هل تامين المركبه يكون فعال وغيري يقود المركبه

اذا كان التأمين ضد الغير وولدك يحمل رخصة ينطبق يشمله التأمين
إما إذا كان التأمين شامل فلازم يكون سن الولد 25 سنة الا في حال كنت مأمن شامل لسن 21

لا التأمين للي باسمه فقط

تقدر تطلع تامين باسم الولد والسيارة باسمك عادي

نفس موضوع اذا جيت تبيع السيارة المشتري يطلع تامين قبل نقل الملكية

او تسوي تفويض

لازم تسويله تفويض سواقه على السياره

سلطان ماقصر وازيد اذا كان التامين ضد الغير وولدك اقل من ٢٥ م يشمله لان له تامين خاص وسعر اعلى 

يا اخوي لما تسوي تامين يعطونك اوراق مع الكرت 

اقرا الاوراق وخذ العلم الاكيد

السلام عليكم 

دام ان الولد الله يحفظه عنده رخصه قياده فالافضل تسوي له تفويض تفاديا للرفض من شركه التامين

لانه كل شركه لها نظام بعضهم عادي اهم شي عند السائق رخصه وناس لازم يكون مفوض له  وفيه يركات لازم يكون مسجل اسم الولد بالوثيقه 
اذا عندك التامين شوف بنود العقد وراح تتضح لك الصوره
سوي تفويض احتياط للولد ماراح ياخذ من وقتك دقايق   
والله يحفظكم من كل مكروه

ياخي انت توقع على بياض؟ معليش ياخي وش هالغباء اللي فيك يوم توقع ع تأمين ماقريت شروطه وبعدين ورقه التامين ورا مكتوب كلام كثير وش يشمل وش مايشمل ليه ماتقراها الواحد مايكلف نفسه قراءة بس يوقع اهم شي يخلص ويمشي

ما يحتاج تفويض ولا شيء اذا السياره بإسمك انت وليس بإسم شركة

سواء ابنك او اي شخص يستخدمها بحال الحادث ومعاه رخصة يشملها التأمين

سواء كان شامل او ضد الغير 

لكن لو كانت بإسم شركة ايجار منتهي بالتمليك لابد من التفويض لزيادة التعقيد فقط

لأن التأمين على السياره وليس على الرخصة

علموني انت وياه كيف يأمن لولده ما عاد فيه تأمين رخصة ما فيه الا تأمين سيارات 

ديس لايك ليه؟ ازعجكم كلامي ي جماعة الحمقى والمغفلين؟ والله استغرب لما اشوف شخص يوقع في بيعه او عقد ومايقرا الورقه نهائيا وخصوصا اوراق المبايعات والتامين
امس انا كنت بمركز افحص سيارة وعطاني ورقة حقت توقيع استلام وقعد اقراها 10 دقايق حتى العامل بغى ينجن يقول كلهم يوقعون ويمشون وش تقرا؟ قلت والله ماني دافع وانا مدري وش كاتب هنا فرضا انك اخليت المسؤوليه من فحصك ونتائجه وقتها انا باكلها

الف شكر اخواني الله يجزاكم خير ماقصرتم وفقكم الله جميعاً

الاخ جاسم 12 هداك الله احسن النيه .. يا اخي انا بعدني ما اشتريت السياره والان بنزل اشتريها واسوي التامين بس حبيت اخذ فكره عن الوضع
لان ماودي احط السياره باسم الولد لاعتبارات عندي وتفاصيل لم اذكرها .. فكتبت هنا للاستفسار هل يمكن الاستفاده من التامين للولد والسياره باسمي 
عموما ماقصرت وماقصروا الاخوان اللي شاركوني خبرتهم والرأي .. اسعدكم الله في الدارين جميعا 

كلام ابراهيم 100% 

بس التامين على الرخصه موجود عن التعاونية الى الان

جاسم 12 كلامك ما عليه خلاف بس العتب على اسلوبك

ابراهيم التركي 100% التأمين على المركبة وليس على الرخصة وفي وثقة التأمين مكتوب يشمل التأمين كل من يسوق المركبة ومعه رخصة قيادة << قراها من الوثيقة ههههههههههههه

اما جاسم الاسلوب حبيبي

طيب اسف .. بالنسبه لتامينك واللي يسوق الولد ترا اذا كان ولدك تحت سن 21 حتى لو معه رخصه التامين مايشمله لازم تسوي بنفس التامين شي يسمونة اجازة سائق تحت 21 سنة وطبعا تدفع زياده ع التامين انا عندي تامين وقاعد اقرا منه هالشي انتبه اذا كان ولدك تحت 21 كلم التامين انك تبي تحطه في السائقين المجازين تحت 21 سنة

انا لما قلت لك سوي تفويض  سويه احتياط احتياط انا وانت والاخوه نعرف جميعا حركات شركات التامين 
مايصدقون يشوفون ثغره على الواحد  
اذا سويت تامين يوف بنود العقد عندك وراح تعرف الوضع
اذا ماسويت التامين مر الشركات وامن وخلهم يسجلون اسم الولد بالوثيقه ك سائق ثان  

اذا امنت وخلاص سوي تفويض  وان شاء الله ماتحتاج التامين قول امين

عجبتني جماعة الحمقى والمغفلين هههههههههه .... لا يجيني دس لايك ترانا نطقطق 

حبيبي اذا السياره باسمك وليست باسم شركه والتامين ضد الغير اذا كان عمر ولدك فوق 21 تامن التامين اللي باسمك وعادي اذا كان عمر الولد اقل من 21 فتكلم شركة التامين تقله ابغاه اقل من 21 لان الولد عندي يسوق السياره واقل من 21 وتجيب هوية ولدك

عشان يسجله سائق بعد كذا اي واحد تحت 21 يقدر يسوق السياره حتى لو منت مسويله تفويض ..

والله ماعاد ندري وش السالفه تناقضات كثيره بالنظام عندنا 
يعني تحصل مكتوب بالورقه
1-لايشمل السائق الغيرمفوض له 
2-لايشمل من لايحمل رخصه قياده <<هذا الكلام يناقض الشرط الاول او البند
اللي فهمته من النقطه 2 ان اللي معه رخصه يشمله التأمين والنقطه الاولى لازم مفوض له وطبعآ التفويض ماراح يطلع
لسائق بدون رخصه !!!!!!!!!!!!!!!!!!!!!!!!!!!!!!

 اخي الصغير قبل 3سنوات سوى حادث على سيارتي
والخطأعليه وعمره تحت ال21 ومعه رخصه وشمله التأمين 

الحين وش النضام هل من جواب اكيد