كامري 2010 رايكم ؟

خذها وتوكل على الله خواتها من 55 وفوق طبعا النظيفه واللي لونها لؤلؤي

وممشاها معقول و 2011 مرغوب وغالي والله 2011 عز قسم ب الله .

ماتوصل 50 ياسامي .. وين طاير في العجة ؟؟
35 اذا مرة نظيفة هذا ان كانت وردة ولقطة زي مايقولون ..

السعر حلوو بس ليش تحتاج وزن رفارف هل حصلها صدمه في الامام
اذا سالمة من الصدمات القوية سعرها طيب
قطع الغيار غالية بس فية بدائل زي المساعدات الوكالة الواحد من 500
بس عندك ياباني رخيص وممتاز من 200 واقل 
ولو ان القير اوتو كان افضل بس ممكن انت ترغب العايدي

على كلاا اشوف سعرها مناسب ولو انو يبغالها شوي شغل .. لكن استخير وخذها وحاول تفاصل معه على الف او الفين . بكذا انتا مرة كسبان .. بالتوفيق

يعطيكم العافيه 
من ناحية الصدمات حكات ماهي قويه 
بس يبيلها نفض من تحت تربيط كاامل 
فيها قربعه و الدكسون يرج على سرعه  قليله 
بس انا ابغى اعرف كم يكلفني التربيط كاسعار قطع الغيار 

احرص تشيك الزيت كل 1000 كيلو لانها تحرق
حول العلبه .. اغلب الكوامري قبل 2012 نظامها كذا 

ماينفع نقولك تكلف كذا كذا
اكيد فية اشياء ماتحتاج تغيير
ممكن تكون القربعه من المساعدات ولا مسامير التوازن
ولا كراسي المساعدات ولا كراسي المكينه ولا العكوس
وممكن كل الاشياء الي ذكرتها تحتاج تغيير
لازم يكشف ميكانيكي ويرفعها ويشوف وش تحتاج
اذا انك في جدة ابشر بسعدك بدلك على واحد تركي امين وفنان
واسعارة حلوة ويقولك وش تحتاج من قطع والاشياء السليمه بيقولك ماتحتاج 
يعني ماعنده لف ودوران 

الرفاعي ٣٣ 
يعطيك العافيه ماتقصر وتسلم وانا من مكة 
بس السياره ترج يعني يادوب توصلك الصناعيه 
فيها رجه قويه والدركسون يهز مره 
انا ان شاء الله بكره افحصها و اقلكم وش فيها 

بس حبيت اعرف نبذه عن اسعار قطع الغيار لاهنت
كمسامير التوازن و الاذرعه و المقصات و الركب 
والاقمشة و الهوبات و كراسي المكينه 

شاكر لكم جميعا لتفاعلكم 

انا نفس وضعك قبل اخذت التيما قير عايدي وفيها رجة من العضلات والفرامل كانت تحتاج نفض ونفضتها موديل 2009 من مقصات ومساعدات كراسي مكينة و مساعدات واذرعة 4 و و والمهم اني مابقيت شي ومن بعدها السيارة زي العسل كلفتني2500 وهذي العضلات فقط شغل يد 500 انا فريت قطع الغيار فر لين اخذت احسن اسعار ووفرت مبلغ محترم فوق 300

والله سعر ممتاز لا تفوتك وعاد انت زبط الامور الثانيه وشيكها من والى وانت الكسبان ..

نصيحة ابتعد عنها ودور لك موتر نظيف 
شايفك انا متحمس والتسرع في مثل ذي الامور ماينفع 
افحص كويس افحص كويس

هى طالعة رصيف؟----

وعليكم السلام-------------

دائماً أنت ما تجيب إلا أسئلة سطحية وأشياء تقعد تطقطق بها على الأعضاء ، ما عمري شفت لك حاجة مفيدة ، مرة تسأل عن 

اليوكون ومرة عن الأفالون ومرة عن اللاندكروزر والآن الكامري وأنا أحلف عليك إنك ما شريت هذه السيارات ولا عمرك 

تفكر في شرائها ، وبرضه جاي تسال عن قطع الغيار وأظن أنك تعرف طريق الصناعية والوكالات أحسن من بعض الأعضاء 

فأرجوك اطرح اسئلة تنبلع وأشياء تفيد الأعضاء وفكنا من الطقطقة إلى قاعد تسويها على الأعضاء . 

اول شي ماهو شغلك اسئل اللي ابيه 

ثاني شي انا ابستفيد من خبرة الاعضاء 

ثالث شي على قولتك اني اسال عن قطع الغيار 
وانه فيه وكالات خلاص نقفل المنتدى ونروح الوكاله احسن

وبخصوص الاسئلة اللي اسالها انبلعتلك اهلا وسهلا 
ماانبلعت لك اذلف ذلفك الله برا الموضوع 
وفكنا انت من ردودك اللي مال اومها داعي 
عندك عضوية فيد الناس يا مفيد بدل الفلسفة الزايدة 
انتهى الكلام .

يا اخوان إلي ما هو مصدقني يرجع للمواضيع الي طرحها الأخ ويتأكد من صحة كلامي 

كلها استفسارات وأشياء مكررة تدل على تفكيره السطحي ، ولا عمره طرح شيء من اجتهاده

كما يفعل بعض الأعضاء الذين نستفيد منها فعلياً ، ومواضيع تدل على أنه فعلياً جالس يطقطق في المنتدى 

ما عنده سالفه ، مثال : يستفسر الأخ عن أفالون موديل 2000 ويلقى الإفادات من الاعضاء ، ثم يجي بعد يومين 

يسأل عن نفس السيارة ، كأنه ما صدق إلي أفادوه من أول ، ولاحظوا يا اخوان كل شيء يطرحه في المنتدى 

كلها أسئلة ( وش رايكم ؟ - كم ؟ ) وش يدل عليه يا اخوان هذه الاطروحات السطحية ، تدل على أن عند شخص ما عنده 

سالفة ، يعرف يسأل فقط لكن يجاوبك لا ، يعطيك فائدة لا ، استفسارات كلها وهمية لا عمرة شاف السيارات إلى يقول 

عنها ولا شيء . 

روح موووت 
لما يصير المنتدى باسم ابوك تعال حاسب الناس 
وخل اللقافة الزايدة يا ملقوف 

ووقت ماتبي تفيد الناس فيدهم وانت متاكد 
والا لا تدوخ الخلق 

ولكن مثل شكلك يضل ملقوف ملقوف مايفيد فيه الكلام 

تعوذو من ابليس ي اخوان واذكروا الله