أضف سؤال أو موضوع جديد          

نصيحتكم في الكمبروسر

up 1 down 3
123 go 198
قبل 6 سنه و شهر



السلام عليكم ورحمة الله وبركاتة.. 

تحية طيبة للإخوان بالمنتدى،، 

اخواني عندي كامري ٢٠٠٢  من فترة حسيت إن تبريدها ينزل تدريجيا

لدرجة صار من وقت مايحتر الجو تبريد خفيف لحد خلاص صار ماعاد يبرد

رحت الورشة قال عندك تسريب فريون+ضعف في الكمبروسر

وبما اني كنت في حاجة ملحة للسيارة امس خليته يعبي فريون منها أشوف اذا بتمشي

وإذا مامشى يتضح الخلل..

الشاهد يا اخوان بعد ماعبيت اليوم الثاني راح التبريد ماعاد يبرد..

الشي الثاني فكيت الكبوت واطالع الكمبروسر يفصل ويشبك سريع يعني يشبك عشر ثواني او اقل

وبعدها يرجع يفصل وعلى ذا الحال

فيه شغله عند سواقتي للسيارة انها تاخذ عزم وبعدين تثقل توقعاتكم هل السبب الكمبروسر وقت مايشبك ويفصل

ونصيحتكم اللي مر عليه الخراب هل أغير الكمبروسر او فيه حل ثاني،، 

تحياتي لكم جميعا 

وصلو على النبي المبعوث رحمةً للعالمين 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


دامه يفصل ويشتغل على طول الفريون ناقص 
اما انه ماعباه كامل 
اوعندك تهريب 


up 2 down 0
saadko 105
قبل 6 سنه و شهر



انا كنت واقف عنده يوم يعبي والضغط ع ٣٥ واليوم الثاني راح التبريد


up 0 down 0
123 go 198
قبل 6 سنه و شهر



لي  تجربه مريره  جدا مع الكمبرسر  كامري 2004  زمان  شريتها ومكيفها خربان واحسب الشغله سهله  طلعت  
  مثل  شغلة المكينة  ،،
بختصار صلحته  70  مره  وبعض المرات  يخرب  قبل يصك الكبووت ،
  قالي المهندس  اذا الكمبرسر انفك  مايضبط  وان ضبط  يكون تبريده خفيف
وطلبت جديد  وسحبو فيني  15 يوم وطلع ليس هو وسعره2800 بدون تركيب
المهم  اشتريت واحد من التشليح  تبع 2005   ما انفك  ابدا  وضغطه ممتاز
ب1300 مع الرجيع  
وشغل يد حدود500 ريال 
تغيير فلاتر وزيت  ، وتنظيف مواصير
والحمدلله بعت السياره والتكييف  ثالج
بختصار اخوي ، اذا المشكله كمبرسر وانفك  ورجع تعطل ثاني مره احذفه  وطق واحد من التشليح  اهم شي مايكون مصلح  
اذا كاان مصلح  تراك   ماسويت  شي 

 وركبه عند واحد فاهم ينظف المواصيررررر  
والله يوفقك  واسف على الاطاله حبيت اقولك اللي صار معي


up 1 down 0
خالد الاسكندر -40
قبل 6 سنه و شهر



الله يعطيك العافية ع طرح التجربة والله يعوض عليك

السيارة اللي معي ماخذها من جارنا شايب قبل٤ سنين

الكمبرسر شد بلد ماقد انفك عشان كذا ماودي استعجل

وأبي اسمع شور الاخوان في المنتدى يمكن الشغله سهله قبل الخساير

ولايك+١ لكل من رد


up 0 down 0
123 go 198
قبل 6 سنه و شهر



اخي...عندك تهريب في غاز اما تهريب خارجي او داخلي . اذا داخلي راح تشم ريحه غاز تكيف اول ماتشغل التكيف ..... والخارجي يبين مع تتبع دورة التبريد عندك مع الفني المختص بالتبريد والتكيف ..... الكمبريسر يفصل ويشبك بسرعه و متواصل هذا بسبب التهريب 
...


up 1 down 0
mmmohd 271
قبل 6 سنه و شهر



انت عندك مشكله في التهريب بس اما الكمبرسر عندك تمام لايلعبون عليك
بعدين هذا الي عباء لك الفريون ليه تخليه يعبي فريون بدون مايفحص كل الورش يفحصون التهريب مجانا
المهم لاحد يلعب عليك ويقول الكمبرسر حقك ضعيف وغيره


up 0 down 0
Pro rare 448
قبل 6 سنه و شهر



الله يجزاكم الخير .. يعني من كلامكم الكمبروسر ان شالله سليم !

والله وانا اخوك كنت مستعجل لأمر ضروري عساس كذا خليته يعبي

ان شالله بكره اروح أشيك ع التسريب والله يكتب آجركم 

+ ١ لايك للجميع


up 0 down 0
123 go 198
قبل 6 سنه و شهر



اخوي تبي العلم الزين الكامري مكيفها مخيس الى ابعد درجه 
اخوي معاه كامري ٢٠١٠ الكمبروسر حقها تعبان بالظهر لازم يقوي المكيف على اخر درجه 
وكمان تعبان مع انه مركب تضليل 
قاام راح بن لادن طاح في شيبه يماني قال كذا مكيفات الكامري قال جيب لك كمبروسر كرسيدا اسوي لك ترهيم 
وفعلا جاب له كمبروسر دينسون ب ٨٥٠ ياباني جديد و ٣٠٠ ريال بكره اصليه وركبه له ب ٣٥٠ شغل يد مع فريون اصلي امريكي
والان تمام وضعه له فوق ٤ شهور يحتاج فقط للظهر الدرجه الثانيه والليل درجه واحده 
وكمبروسره القديم معاه في شنطه السياره احطياط لو خرب حق الكرسيدا ركب حقها



up 0 down 0
مدينةجدهه 33
قبل 6 سنه و شهر



الشبك و الفصل هذا نقص الفريون عن 25 psi و اذا كان الضغط حق ااكمبرسر ضعيف خليه يعبيه الی 45 psi 


up 0 down 0
khalidoo 1167
قبل 6 سنه و شهر



اخوي سيبك من الورشه الكمبرسور لو يهرب يبان حوالينه كل يكون في زيت مو شئ يضيع يبان بشوفه عينك كانك كبيت مويه وتراب عليه يتراكم عليه هالشئ
ماعليه شئ شفته نظيف الكمبرسور مافيه شئ الليات او الثلاجه اوا لرديتر فيهم تنسيم قوي


up 0 down 0
احمد شريف 3176
قبل 6 سنه و شهر



والله مدري يابو شريف ماشفت شي عادي الكمبروسر 

بس هل للثلاجة دخل يعني ممكن يكون التسريب منها اولا


up 0 down 0
123 go 198
قبل 6 سنه و شهر



السلام عليكم

التهريب داخلي او خارجي 

الداخلي ريحه بداخل السياره من المواصير الداخله للثلاجه او الثلاجه فيها تهريب 
والحل يفك جزء من الطبلون لاجل يوصل للثلاجه اذا كان فيه مجال يلحمها او اذا كان ماتضبط تغيرها اصلي 
تلحيم المواصير الداخليه وبالذات مكان التهريب راس الماصوره بين الداخل والخارج وتكون بينهم جلبه 

الخارجي  يعبي هواء للكمبروسور بفوة 200 /250  وراح يبين معاه بالصابون مكان التهريب بدقيقه
شوف رديتر المكيف فيه اثار لزيت  بقعاء واضحه  اذا كان فيه معناته حصى بالطريق ويبيلك لحام بسيط امره
مواصير المكيف اللي من الرديتر والفحص يكون بكل ماصوره من الرديتر اما تحتاج تلحين اذا كان ثقب بالوسط او كبس اذا كان لي راح يتغير 
بلف الكمبروسور  وهذا يتغير البلف وخلاص
مكان اللي يعبي منه الفريون والمواصير اللي معاه بعد

موضوعك باذن الله بسيط بمجرد مايركب هواء ضغط عالي وصابون راح يبين مكان التهريب سريع
بس لاتخليه الهواء لفتره طويله خوفا من تلف الكمبروسور والفتره حدود  ساعه وانتبه وانتبه وانتبه تنسى وتشغل الكمبروسور

طبعا اللي سجلته فوق كلها طرق تقليديه وفبها فائده

الطرق الجديده 
بالليزر  راح يعبي الفني  فريون ثم يمرر بالجهاز على المواصير والكمبروسور والرديتر حق المكيف والثلاجه داخلي  وراح يصدر الجهاز صوت
  بصراحه انا ماجربتها واحسها استنزاف للمال  انت عبيت فريون بمبلغ  يروح عليك الفريون عشان كشف وممكن صحيح وممكن غلط مافي شي تشوفه بعينك 
اذا اتجهت للطريقه الليزر تكشف وتعبي الفريون منه عشان اذا هرب ترجع له  واشرط عليه  قبل

الله يكون بعونك


up 0 down 0
قل قسم 149
قبل 6 سنه و شهر



الله يعطيك العافية شرح وافي وبأذن الله بسأل عن الليزر اذا النتيجة معه كويسة


up 0 down 1
123 go 198
قبل 6 سنه و شهر