شراء سيارة مصدومه

إذا الصدمة ماوصلت للشاص والقطع الميكانيكية خذها عادي إذا كان أوفر لك

اول شي تأكد من الممشى والماكينة 
بعدين روح سعر كل القطع مع الخصم طبعا عند اي 
محل تويوتا وشغل اليد 
وبعدين احسب سعر السيارة مع سعر التصليح كامل 
اذا بتستخدم وطلع معاك فرق بالسعر حلو 

انا قبل ٤ شهور حصلت اف جي مصدوم ٢٠٠٩ 
كان فيه كبوت وصدام ورفرفين+ ايرباق السواق والراكب  والبيع لاعلى سومة 
انا سمت من راسي ٣٠ وقالي اشوف راعيه 
وكلم راعيه ووافق 
سعرت القطع ٧٥٠٠ كامله من الكليبسات الى القزاز 
باستثناء الإيرباق 
وشغل اليد ٤٠٠٠ الى ٦٠٠٠ 
لو أخذته كان طلع علي بحدود ٤٥٠٠٠ الف ريال 
يا بلاش و٢٠٠٩ فل رقم ٢ وابيض وعداده ٢٠٠ الف 

لكن مالنا نصيب فيه بطل يبيع الرجال 
وراعية صلحه واستخدمه الله يكفيه الشر ويكفينا جميع 

والله ياخوي إن مع قريب لي واحد حببني فيه 
عجبني انك ما تحس انه جيب تحسه كامري 

هلا اخوي  
مثل ما قالو الاخوان  سعر قطع الغيار وشغل اليد  ،، وشوف كم فرق السعررر
ومدام انه  مع قريب لك  فهذا  شي طيب   وممتاز  جدا
كذا  انت تعرف الموتر   وتعرف  راعيه  وتقدر  تسعر  شغل اليد
،،   اعرف واحد من الشباب   يشتغل بالمصدوم   يشتري ويصلح ويبيع  ،  ومعين  خيرررررررررر

فيه صدمه عن صدمه تفرق ومو كل صدمه ماوصلت الشاص تنفع تستخدم او مامنها خوف

اذا كانت الصدمه قطعت اسلاك كثيره او جت الصدمه على علبة الفيوز فابعد عن السياره ولابعدين كل شوي من محل لمحت تفحص كمبيوتر ومشاكل في الظفيرة
اذا كانت الصدمه من تحت وخاصه على الكفر ومخربه المقصات وغيرها فبعد عن السياره
اما اذا الصدمه على الرفرف ورديتر او بيبان وشنطه كلها تتصلح السياره وترجع مافيها الاالعافية

تعلقت فيه نفسك و هو مصدوم
كيف لو تشتري جديد هههههه
الله يكتب لك اللي فيه الخير
و تحية للي يعافون مواترهم بعد اي صدمة
مصائب قوم عند قوم فوائد

ههههههههههههههههه تتعلق بالخياس

حلوه قريبك حببك فيه وش يحببك بمصدوم وانت كلمة توديك وكلمة تجيبك ههههههههه

حببني بواحد جديد 2015 الله لا يضره 

وبعدين احترم نفسك تراك شايف نفسك شوفه غلط 

محد يعرف الاف جي الا لللي ساقه سياره كفو 
بس ما قدرت على سعر اللي مافيه صدمه قلت اصلح 
انا قاعد ادور واحد مصدوم خفيف 
وبعدين شايفني غبي مثلك اعيش على السيارات 
شكل خوتك كلها سيارات محد يفزع لك ولا يعبرك 

خربت مواضيعي الله لا يوفقك 
كل مواضيعي تجي تخرب 
حسبي الله عليك 

الواحد بجي يسال مسوي تطقطق وانت سامج قسم بالله 

انا مثلك كنت متمسك مأشتري الا هالموتر اخذت الاف جي ب53 الف لونه ابيض فل كامل ماشي 230 الف بس كانت فيه صدمه في باب الشنطه بس والله طحت في صيده ومستحيل افرط فيه موتر يطربك ومعلومه انا بنفسي في البدايه على بالي يمزح المساعدات تبع الاف جي حق الوكاله الواحد 125 ريال الاربعه كامله 500 ريال وكاااله وكراسي المكينه 2 ب370 ريال كرسي القير 270 ريال الكرتير حق المكينه 400 ريال الفحمات الامامي 200 ريال والخلفي 200 ريال للمعلوميه فقط