نظام تاجير عبداللطيف جميل

نظام عبداللطيف اذا اخذت من عندهم أقساط يأمنون السياره تأمين شامل من عندهم.. لكن الي مافهمته مثلا واحد صدمك او انت صدمت واحد؟

اي كانت الصدمه سواء الغلط كان علي او علی الطرف الثاني 

بحكم تجربتي قبل شهرين صدمني واحد والخطأ عليه 100% اجراءاتهم لعوزه شوي بس يجيك حقك كامل.. رحت اخذت تفويض من الشركه باستلام الشيك ورحت للتامين اسبوعين والشيك جاهز، طبعا الشيك باسمهم(عبداللطيف جميل) لان السياره تأجير منتهي بالتمليك يعني لازالت بأسمهم
بعدها قدمت الشيك لعبداللطيف وكتبو رقم الشيك وقالولي رح اودعه بحسابنا اودعته وجبت ايداع وعطيته، اسبوع بالضبط وجيت استلمت كامل المبلغ من عندهم كاااش

((( طبعا قبل هذا كله خيروني قالولي تبي تصلح وكاله بلاش بس مبلغ الشيك يكون لنا او تبي تصلح السياره من الورش والشيك يجيك كله )))) اخترت الورش


هذا بالنسبه اذا كان الخطأ ع الي صدمك


اذا انت صدمت ما ادري بس انه التأمين بيكون شامل من عندهم

اسف ع الاطاله

نظام التقسيط عند عبدالطيف جميل مايستجل بساما 

ف عادي تقدر تطلع قرض  بس لا تنكب روحك اذ انت عايف الموتر صلحه بالوكاله وبعدها اعرضها للتنازل وبعدها خذ موتر بقرضك 

الله يبيض  وجهيكم ما قصرتوا 

عبداللطيف انضم لشركة سمه من 3شهور 
لاكن مايدققون

افاده ع كلام الشباب
البنك الي راتبك ينزل عليه وبتاخذ قرض ماعليهم منك اذا انت مطلع سياره ايجار منتهي بالتمليك
لان البنك ماسك راتبك
لكن نفرض راتبك ع الراجحي وخذيت سياره ايجار منتهي بالتمليك من الراجحي
فيناظرون قسط السياره وقسط البنك

وقس ع ذلك باقي البنوك
لكن الافضل اي سياره تبي تطلعها لاتاخذها ايجار عن طريق بنكك غير جهة التمويل

بالنسبه لعبداللطيف جميل هو الافضل ولا له علاقه فسمه 
لكن مشكلته الفوائد ياخذ بالسنه ١١ ٪ شامله التامين
هو واليسر وشركة تاجير نفس النسبه او تنقص نسبه وحده 
واقل فوائد البنك الاهلي ٧.٢٥٪

ياشباب انا رجال سيارتي كامري ٢٠١٨ من عبداللطيف جميل منتهي بالتمليك طاحت في حفره وجاء نجم وتفاجئت ان التأمين ضد الغير راجعت الشركة قالو شامل ل عبداللطيف جميل وانت ضد الغير
قالي الموظف حول الحادث للمرور فأرجو منكم الافاده