو احنا شعب ينضحك عليه بسرعه والا وهو انه قدر الله وحصلي حادث بسيط ومن الخلف والمخطئ مجرد ما نزل من السياره اعترف انه غلطان وقال الي تبغاه ابشر وحاضر ودام سيارتين فيها تامين طلبنا نجم وجاء وخلص وكل شي وروحت لورش التقدير عشان اطالب بحقي وزبطت الوضع بسرعه بسرعه لاني من النوع الموسوس وما احب السياره تكون بمنظر زي كداا مصدومه وشنطه مفتوحه المهم وزبدة الموضوع طلع فيها اسطب يمين وصدام فيها شقه والرفرف والشنطه حصل لها طعجه والتوت و الكل كان يشوف الحادث يقلي بسيطه بس معاي احسها بقلبي وزعلان بالاخير قدر ربي وبالحديد ولا بعزيز وروحت اصلحها من.جيبي الين انتظر تعويضي من الشركات التامين لفيت على ورش السمكره والكل يهوولي الحادث ويقلي غير ورش وجيب شنطه ولازم الشنطه تنسحب وتتعدل وتندق بس ما ارتحت قلت لازم في حل وماصدقت المتعلمين علي رؤوسنا بالاخير هما يبو يكسبو ويكبرو الوضع واقل شي لقيته بشغل يد 1400 مع سمكره ورش ولازم صدام جديد والشنطه تتسمكر وتنرش ومكان الدقه ينسحب واقتنعت بكلامهم وفوضت امري لربي وقلت انزل بعد العصر اخد الاسطب والصدام وارميها بورشه تخلص بسرعه الا ونا رايح يتصل عليا ولد اختي ويقلي سلامات وبينتله الوضع يقلي ارسلك لواحد معلم مزبووط وما يقصر اتعامل معاه قبل وقلت خليني اروحله مع اني عارف شريط السمكريه وهرجهم من كثر مالفيت الا وروحت وشاف السياره قلي خليها على وضعها لاتغير ولا تسمكر انا اعدلها لك وب 300 وربي ما اقتنعت قلت شكلو اهبل ويضحك عليا قلتلو لو دفعت وما زبط قلي اتوكل على الله ولا تجيني الا بعد العشاء ولا جيت وشفت السياره اقسم بالله اقتنعت انو معلم واغلب الي بالصناعيه خراطين ومتعلمين مهم معلمين  ورجع السياره ليا تقريبا 90 بالمئه زي اول ومن غير ضربة شاكوش او معجون او سمكره وب 400 شغل يد وكم مشبكيه وجلدة الصدام وباختصار كلامي رغم اني طولت لاتصدق اي سمكري واي ميكانيكي او كهربائي الا لمن تتاكد انو مافي حل وتفهم انو هو يهمو انو يكسب من راسك اذا منت فاهم








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


والله معلم ماشاء الله
موقع الورشة لو اكرم ؟


up 5 down 0
saleh.as 36
قبل 4 سنه



وين مكان الورشة هذي؟


up 3 down 0



بمكه المكرمه صناعية الزاهر عند هانكوك


الزاهر مافيه صناعية 


up 1 down 0
saleh.as 36
قبل 4 سنه



تقصد شارع الحج ؟


up 0 down 0
saleh.as 36
قبل 4 سنه



تقرير رائع +1 لايك للجميع


up 1 down 0
Abu-Nawaf 339
قبل 4 سنه



معلم كبير الصراحة 

بس سؤال ليش ما رشيت الصدام كامل؟؟؟ 


up 0 down 0
khaled al baloushi 239
قبل 4 سنه



الي بالشهداء اقصد بس قبل اشارة الزاهر في محل هانكوك حق الكفرات تدخل من عنده اول ورشه على يدك اليسار معلم اسمه سليم 


فرق 1000 ريال حسبي الله ونعم الوكيل ذكرتني امس كنت الف ع الكهربائيين ولاعة السيارة خربانه وكل واحد يقولي افكها اخذ منك 100 ريال
قلت ليش يقول صعب فكها
ومدري ايش اخر شي رحت لمحل قطع واخذت الولاعه
كامله قالي ليش تبيها كامله قلت خربانه ومحد رضى يفكها بغيرها كلها وارتاح قالي وين السيارة قلت هذي قدامك قال اصبر دقيقه حاول بالولاعه وقالي عندك سلك مفصول من مكانه وهو السبب شبكته لك خلاص توكل ماتحتاج الولاعه الجديده قلت احلف > ماني مصدق قال والله تعال اوريك وفك درج الاكواب ووراني السلك قال مفصول كان وبس وماخذ مني شي قال ادعي لي بس مابي شي


up 8 down 0
جاسم 12 -251
قبل 4 سنه



يا أخ خالد /مارشيت لانه صدام بلده وماخسرت لمن رجعها لي زي اول تقريبا ونصيحته كمان يقلي خليها بشد بلده وماضحك عليا


يا اخ جاسم الله يعينك وحاله مع الكل انت ارحم انا مررره قبل خمس سنوات وسيارتي لومينا وعشان بواجي وتفتفه وكنت مصدق كلام الميكانيكي لاني كنت واثق فيه ومتعامل معاه خلاني اغير عامود كردان خليها على ربك اذا بنلوم نلوم نفسنا لانه احنا نستهلك ونستخدم بس ما نتعلم ونصدق اي شي يقولوه 


صراحه شغل جميل جدا 
وحظك زين اللي كلمت ولد أختك ولا تنسى تسرق التأمين


up 2 down 0
mohammed shareef 1022
قبل 4 سنه



لو سمحت اسم الورشة او رقم الجوال وهانكوك هدا بنشر ولا محل


up 0 down 0
ابومازن999 286
قبل 4 سنه



ياعميد حط رقم السمكري خل الشباب يستفيدون 
وهذا لايك


up 1 down 1
باترول 2020 2595
قبل 4 سنه



ياعميد انا من مكة لو تعطيني وصف الورشة بالظبط 
والحمدالله على سلامتك 


up 1 down 1



معليش يا اخوان كنت راجع للبيت دوبي دخلت للمنتدى ورقم المعلم 0508611334 اسمه سليم


ماشاء الله روعه 


up 0 down 0
ابو محارب 79 192
قبل 4 سنه



ما شاء الله ، شغل معلم ، وأصلاً الشنطة ما تحتاج سمكرة من البداية ، واضح جداً من الصورة الأولى . 

والحمد لله انك ما استعجلت من البداية ورحت لأصحاب الورش المستغلين ، ويمكن ما رايحين يضبطونها صح ويكون فيه رش 

وسمكرة وهذا يقلل من قيمة السيارة . 


up 0 down 0
رعد 4 3251
قبل 4 سنه



يا اخ رعد الشنطه فيها طعجه من جهة العلامه glx ومن الوسط ماكانت تتقفل وقواعدها اتلوت بس عدل كل دا تعديل يدوي من غير ضربة شاكوش واهم من دا انه خيره من ربي وسخرلي الانسان دا ولاكنت بالفعل اسمكر وارش صدام جديد وبالفعل يطيح من قيمة السياره ونا من نوع الي اهتم واحب كل شي حق بلد