أضف سؤال أو موضوع جديد          

خارج عن السيارات مهم

up 6 down 5
underground2 106
قبل 6 سنه و 9 شهر



السلام عليكم 

الموضوع خارج عن السيارات وابي الفزعة 

كلمني باكستاني من رقم زين قبل ساعة وقالي انت ربحت 200 الف ريال وعطاني رقم قالي هذا id الشريحة فك الجوال وتاكد 

فكيت الجوال والرقم اللي خلف الشريحة نفس اللي عطاني اياه !!

قالي بتستلم الهدية من فرع الراجحي عندك بطاقة ؟ قلتله لا ما عندي ! قالي عندك اي صراف ثاني ؟ قلتله لا !
وسالني اقرب فرع لي كم ياخذ وقت 

وسالني اذا عندي رقم stc , والجنسية , سالني عن مكاني الان , واخر سؤال رقم بطاقة الاحوال هنا انا شكيت في الموضوع قلتله انت اي فرع من زين ؟ قالي من جدة 

قلتله جيب مدير عربي اكلمه  , قالي ما في قرقر زيادة وفصل المكالمة << جاوبته كل الاجوبة غلط ض1

شرايكم بالسالفة يا شباب لا يكون وراها مصيبة ولا شي ..!

واسف الموضوع مهو بمحله لكن ادري انكم رجال واهل الفزعة 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


موضوع نصب الهدف منه جمع اكبر قدر من  بيانات الناس  لشركات التسويق وانتشر بشكل كبير الفترة الاخيرة


up 6 down 0
hazemnabil 69
قبل 6 سنه و 9 شهر



هذا موضوع نصب يا غالي و إنتشر قبل فترة و حذروا منه حتى الإتصالات نفسهم ، إنتبه و بالتوفيق


up 1 down 0
شرواك 2000 1068
قبل 6 سنه و 9 شهر



ذيك المرة كلمني واحد ومشيت معاه للاخر قلتله انا بجدة قال والله انا رياض قلتله وين بالرياض وجلست اماطل بالتلفون ابي امسكه الحيوان قفل جواله شك فيني انا ودي امسكهم ابو بكس سبب مصايب واجد هنا 


up 1 down 1
benz lover -74
قبل 6 سنه و 9 شهر



هذا نصب واضح خصوصا ان المتصل اجنبي و غير عربي 


up 2 down 3
khalidoo 1167
قبل 6 سنه و 9 شهر



نصب ودق علي .. وقال ربحت 200 الف وعشان تستلمها ضروري ترسل بطايق شحن بألفين ريال  قلت له اعطيني عشره الاف وخذ الباقي .. واما رقم الشريحه اللي بالخلف .. ترى موجوده بكل شرايح زين نفس الرقم .. 


up 2 down 1
مستريح البال 1 1780
قبل 6 سنه و 9 شهر



موضوع نصب و اساسا لو تشوف جميع الشرائح الرقم اللي في الخلف موحده نهايته و الناس تحسب إن الرقم لشريحته لحالها و يطيحون في المقلب


up 0 down 0
أحمد 14 549
قبل 6 سنه و 9 شهر



نصابين كانو عندنا في الامارات و الحين انتقلو للمملكة العربية السعودية 

تحياتي 


up 7 down 0
khaled al baloushi 240
قبل 6 سنه و 9 شهر



مستريح البال هههههههههه 

حلوه عطني 10 و خذ الباقي هههههههههه 


up 1 down 1
مباديء رجوله 59
قبل 6 سنه و 9 شهر



انا نفس الشي قالي 200 الف عطني حسابك عشان احول

طقطقت عليع قلتله تبغى كلمة السر بعد؟؟؟ 

قام قفل 

والله نصابين




up 0 down 1
معالم التقنية 145
قبل 6 سنه و 9 شهر



لعبوا على سواقنا في يوم رايح جاي للبقالة واقول له وش عندك يقول انا فزت 200 الف ريال علشان تأخذها لازم تدفع سوا 2000 ريال 
وما لقا الا سوا ابو 100 ويجمع منها ويرسل اخر شيء قالوا له خلاص الحين 200 الف جاهزة في الراجحي رح خذها و طارت فلوسه 


up 0 down 0
shecoo 565
قبل 6 سنه و 9 شهر



دقوا علي كثير احيانا اقولهم لا انا شبعان مايبغى فلوس واحيانا اطقطق عليهم بالاخير نصابين


up 1 down 1
جاسم 12 -251
قبل 6 سنه و 9 شهر



ههههههههههههههههه 


up 0 down 1
musaab ghutoq 2
قبل 6 سنه و 9 شهر



نصب واحتيال انتبه الله يحميك 


up 0 down 0
musaab ghutoq 2
قبل 6 سنه و 9 شهر



كله هدفهم نصب جمع بطائق شحن 

والادهى من هذا ان عندهم برنامج يعرف على من تتصل في مرة اتصل علي من هؤلاء الهنود و كلمني اني فزت ويريد بطائق
 شحن وانا عندي خلفية عن الموضوع قرات في صحيفة الوطن قبل الحادثة عن واحد في حائل نصب عليه وخسر حوالي 6الاف
الـــــــــــــلــــــــــــــــــــــه يعوضه  خــــــــــــــيــــــــــــــــــــــــــــــــــــــــــر
فقلت للنصاب اروح البقالة اشتري بطائق واعطيك رقم شحن وانا اتصلت على999 علشان ابلغ وبلغت واعطيتهم رقم جواله
وارجعت اتصل عليه مغلق لمدة اسبوع وهو على هذه الحالة وانا بعدها ما عاد اتصلت


up 1 down 0
أبوحسام999 38
قبل 6 سنه و 9 شهر



يا الله "نفس الي صار معي قبل سنة بالتمام لكن استدرجته وقلتله بقفل وجهز بطاقتي وبدق عليك ورحة لمركز شرطة وبلغته بالسالفة ورد
علي العسكري ببرود يقولي يااررجال ريح راسك ولا ترد عليهم  صراحه حطمني قلت انا الحين جايب لهم صيدة هههههههههه



up 1 down 1
متعب2300 572
قبل 6 سنه و 9 شهر



كذابين انتم منهم منهم هذولي عصابات


up 0 down 0
0majed0 -1
قبل 6 سنه و 9 شهر



المصيبة يقول خذ كلم المدير وجاني باكستاني ثاني على اساس انه مدير , الظاهر انهم متجمعين في العزبة ويطقطقون علينا هههه

مشكورين يا شباب جميعا ما قصرتو بالردود وبشتكي على الرقم لشركة زين مسوي ازعاج علشان لا يطيح فيها غيري 


up 0 down 0
underground2 106
قبل 6 سنه و 9 شهر



نفس ألطريقه جتني وسحبته بالكلام وطلع فعلا نصاب وصرت أنشب له كل شوي اتصل عليه لين قفل جواله وما عاد شغله الى يومك 

انتبه وانا خوك الناس ذولي دخلين ع البلد وهم كيف يطلعون فلوس من السعودي 


up 0 down 0
088mansour 799
قبل 6 سنه و 9 شهر