أضف سؤال أو موضوع جديد          

يا اهل الخبره في المرور و المخالفات

up 4 down 2
wd-alharbi 638
قبل 6 سنه و 9 شهر



السلام عليكم

يا اخوان عندي استفسار بخصوص حجز السياره بسبب هروب من الدوريه .

السالفه بختصار :

اخوي الله يهديه عطا السياره واحد من خوياه المهم هذا الحبيب راح لمنطقة تفحيط ( هو متجمهر وليس مفحط ) وجات مداهمه للموقع ومسكو خوينا اللي معه سيارت اخوي والمشكله امسكوه بالقوه الجبريه بعد الطرد والصدم...


الان هو فالحجز ومحكوم عليه 7 الاف تصليح للدوريه وسيارتي ماادري وش سالفتها قالولي راجعنا بعد يومين !!!


فماادري وش نوع المخالفه اللي بتجي السياره !

وهل بتحجز مده معينه ؟!

والله يبعد عنكم المصايب ...







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


احمد ربك انها وقفت على 7000 ريال 
واتوقع صاحبه بيتحول قضيته من مروريه الى جنائيه
 
وكمان اتوقع على الهروب ماهو كويس الله يعينه 


up 1 down 1
مدينةجدهه 33
قبل 6 سنه و 9 شهر



هروب   فيها  6 شهور


up 0 down 0
abd_alrhmn 2352
قبل 6 سنه و 9 شهر



لانه صاحبه يعتبر طرف في قضيه التفحيط اصلان لو ماكان هناك تجمهر ماكان فيه تفحيط على العموم اتوقع قضيه خويكم مطوله 
انصحكم تشوفون واحد في المرور يمشي وضعكم والا الضباط بيكون لهم مفطح من ذهب 


up 0 down 0
مدينةجدهه 33
قبل 6 سنه و 9 شهر



طيب السياره بسمي وماهي حقت السواق!


up 0 down 0
wd-alharbi 638
قبل 6 سنه و 9 شهر



صراحه انا همي السياره هههه اما خوينا الله يكون في عونه .


up 0 down 0
wd-alharbi 638
قبل 6 سنه و 9 شهر



اذا همك السياره ولا يهمك خويك (قول انه اخذ السياره وانا نايم)



up 0 down 4
مدينةجدهه 33
قبل 6 سنه و 9 شهر



السيارة محجوزة وبتطلع ولا عليها مخالفة
زي اللي يفحط بسيارة اجار ما على السياره مخالفه

اللي بيصلح الدورية وسيارتكم هالسربوت هذا الله يلعن ذا الاشكال تتجمل فيه ويروح بموترك لتفحيط وينحاش من دورية

المهم ما دام حكموا عليه بالتعويض للدورية اجل معترف الرجال
لاتتركوا حقكم عنده ما يستاهل


up 6 down 0
als7aimy 1176
قبل 6 سنه و 9 شهر



عادي تراجعهم ويطلعون السيارة لانها ماهي حقته 

وهو يدفع التلفيات بسيارتك والمخالفات 
قول هو قال يبغى السيارة يوصل اهله ما قالكم ابغاها اروح تفحيط 


up 1 down 0
ابو فرح مازدا 538
قبل 6 سنه و 9 شهر



والله غريب يمسكونه عشان متجمهر ؟؟ انا ياما رحت لمواقع التفحيط ومتعودين كل ماجاء ربع شرطي
وولع السيفتي , الكل يهج وخلاص خوي اخوك ذا مسوي بلى


up 0 down 10
حروف للكتابة 27
قبل 6 سنه و 9 شهر



حروف للكتابه , شكلك قديم انت , الحين يبون المتجمهر اكثر من اللي يفحط ههههههه


up 6 down 0
محمد ـا 12
قبل 6 سنه و 9 شهر



و ليه تعطي سيارتك لكل من هب و دب 

والله ما اعطي سيارتي الا لاخوي 

كنت زمان اعطي و ترجع باصوات و لا قبعات 

جلد مو جلدك عالشوك جره 

خذها درس لك


up 3 down 2
rraammooss 965
قبل 6 سنه و 9 شهر



الان هو محجوز و مطلوب 7 الاف تلفيات الدوريه .

وان شاء الله تكون له درس .


انا اليوم رحت وقالولي لازم يجي الضابط اللي كتب فيهم التقرير وحقق معهم لعشان يفيدك بموضوع سيارتك.

وبكره باذن الله اشوف الموضوع .وان شاء الله مايلحقني شي


up 1 down 0
wd-alharbi 638
قبل 6 سنه و 9 شهر



يالغالي سألت واحد صاحبي في البحث والتحري في المرور
قال 
حجز الشخص اسبوعين في التوقيف
ودفع كافة تكاليف الدورية المصدومة
وحجز السيارة شهر كامل مع دفع غرامة ودفع قيمة الارضية وقيمة السطحة 
والرجال ما راح يخرج من التوقيف حتى يدفع قيمة الغرامة 900 ريال مع دفع مبلغ اضرار الي لحقت للدورية 


up 2 down 0
t o m a h a w k 761
قبل 6 سنه و 9 شهر



واذا الشخص عنده مخالفات سابقة موب ضروري يدفعها
المهم يدفع قيمة هذي المخالفة والاضرار الي لحقت بالدورية
واذا الشخص ما عنده فلوس
تتحول لهيئة التحقيق والادعاء العام ويتم التحقيق معه وايداعه السجن حتى موعد المحاكمة والشيخ يحكم عليه


up 1 down 0
t o m a h a w k 761
قبل 6 سنه و 9 شهر



لكن السيارة فقط حجز شهر 
والاجراءات الي تعملها الله يعينك
تروح الاستخبارات والدوريات الامنية ومكافحة المخدرات
تجيب ورقة مختومة فاهم علي مختومة من كل قطاع انه السيارة ما عليها بلاغ وما فيها مشاكل
وبعد كذا تروح المرور وتروح قسم البحث والتحري ويعطونك برنت موقع من العسكري ومختوم من مدير القسم انه السيارة ما عليها ملاحظات
ويعطونك بعدها ورقة لصاحب الحجز مختومة انه لا مانع من خروج السيارة المذكورة في الاستبيان 
ولازم صاحب السيارة او وكيله الشرعي يستلم السيارة



up 1 down 0
t o m a h a w k 761
قبل 6 سنه و 9 شهر



الله يعينك اذكر واحد يقول لنا سالفته دخل بغلط موكب تفحيط بقصيم ومسكوه الفرقه والله ياهو تمرمط شهر وهو يراجع فيهم طبعن ماانحاش زي خويك ولاشي وقف وخذوها سطحه  ودفع بس قيمه المخالفه بس جلس شهر وهو يتمرمط بمرور القصيم عاد القصيم متشددين وهو من اهل الرياض راح جاي القصيم الرياض ومرمطه لحد  انتظر العقيد الي ماسك المرور انتظره لعند سيارته وكلمه وهو خارج من دوام وفكها له 


up 0 down 0
سكودر 14928
قبل 6 سنه و 9 شهر



والله يالغالي لا تثق بأحد ختى لو اخوك
حصلتلي قصة مع اخوي الي اصغر مني كنت ايامها في الدوام في الخطوط السعودية
وعلينا ضغط في العمل مااقدر اخرج من الدوام
وسيارتي كان فيها حذفيه ولازم ميزان وسحب يبيلها شغلات
المهم واكلم اخوي ياخذ سيارتي من البيت ويوديها الورشة ورحت انا بسيارتي الثانية
المهم اخوي قال تم
واخذ السيارة ووداها عند الرجال وخلصت واخوي بشرني انها خلصت وصارت تمام
فرحت 
المهم بعد ساعة المهندس صاحب الميزان يتصل على جوالي
وقال بالحرف الواحد السيارة مع اخوك وواحد صاحبه وجالس يفحط فيها في كل شارع ودخان يطلع من كبوت السيارة وكذا
انا بعدها اتجننت وركبني ابليس
واتصل على اخوي واقوله وش تسوي بالسيارة ليش تفحط فيها هذي هي الامانة !!
اخوي انحررج مني لكن للاسف شين وقوي عين
وقال لا تطلب مني خدمة مرة ثانية ووووو الخ .
ارجع من الدوام وافتح الكبوت الا واشغل السيارة الا واشوف دخان طالع من التيربو وصار يطلع زيت من اطراف مراوح التيربو
يعني التيربو ضرب
والله وانقهر وآكل في نفسي 
وكلفتني السيارة مبلغ وقدرة علشان اصلحها واغير التيربو
فنصيحة يااخوان لا تثقوا بأحد انكم تعطونهم سيارتكم حتى لو اقرب الناس لك اخوك مثلا



up 1 down 0
t o m a h a w k 761
قبل 6 سنه و 9 شهر



الله يجزاكم خير جميع...

و tomahawk بيض الله وجهك وماقصرت ...


up 0 down 0
wd-alharbi 638
قبل 6 سنه و 9 شهر



الله لا يهينه يعوضك ويعوض راعي الدورية هذا صديق سوء انصح اخوك بالابتعاد عنه بيسبب له مشاكل هو بغنى عنها يكفي اعدم عليه موتره


up 1 down 0
benz lover -74
قبل 6 سنه و 9 شهر



النبي يقول (إِنَّمَا مَثَلُ الجَلِيسِ الصَّالحِ والجَلِيسِ السّوءِ كَحَامِلِ الْمِسْكِ وَنَافِخِ الْكِير، فَحَامِلُ الْمِسْكِ إمَّا أنْ يُحْذِيَكَ وَإِمَّا أنْ تَبْتَاعَ مِنْهُ وَإِمَّا أَنْ تَجِدَ مِنْهُ رِيحًا طَيِّبَةً، وَنَافِخُ الكِيرِ إِمَّا أَنْ يُحْرِقَ ثِيَابَكَ وَإِمَّا أَنْ تَجِدَ رِيحًا خَبِيثَةً) متفق عليه.أعانك الله هذا درس لاخوك في اختيار صداقاته


up 1 down 0
جاسم 12 -251
قبل 6 سنه و 9 شهر